|
تكفون ساعدوني تكفون ساعدوني عايشه بنكد وهم من سنه ونص حسبي الله ونعم الوكيل الله يشغله عني و يكفينيه نكد علي وجاب لي القلق مااقدر أنام و اذا نمت صحيت مروعه بسببه كل يوم ابكي بصلاتي و ادعي يبعده عني و يشغله و يكفينيه و يستر علي ولا يجعلني عظه و عبره جاني القولون بسببه لا تستهينون بمشكلتي و ساعدوني بحلول والله اني بهم الله يزيله ، انا بنت من عائله محافظه و متشددين لا لي طلعات و لا روحات و لا زيارات صاحبات و لا بيوت جيران ولا مولات لحالي و لا باي مكان حتى لو ضروري حتى بيت خوالي و عماني ما اروح الا بأمي اصلا حتى الجوال ما أخذته الا بثاني جامعه بعد ما حس ابوي باحتياجي له ، المهم تسلط علي واحد بالواتس اب و صار يهدد اما أعطيه صوري او اطلع معه او بيقول لأهلي هو يعرف كل شيء عني و عن اهلي و كان يهدد انا طنشته و بلكته وطلع لي برقم ثاني و طنشت وحذفت الواتس اب كم شهر وألفت قصه عند اهلي عشان يغيرون رقمي مع انهم شكوا و غيرته لقيته متصل على جوال امي و لما ما ردت مرسلها واتس اب يقول انتي فلانه ام فلانه و رجع لي على رقمي انا انجنيت و رحت أكسر شريحة امي المشكله امي ترجع تجيب نفس الرقم بتقولين كلمي أمك او اهلك انا ابوي شديد وأمي اشد اصلا مو قريبه مننا و لا عندها تفاهم لا هي و لا ابوي بهالشيء كان السبب مني او لا مظلومه او استاهل واصلا ابوي حالف لو يجيب طفل سيرة وحده منا على لسانه حتى لو كذب لتجيها رصاصه برأسها وفعلا راح يسويها مو كلام ، ابوي قوي قلبه و يقدر هو وامي يعني لا تقولون بيحنون مرت علينا مواقف و شفت كيف شدتهم و يطاوعهم قلبهم فما بال الموضوع كذا الله يشغله بنفسه بس كلمت الهيئة بمنطقتنا ما نفعوني كل فرع بعيد او قريب ما نفعوني اتصلت باوقات مختلفه عشان يمكن اصادف واحد ينفع كلهم مثل بعض حتى حولوني على رئيس الفرع كلهم يقولون اطلعي معه حتى نمسكه متلبس ولو على موتي ما طلعت وش هالحل اللي بيضيعني أكثر ، والله اني بقلق و لا انام حتى دراستي نزل مستواي مره بيضيع مستقبلي بسببه كل شوي أمر على جوالات اهلي لا يكون ارسل شيء أشغلني الله يشغله والله العظيم بموت من البكاء كل يوم ، اتحرا أوقات الاستجابة و بكل دقيقه و بصلاتي و بسجودي من سنه ونص و ادعي الله لا يجعلها بستري و بسمعتي لا تقولون خواتك الكبار لأنهم بيروحون يعلمون علي و إخواني بيفرغون السلاح برأسي حتى لو هو الغلطان خوالي و عماني ما ينفع و لا العلاقه زينه ما عندي احد تكفون ساعدوني ابي أنام ابي الراحه تكفون اهلي صاروا يشكون فيني من كثر ما انا حابسه نفسي بالغرفه و ابكي طول الوقت تكفون ساعدوني بحل حسبي الله ونعم الوكيل |
