مرتاح احبك ولا علمت
حتى انت عييت ابين لك
برق لمع بالعيون وخفت
مواجع القلب توصلك
عساك في ناظري ماشفت
كيف المعاليق يومن لك
من خوفتي لاحترق جنبت
هربت من شمسك لظلك
اخشى عليك الهوى لو طحت
وما تلني يمك يتلك

من بعد مزح ولعب
اهو صار حبك صحيح
وأصبحت مغرم عيون
وأمسيت وقلبي طريح
وأخجل إذا جات عيني
صدفه في عينك وأصيح
مربوك وحاير بأمري
من فرحي أبغى أطيح

يامحلا جمعة اخوانك حواليك
وعيال عمك واقصراك وخوالك
ورفيقك اللي مايخيب هقاويك
اللي لامنك تضايقت .. جا لك
جمعة مثل ذولا حواليك تغنيك
والله مايغنيك عنهم حلالك
والله مايقهر ويكسر معاديك
إلا لا شاف عيال عمك ظلالك
لا جارت الدنيا وطحت بدهاليك
يا غير اخوك اخوك م فز شالك
اسمع كلامي زين وافتح اذانيك
واشبك يمينك في اصابع شمالك
لا صرت مع ربعك كذا مثل أياديك
يا طيب حظك صدق ويا طيب فالك

بين لون الكاكاو وصبغة الزعفران
يِدرج لون شعرك يا صلاة النبي
خلي الريح تلعب به برفق وحنان
وين ما مال شعرك يا هواي العبي
يطوي الثوب مشيك يا الله المستعان
شوف عيني بثوبك في قفاك يحبي
ما يقر النظر به لا دخل به جنان
كنه يقول مشيك وش تبي وش تبي
والتفافيح حظاً للوريع الجبان
اشهد ان الزرار اللي حرسها غبي

أيقنتُ أنَّ هواكِ يسري في دمي
فتبعته ُ لأحدَّ من أشواقي
وعرفتُ فضلكِ في الفراقِ وإنّني
أخشى لعمريَ أن يطول فراقي
ووجدتُ أنَّكِ في حياتي سرها
فدعوتُ ربي أن يحين تلاقي
لو جمِّعتْ كل النساءِ بدنْيتي
لاخترتُ وجهكِ كي يكون خَلَاقي
أنتِ الوحيدة من يحقّ لها الهوى
كلٌ يزول وأنتِ حبكِ باقي

لا تراقبي من بعيد
أدني مني .. إحتوي إعصاري
هدئ رياحي .. إقذفي بكل مافيك
بين أمواجي .. ستعليك موجه
وتسقطك أُخرى .. بين أحضاني
دعينا نذوق .. من الحب أحلاه
ومن الشهد مانتمناه .. دعينا نودع حزننا
كل هموم حياتنا .. ولنعش لحظه لبعضنا