الأعضاء ( هيا عاد ) و ( شخبار قلبك ) و ( رسيل الشهري ) و ( كيان إنسانه )

اعتذر منكم لأني لم أقتبس ردودكم وأرد عليكم لأني خارج المنزل وفاتح من جهاز جوال متعبني شوي في النظر ..

ولكن شكراً لكم على التفاعل في قضية أختنا صاحبة الموضوع وأتمنى إننا قدمنا لها ولو شيء بسيط تنتفع به حتى تتخلص من شراك مبتز ..

وإذا هناك شيء جديد في المشكله فلا مانع من ذكره

الله يأخذه و لا مره كلمته مطنشته ما كلمته الا لما قالوا لي الهيئة كلميه واتس اب برمضان العام اما اتصالات انا مقفلة جوالي بموجود
و الواتس اب مقفلة دخولي و اذا جيت افتح المحادثات حقته او غيره أقفل ال**** افتحهم و اطلع
انا ما كلمته لاني ما أبيه يمسك علي محادثه معه و الصور لو أموت ما سويت طلبه انا تصوير لنفسي ما عمري صورت اصلا

راح احذف الواتس اب واقفل جوالي مثل ما قلت لي
شاكره لكم و لك صائد الطرائد و شخبار قلبك
و الله يوفقكم وين ما وجهتو و يسعدكم ويناولكم ما تمنيتو ويستر عليكم دنيا وآخره و لا يحرمكم الراحه و رضاه و نعمه و جناته يارب

شوفي اختي
خلك شجاعة ولا تواجهين الخطأ بخطأ..

مثل ما قالك اخوي صائد الطرائد هذا الشخص من بيتكم وجالس يتسلى ويلعب لين يحصل اللي يبي

لكن الحل هو ببساطة وهذي صارت معي شخصيا وانحلت,,

تتقدمين بشكوى ازعاج عن طريق محرم لك لهيئة الاتصالات السعودية

لازم تكونين شجاعة وتلكمين احد اخوانك وحتى لو اخذتي لك كفين عالطاير عاااادي لكن ابكي مرة ولا تقعدين كانك مسوية جريمة تبكين كل يوم!!!!

اذا فعلا اهلك يخافون على شرفك فراح يوقفون معك واذا هم جهلة فالله يعيينك يبيلك تشوفين اعقل ناسكم وتلجيئن لهم


اما انك تقولين الهيئة يقولون لازم تطلعين معه فانا اتوقع انك اما ان الاشخاص اللي كلمتيهم مش الهيئة او ان سالفتك فيها شيء ما وضحتيه لنا ,, لان الهيئة ما تقول اطلعي واستدرجي الا لما يكون البنت راعية قصص من اول مع الرجال

المهم مشكلتك مش كبيرة زي ما انتي متخيلة لكن تحتاج منك للصبر اكثر وانتي شجاعة لانك تحملتي هالفترة بس باااقي تتشجعين وتقووولين لا للابتزاز

انا أقول اذا طلعتي رقم لاتعطينه الا لاهلك بالبيت بسسسسس ..
لاصديقات ولا أقارب لين ماتتأكدين .. وقولي لاقاربك وصاحباتك ان جوالك خربان واللي يبغاك يدق ع جوال امك ..
حاولي تدقين رقمه من جوال اخوانك او ابوك يمكن يكون مسجل عندهم ..
لان احتمال يكون احد يعرف اخوك وياخذ ارقامك من جواله بدون لايدري ..
وبعدها ا عرفتي مين واجهي اهلك وقولي (فلان من فتره يهددني ويأذيني وهذا الجوال عندكم وشوفو الحل معاه او معاي برايكم )..

الغي رقم جوالك نهائيا واحذفي حسابك من الواتس اب
واذا سالوك اهلك عن السبب قولي لهم بنات يضايقونك في الجامعه
وماتحبين تتواصلين معهم
و وحده منهم مو تمام ولا تبين تتواصلين معها ولا مع صاحباتها
لان كل شي يطلع منهم
كذا تكونين بينتي مشكله لاهلك
واذا عرفوا شي بيكون في بالهم كلام من بنات الجامعة
او ممكن وحده منهم نشرت معلوماتك ورقمك لاحد
وانتي اطلعي من السالفه
بس بيني لاهلك ان بنات الجامعه ماعليهم امان وكل شي يطلع منهم
هذا الواقع اختي لاتعطين رقمك لاي احد
وانا افضل انك تقطعين الجوال لفتره معينه
لاتثقين باي احد ابدا