والله استحيت اني اكمل قراءة مشكلتك للاخر لان اعصابي فقدتها حسبي الله عليه ونعم الوكيل اللي يستغل بنات الناس ويلعب على عواطفهن لاشباع رغباته ومصالحه الشخصيه اقسم بالله انه اثار اعصابي هذا الشاب الوقح والذي تنازل عن كل القيم والمبادئ مشكله التعامل مع شاب مراهق مثله كل همه ابتزاز فتاه كان على علاقه معها في يوم ما حبته وسلمته قلبها بكل نيه صادقه واخلاص وصولاً الى الثقه العمياء به والتي تبين لاحقاً بأنها ليست بمحلها ، ولكن اعتبري مشكلتك وموضوعك وصل وماحنا رجال اذا ماخلصناك منه سواء انا او من اراد مساعدتك من خلال هذا الموضوع حقيقتاً مشكلتك لايوجد لها حل الا بوجود طرف ثالث يكون رجل يعرف عنه كل شي على اساس انه اخوك او ابوك لان لوحدك لن تتخصين من شراكه بسهوله وانا مستعد ان رغبتي بذالك ان اقوم بهذي المهمه بعد اعطائي معلومات كافيه عنه وعن وسائل الاتصال التي تقربني منه لتواصل والتفاهم معه شخصياً رجل لرجل وسيكون الموضوع سراَ ولن يخرج من بيننا الثلاثه انا وانتي وهو، هذا اذا كنتي تجدين صعوبه في التواصل مع هيئة الامر بالمعروف والنهي عن المنكر .. ولكن قبل ماتقدمين على شيء استخيري الله وادعيه اذا كنت خير معاون لك بأن يبث في روحك الطمئنينه واذا كنت شراً عليك يباعدني عنك وعن وقوفي معك ومساعدتي لك وان شاء الله يكون موضوعك هذا بداية ابتعاده عنك وتركك في حالك والتواصل معك سيكون من خلال المنتدى والرسائل الخاصه فقط انتظر ردك |
انتي عطيتيه صورك من قبل او تعرفينه من قبل وبينكم كلام يا اختي لانك مو كاتبه كل شي ولكن اللي فهمته انه كان لك علاقه سابقه معاه انا بصراحه ماعندي حل ولكن استغفري كل يوم كثيرا لعل الله يغفر لك ما اخطئتي ويصرفه عنك افضل حل تغيرون شريحاتكم كلللللللها حقك وحق عايلتك وخذيها درس لك وكبري راسك المره الجايه ولاتعيدين هالحركه ترا كلهم خرطي مامنهم الا المصايب ابعدي عن الشر وغنيله |
بصراحة كلمة رجل ورائع في حقك اخوي صائد قليلة كلامك جدآ سليم واتمنى الاخت تتواصل مع هيئة الامر بالمعروف والنهي عن المنكر وراح تجد الحل ووصيك دائم بالدعاء هذا حسبنا الله سيوتينا الله من فضلة انا الى الله راغبون وأسال ان يكفيك شرة يارب ونصيحة لكل اخت تحرص على نفسها ودينها وتسأل الله الثبات نحن في زمن الفتن حسبنا الله علية ونعم الوكيل |
الله يبعد عنك الشر اختي انتي لم تذكري التفاصيل كامله ولكن مهما كان انا برايي ان تخبري اهلك لكي يعلمون انك في محل ثقتهم واخبريهم بما حصل لك افضل من ان تسكتين ويكتشفوا ذلك بانفسهم |
لا ما كان لي فيه علاقه الله يشغله انا مالي بهالخرابيط و لا بحياتي اعرفه لا مالي صور عنده بس يعرف عني كل شيء انا وأهلي ماعرف من وين انا خوفي يوصلهم زي ما حاول يوصل لامي وضحت لكم الهيئة ما ساعدتني يقولون اطلعي معه مستحيل اطلع معه |
أرجوكم افهموني انا ما بحياتي كلمته ما ادري من وين طلع لي الله يأخذه اهلي مستحيل يساعدوني والله قتل لا تقولون قانون وما قانون و الدنيا سايبه اي سايبه وراح يسوونها اهلي ما يرحمون أبدا بمثل هذي الأشياء حتى لو مالي دخل و الهيئة وضحت بشرحي لكم عنهم كيف ردوا علي |
يالغلا في البدايه ان شاء الله ما يجيك شي ودام ما عطيتيه شي ولا تعرفينه انا برائي تبلغين اهلك واذا خايفه من ابوك بلغي اخوك الكبير ممكن يتصرف ويحلها لك وعلى فكره يالغلا اذا هذا الشخص حس انك خايفه وقلقانه منه بيزيد وبيضغط اكثر واصلي دعائك وقوي نفسك وبلغي احد من عائلتك افضل او اسمحي لاخوي صائد يساعدك وان شاء الله تنحل على خير وحسبي الله ونعم الوكيل بكل شخص يلعب على الناس |
انا ما رديت عليه مخليته يكلم نفسه و يعصب على نفسه كلمته قبل سنه بس لان الهيئة طلبوا مني كذا أكلمه واتس اب و بعدها لما شفت خطتهم اللي بتضيعني وقفت و صرت ساكته |
اختي هذا من اقاربك يمكن او حد قريب منكم ولو تدخل اي شخص غريب ممكن هو يأذيك يمكن يعرف اخوانك ويمكن يطلع رقم اي حد يتصل علية ويعرف الاسم ويأذيك زيادة انا من رائيي تبلغي اخوك وربك ليس بظلام للعبيد صدقني ربي بيعينك وتنحل اما مسألة رجل يساعدك غريب هذي بححد ذاتها مشكلة ورردي حسبي الله ونعم الوكيل |
أخوي أعظم من اهلي اهلي اعرفهم والله لو يطلع هو الحقير بعينهم و يعرفون اني مالي دخل أبدا راح انقتل اهلي ما يرحمون و لا يتعاطفون حتى لو تقولون بنتهم بيكونون معك أبدا ما راح يكونون معي |
طيب بلغي احدى خالتك او عماتك تكون مقربة لك تساعدك |
تقريباً بديت افهم تفاصيل مشكلتك عزيزتي كاتبة الموضوع هذا الشاب يعرفكم وربما يكون احد اقربائكم او المعارف او الاصدقاء او ربما جار دبر رقم جوالك بالحيله وقاعد يحاول فيك بأن يجيبك ولكن الى الان كل محاولاته بائت بالفشل اذا كان فعلاً المشكله مثل ماذكرتيها بأن ليس هناك علاقه قديمه معه فالحل سهل بإذن الله كل اللي يلزمك لا تهتمين له او تكلمينه او حتى ترسلين له شي مهما كان او استدعى الامر سيحاول مضايقتك واختلاق الكذب والافتراء بأنه سيفعل ويفعل ولكن تأكدي سرعان مايتعب وسيبتعد عنك شيئاً فشيئاً لان لايوجد لديه معلومات تكفيه ليبتزك بها مثل صورك او اسرار خطيره نصيحتي لك التطنيش والتطفيش وسيمل منك اما من ناحية اسمه وعنوانه فهناك برامج تظهرها لك قد ربما تعرفينه من خلالها ولو بالاسم |
وعليكم السلام ورحمة الله وبركاته دام مالك علاقه ولاتعرفينه المفروض من اول مره حاول يتواصل معاك كلمتي اقرب شخص لك من عائلتك .. او اتصلتي بخدمة العملاء وقدمتي بلاغ ضده ازعاج ع جميع ارقامكم .. م دري اش اقولك بس اهلك المفروض هم الي يتفاهمون معه ... طيب افرضي هالشخص انذل بعد م يتكلم مع الاستاذ صائد يسجل المكالمات ويصور الرسايل ويهددك بها ويزيد الطين بله ... وممكن بالاخير تجي ع راسك وتصير المشكله انحلت بمشكلة اكبر .. الله يحفظك وانا اختك ويستر عليك .. اسمعي وانا اختك قولي المنطقه الي انتي فيها ؟! وبنحاول نلقى لك حل .. استاذ صائد احييي فيك شهامتك ورجولتك .. وخلينا نبحث عن حلول مع توقع النتائج > الشخص الي تكلمت عنه مبين عليه بايعها والدليل اتصاله وارساله ع جوال امها يعني نتوقع منه كل شيء.. |
من وين جاب المعلومات وكيف عرفك ؟؟ شي غريب .. وفعلا المفروض من البدايه تعلمين عنه لان مالك علاقه فيه .. طنشيه ولاتهتمين له ابد والاهم لاتبينين له انك خايفه منه .. لانه جالس يستغلك وباين خوفك له وراح يستغل هالشي .. الله يستر عليك وعلى الجميع .. والله يبعد عنك كل شر يااارب .. |
اي طلع معي اسمه فيها بس مالها فائده اذا اعرفه و انا مو بيدي شيء و الاسم اللي طلع ما مرت علينا عائلته خدمة العملاء قالوا لازم مراجعه عندهم ما تقدرين عن طريق الاتصال فينا ذكرت لكم بشرحي خوالي وعماني مو من زين العلاقه اللي قالي كنت من اول مره قلت لهم راح ينسحب مني جوالي و بكون انا الغلطانه وراح يفصلوني من الجامعه و احبس بالبيت و بينظرون لي الحقيره هذا بس اذا قلت واحد كلمني و اذا عرفوا انه اصلا يعرف شيء راح أروح فيها انا بالرياض اي مو هذا اللي مجنني وصل لامي يبين انه مو تهديد بس الله يكفينيه و يشغله افكر احول رقمي على اي أجنبي مو عربي و احذف الواتس اب فتره بعدين أرجعه بس أخاف يخربها و يسوي زي اول يكلم امي |
احس الكلام غريب صح هو بايع نفسة اصلن اليوم اي رقم ينعرف صاحبة عن طريق بعض البرامج :MonTaseR_206: اقول خليك بلا جوال ازين وترتاحي |
طيب كيف راح تساعدني أخ صائد |
وربي حااااسه فيك ي الغلا وربي يعينك .. مدري وش اقوولك ... |
انا أحسه مستقصدني او كيف واحد نيته خراب و يجلس ورا وحده سنه و نص مليت من حياتي و لا مل توني مبسوطة انه ما ارسل شيء من العشاء بنام الا ارسل قبل دقايق يتهدد و يقول خلصيني أرسلي الصور و يتوعد طير النوم الله يحرمه الراحه و يشغله بنفسه |
وربي نحس فيها بس مدري احس في حلقة مفقوده |
الله اعلم هذا تلقينه يااما من قرايبكم او وحده مسلطته عليك وعارفه عنك كل شي .. |
انا اقترحت ع الأخ صائد اقتراح وباذن الله انه يكون صواااب .. ونشوف رده .. |
يا الغلا انا اقول احذفي الواتساب ها الفتره وطنشي لانه له سنه ونص يهدد لو كان بيسوي شي كان سوء من زمان وبلفعل هذا احد يعرفك ويعرف عائلتك كلهم وممكن هو يسوي كذا عشان يشوف انك تضعيف وترسلين ولا لا الله يفكك منه وبيعده عنك ولا يسامحه |
كيف يخربها ويكلم امك ... اقولك تراك معطيته اكبر من حجمه روحي لاهلك واصرخي ب على صوتك وقولي بوه واحد نذل طفشني وكرهني بنفسي ويقول انه يعرفني وانا م لي علاقه فيه ولا اعرفه شوفوا لي حل واعطيهم الجوال ... والله م به مثل الاهل الحين اهلك لو يعرفون انك اعتزيتي بشخص غريب لاجل يساعدك وش بيكون موقفك .. بعدين موضوعك غريب بجد ليش خايفه دام انك م سويتي شيء ولاتعرفينه ؟! الواثق من نفسه يمشي ملك .. |
اشرحي لهم انه احد يعرفهم ولازم يوقفونه عند حده لا يسوي كذا في كل بنات جماعتكم ضروري الاهل يعرفون بهذه المشكله وقولي لهم تبون تقتلوني اقتلووني بس بقول لكم اني بريئه وصادقه ولا اخفيت عليكم شي وهذا جوالي خذوه ما ابيه بس اعرفوا اني صادقه قولي انك طفشت منه ومن اساليبه ومضايقاته وسكتت لان خفت منكم لكن الحين الوضع ماينسكت عليه توكلي على الله وقولي لهم |
مو كلم امي بس الحمدلله كان بوقتها الجوال بيدي و حذفته و بلكته بس هو كل شوي طالع برقم حتى رقمي لما غيرته جاني على الجديد |
عزيزتي الى الان لم توضحي لنا هل هو شخص معروف لديكم ام لا ؟ في حال كان شخص معروف لدى عائلتكم فمن المؤكد محاولة مساعدتي لك ستكون صعبه جداً لآني سأكون طرف مكشوف لديه بأني لست منكم .. اما اذا كان شخص غريب بإستطاعتي ان أكلمه جوال على أساس أني اخوك الكبير وأقول له انك خبرتيني عنه وأني عاقبتك وصادرت جوالك وكذالك أقوم بتهديده بأن رقم تلفونه معي وسأرفع عليه بلاغ لدى هيئة الامر بالمعروف يأتون به مقيد اليدين لان الموضوع يعتبر موضوع شرف ولا ينسكت عليه .. ربما تخالفوني فكرتي ولكني ارى بأنها الأنسب |
صح ولو ذبحوك حظ المظلوم بالجنة على قولت جدتي فديتها |
اهلي سويت و لا ما سويت انا الغلطانه |
اقتباس:
اخوي صائد لاتضع نفسك بمشكلة يمكن يعرفهم او يعر ف وحده دازتة عليها ويعرف رقمك واسمك ويأذوك |
ي جمااعه ترى فعلا فيه ناس مايوقفون مع عيالهم حتى لو هم صادقين .. كل شي ولا هالاشياء .. افهموا وضعهااا .. |
بالاسم اللي طلع بالبرنامج مو من عائلتنا |
أتمنى تجاوبيني على هذا السؤال : ماهو الشيء اللي ماسكه عليك هذا الشاب وخايفه يفضحك به ؟ |
مو ماسك علي شيء انا خايفه يكلم اهلي و يقول اعرفها وهو وصل لامي و رقمها لو رجع يكلمها او راح يمشي على ارقام اهلي هو قدر يوصل لرقمي الجديد |
قولوا لي طيب الحل غير اهلي اهلي ابعدوهم ما هم حل و الهيئة قلت لكم كيف قالوا لي |
اقتباس:
حتى لو عرف معلوماتي وعنواني فلن يصيبني لا شي قد كتبه الله لي صاحبة الموضوع نختنا بطلب مساعدتها وحق من حقوقي كرجل ان اقدم اللي اقدر عليه |
اقول علمي اهلك بالعقل واحد ماهو ماسك على شي ليش اخاف منه وبعدين انتي يمكن تنظلمي من اهلك بس والله تترررررتاحي افهمي |
يالغلا دام كذا تاكدي انه احد منكم لانه لو غريب ما يلصق فيك كل ها الفتره وهو ما شحعه على ها الشي الا لمن حس انك خايفه منه انا اقولك احذفي الواتساب وطنشيه فتره او غيري شريحتك ولا تعطين الرقم الا لا اهلك حتى صديقاتك لا تعطينهم رقمك واذا جاب رقمك معناته فعلا من اهلك وقرايبك |
صائد انا اقترحت عليك اقتراح واظن انه هو الصح لك ولها من ناحية معرفة الاهل .. |
| الساعة الآن 11:25 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا