08-02-14, 04:18 PM
| #19 | |||||||||||
  
|  أوروفوار يارتآركـ(ن) كل الديار♥♥ بقلم:أنتِ ذهب وتبقين سراً,, وعُشاً صغيرًاً,, إذا ماتعبتُ أعودُ إليه ,, فِ ألقاكِ أمناً إذا عاد خوفي’’ يعانق خوفي,,ويحنو عليه,, #فاروق جويدة,, البارت الثانـــــــــــــــــ2ــــــــــــي ف بيت تهانــي .. يالسه فغرفتها مع الاب وداخله المسن وتسمع أغاني وتغني وحالتها حاله ...... تهاني : ياه وين قلبك من زمان,, ......ويلست تغني ....وفجأة... انفتح الباب بقوا..... حامد بصوت شرير وضاحك : شتسوين هاااا::بصراخ طبعا:: تهاني بعصبية ونرفزة  : انت أبي أعرف شي واحد يالس فالبيت ومو راضي تاخذني بيت يدي وبعد تسوي هالحركات مااعليييه مااعليييه .....أمايه أمايه حامد يحط أيده على حلجها: سكتي سكتي عنبووو بالعه راديو شوو أنتي ..يالله روحي تلبسي باخذج بيت يدي غمظتييني والله تهاني : قول تبا تروح مع شله العيال قوول حامد مساير لها عسب تستعيل: دامج تعرفين يالله بسرعه ما أبا أتأخر عشر دقايق ونزلي أوكي تهاني وهي متخصرة ورافعة حاجبها : اوكي يالله فارج ببدل حامد بتهديد : مردوده يا بنت امي وأبوي ..سي يووو تهاني وهي تسسكر الباب بسسرعةة : سي يو تووو .. نبذه لعايله تهون (أبوها جاسم شخص مزووحي وحبووب ويحب عياله واهم شي عنده أن عياله يتوفر لهم ألي يبونه،،أمها فاطمه شخصيتها حلووه حبوويه وطيوبه وتحب عيالها واااييد وأهم شي كرامه عيالها،،حامد عمره 18سنه مزووحي وحبووي ومتفهم وااايد وما يحب يزعل من أحد،،تهاني 16سنه نفس البنات بنت حساسه بزياااااااده وعاطفيه وترضى علطول بعد ماتزعل واوقات تفقد الثقه بنفسها بس شله البنات ما تقصر وبالأحداث بنعرف كييف) وهذي هي عايله تهووووووووون وطلع حامدوراحت تهاني غرفه الملابس عسب تختار لها لبس وسمعت صووت أزعااج وجييه بس قالت يمكن هاا حاامد وراحت وخذت لها برمودا سوودا مع دانتيل بأخر البرمودا وقميص أسترش من فوق ومنفوش من تحت بالتدريج لونه فوشي وليلكي .... نزلت وبأيدها عباتها ولما شافت واايد ربشه تحت وحرييم وجييه راحت فوق رككككضض.... شهد لمحت حد يركض فوق فخبرت البنات يروحون فوق لتهاني ...... راحوا لغرفه تهاني وطبعا من دون تردد فتحوا الباب البنات بمفاجأة:هااااااي تهاني بإبتسامة شاقه حلجها شششششق: أوووه هلا والله هلا ببنات خالاتي ...شيايبنكم بيتنا ..؟؟ رشروش بإستهزاء : أنا ألي أعرفه بالأول يسألون عن الحال والأحوال بعدييين إذا بتسألين ليش أحنا ياييين .. تهون بتأفف : أنزين وأبويييه عليييج صج طالعه على رئووود الخاايس .. رشروش تبي تنرفزها: هيييي لا تغلطين تراا هاا زوج المستقبل .. تهون بنرفزة : يخسسسسسسسي شهوود تبي تهدي الوضع : بتيلسون جييه تتناقرون ...تهون نحن بنروح تحت فصاله ... سارون : هييه صح تهون لبسي مخور مثلنا أوكي لأن العيال كلهم برااا تهون بتعجب : لييش أنزين بلبس جينز ما ابا ألبس مخور مريوم : لا فديتج لبسي مثلنا بشور بترججي: لا لبسي مثلي عسب تكونين معاي شيووم : الخايسه ونحن ...؟ تهون مثل الأطرش بالزفة : فهموني السالفه ليش انتي بشور موب لابسه والبقيه كلكم لابسين ..؟؟ مزنوه : يدوتي لااه ما تعرفينها ... مريوم وهي تقلد يدوتها : جييه أباكم حريم ...أووف لاازم هالمخور ما أدري كيف يتحركون فييه .. سارون بضححك : خلييج أنتي يالعصا المتحركه ..هههه مريوم باستهزااء  : مو أحسن عنج بطنج ملصقه بظهرج والله تهون وهي تأشر لهم عسب يطلعون : طلعوا أنزين من دون مطرود وتناقروا براا ببدل .... رشروش بمصصخرة وتبي ترفع ضغطها : أنزين مرت أخوووي تامرين أمر ... تهون بتححدي : وأنا قلت مو أنا زوجه أخووج المصوون .. رشروش بتححدي أكبر : بتشوفين أن ما خليتج تصيحين من حبج له ما أكون رشا بنت أبوي ... تهون : أنزيين يالله ألحين طلعي ببدل ....وهي أدزها عسب تطلع .... شهود ترد تدخل الغرفه : تهون لا تتأخرين اوكي غناتي ... تهون : اوكي حبي ...يالله فارجي يا حلوه ... وطلعت رشروش وراحت تهون تدور لها لبس مره ثانيه ولبست جينز رماادي مع قميص لين الركبه مخطط بالأبيض والرصاصي .... ونزلت وهي ناازله ... تهون وهي نازله شافتهم وراحت سلمت على خالاتها والعيال من بعيد ... الوليد وهو يرمي لها علبة الكلينيس : حوو تعالي سلمي علي قولي عندي أخوو أسأل عنه متولها علييه وما تيين لنا مسوده الويه .. تهون وهي انحن بالصوب الثاني فما تصوب صوبها الكلينيس: حوو شوي شوي لا ينط لك عررج ..شفيك كليتني بقشوري شوف اخوك المصون وبعدين هزبني جييه والله –طبعا عصبت وراحت تسولف مع البنات الصوب الثاني وعصبت لانها كانت تفكككر بكلام رشا– الوليد : ولللل هااي أختك تهاني محد يكلمها ألا شبت ضوو وييييييييععع حامد : هيييي تراك واايدغلطت على أختي_باللغه العربيه_ لاأسمح لك بذلك ... الوليد : انت أسكت أسكت نحن ألحين نتصل بك ولا ترد ليييش إن شاء الله ...؟ حامد : كنت أبدل عسب أنييلكم بس سبقتونا وييتواا الوليد بوهققة : عيل جييه لازم أروح أتسامح من أختي الغاليه ؟؟!! حامد وهو يعرف شو يبه منه من سؤاله : روح بروحك .. الوليد : منو قالك بروح روحي ...كلكم بتيون ويااي .. سعوود ألي كان يالس مع محمد وتركي يسولفون عن الجامعه ...لف لهم وهو يكلم الوليد : أنت أبا أعرف تغلط وتزعل كل يوم لك بنت من بنات عمامي وبعدين تقول والله تعالوا وياي امسسك لسسانك شووي .. الوليد وقف وراح شوي بعيد عنهم عسب يخليهم تحت الأمر الواقع ومايردونه جدام خالاته وقال للعيال : تعالو بنلعب لعبه الأغاني ....بنات تبون تلعبون لعبه الأغاني :415561496:.؟؟_بصوت عالي _ البنات كلهم ما عدا تهاني : هيييه الوليد : تعالوا بنيلس مع الحريم البنات : أوكي تركي مبتسم وهو يساسره : والله أنك دااهيه رائد بغرور : أسمحولي ما ألعب هالألعاب ...وراح المطبخ يشربله مااي .. تهاني حست بعطش وراحت تشرب لها مااي وهي رايحه شافت واحد يالس عالكرسي ومعطنها ظهرها وما أهتمت وقالت حق الخدامه تتييب لها مااي وتمت تشوف رسايلها ألي وصلتها وهي مستندة على الباب... رائد بقلبه:"كنت ومازلتي حلمي ياتهاني,,دايماً تصديني,,ودايماً أواجه حبج بغرور وتكبر,ما أحب أضعف جدام حبج,,ومب أنتي حتى لوكنتي حبيبتي الإنسان ألي أضعف جدامه,,عمرج مابتحسين بالنيران ألي تصير فقلبي كل ما أشوفج ,,وعمرج ماراح تعرفين ليش اغايظ فيج,,أسوي كل هالشي لأني أحب عصبيتج وأحس بشوية انتصار على جهلج بحبي,,ألي أحسه واضح بس محد يفهمه,,أفففف متى تعرفين وتفكيني,,مستحيل اعترف لج وأنتي ماتعرفين ,,أو حتى تشكين بهالشي,, تهاني شربت الماي ولما كانت بتطلع .... رائد بابتسامة خبث: أقول الناس تسلم ... تهاني تنرفزت لأنها ما أداني مخلوق أسمه رائد : السلام عليكم ...بغيت شي ...؟؟ رائد وقف وراح وقف قريب منها وويهه بويها وخل عينه بعينها وقال : لا سلامتج بس كنت أتأكد إذا كلمتي مسموعه ولا لا تهاني ما كانت تباه يتمادى و أبتعدت عنه وقالت : أحلف بس يا شيخ ..أبي أعرف انت شايف نفسك بشنوو ..؟ رائد : شايف نفسي فييج ..-وبنظرات تحدي- تهاني طالعته بنفس النظرات وقالت : وأنا أقول لوو انت تكون أخر وااحد ما برضا فيك ... راائد : بنشووف ياا ...حرم رائد المصون ..ههههههاااي تهاني تنرفزت منه وقالت بتروح عند العيال أرحم لها من القعده معااه ولما يت بتطلع .... راح ومسكها من رسغها بقوا ووقفها وهمس لها بأذنها : بنشووف كلمه منو بتنسمع يا ..زوجه المستقبل .. تهاني شالت أيده وقالت : ما تهمني فهمت مااا تهممممنيييي ....وراحت .... الخاله منيره : أنتي وين رحتي تعالي فديتج يلسي عدال أخوج الوليد تهاني متوهقة : أسمحيلي خالوو بس بيلس عدال البنات .. شيوم بصدق وهي ماتعرف شالسالفه: تهون ترا ما شي مكان هنيه روحي يلسي عدال أخوج ... ويا صوت من وراهم : أنتي هييه باقي أنهم يبوسون أيدج وريلج عسب تيلسين أيلسي ألا هوو أخووج وألا نزل عليج الحياا مررا وحدده تيلسين عدال عيال عمامج الخاله رغد بصوت خفيف: رائد شوي شوي عالبنت .. رائد بصوت عالي عسب يحرجها: لا امايه خليها شوي تعرف مكانها زيين ووين بعد .. تهاني طنشت كلامه وراحت يلست عدال اخوها الوليد بس بعد تمت سااكته ....ورائد راح يلس على الكنبه ودخل المسن وقعد يراسل ويراقب تهاني ...والبقيه سووا طااااااااف على أسلوبه الدايم وياها ,,لانهم مايبون يطيحون بلسانه ,,ومايبون يسوون مشكلة,, شهوود : يالله كملوو اللعبه ألحين دور منووو..؟ الوليد : دوري أناااا.... سعود بمصخره: سكروا على طبله أذانيكم لا تنبط.. شموه بجدية وإعجاب: أسكت مدامك ما تعرف شي ...وشافها بأستغراب وسكت .... الوليد بابتسامه اعتذار  : أحم أحم هاا أهداء خااص حق تهون ..كلهم شافوها فأستحت ونزلت راسها بالأرض ...الوليدقعد يشل : في ذمتي مالي حبايب سواكم ..أنتوا هنى عمري وسبه شجوني ..ودي بوصلكم وأستريح بلقاكم ..وفبعدكم الأشواق يا ما أسهروني .. ودي بوصلكم و أستريح بلقاكم وفبعدكم الأشواق يا ما أسهروني ..في وسط روحي دوم ساكن غلاكم ..وفقربكم شفت السعاده بعيوني ..في وسط روحي دوم ساكن غلاكم ..وفقربكم شفت السعاده بعيوني ..تبسملي الدنيا ببسمه شفاكم ..وأحس نفسي سيد وسط كوني ..تبسملي الدنيا ببسمه شفاكم ..وأحس نفسي سيد وسط كوني ..يتوه كلي لا غمرني شذاكم ..ويرد ذهني عقب فتره جنوني ..يتوه لا غمرني شذاكم ..ويرد ذهني عقب فتره جنوني ..تدرون بي هايم ولا قوه جفاكم ..تدرون بي عاشق وأنتوا فتوني ..تدرون بي هايم ولا قوه جفاكم ..تدرون بي عاشق وأنتوا فتوني ..حالي شرات الليل بلاكم ..والليل دون البدر ظلمه ظلمه وسكوني ..حالي شرات الليل مظلم بلاكم ..والليل دون البدر ظلمه وسكوني ..أشوفني بموت أتبع خطاكم ..صارت حياتي بيدكم صدقوني ..أشوفني بموت اتبع خطاكم ..صارت حياتي بيدكم صدقوني .. فــــي ذمتي مــــالــــي حبايب سواكم .. أنتـــوا هنى عمـــــري وسبه شجونـــي.. البنات والعيال كلهم صفقوا وصفروا ..... وتهاني عطته بوسة عالخد دلالة على الرضا وهو حضنها من جهة الكتف,, سعود بتعجججب من صوته ألي اول مرة يسمعه: الصراحه هزمت أخوي فيصل ... تركي ألي مايعرف عن موهبة فيصل : أوه أوه طلع عندنا أصوات حلووه .. الخاله دلال بمزح : قول ما شاءء الله لا تصقهم بعين هههه تركي وهو يتفل صج: ماشاءالله تف تف تف تسبحتوا وألا بعدكم .. شيوم بتقزز: أخييي علييك بسك يا الطفس.. تركي : لا تقولين طفس لا أنط لج ألحين .. الخاله نورا:خلااااص يهالووه.. شيوم : بس بسكت عشانج ...وأطلع لسانها له ... تركي طنشها وقال : نبي نسمع صوت فيصلووه يالله سمعنا صوتك ... مريوم : هيه نشوف الأخ عنده موهبه ولا لا ..-تنرفزه فيه- فيصل يبي يحرجها : أحم أحم إهداء خااص لج فديتج مريوم ..ويشوفها بتحدي .. البنات ضحكوا على مريوم .... فراس : أنا بعدني ما وافقت عليك عسب تغازلها ... تركي : لا فكروا ياخذون رايك تعال اضربني هههاااي فراس :من دون لاياخذونها بضربك,,_وعطاه ضربة عالخصر,, فيصل عسب مايضيعون عليه يلس بالوسسط عسب يفرق من بينهم ,, سارون : بسرعه الاخت تبي تسمع وتروح أستوت مثل التوميتو خدودها ههههههه ضحكوا عليها وبعدين فيصل قعد يغني بصوت خيااللل... الوليد : أووووخص هزمتني يا ريال فيصل : أقوول بنسوي أهداء مشترك بس تعال خلنا نتفق حق منو ... الوليد : ياللله حامد : مو كأني أشم ريحه خيانه .. زايد:لا لا ريحه جسمك يمكن طالعه وأنت مو حااس هههاااي كفك طلال ..طلال عطه كفه ... حامد : أن أشهد أنكم خونه درجه أوولى فهد : أفآآ ونحن وين سرنا يا ريال ههه حامد أبتسم له وقال: في القلب والله .. محمد:خلونا نسمع أصوات البنوتات الي هنيه ما سمعنا صوتهم .. شمووه : نحن بنغني سوااا البنات : هييه مريوم : لا تعارض ترا أنط علييك ... محمد : انزين كليتوني ... البنات غنوا أغنيه... وحلووه ظهرت أصواتهم مع بعض .... الوليد وفيصل قرروا يهدون الأمهات وغنوا لهم أكثر من أغنيه ....وتهون رجعت تضارب ويا الوليد ومر اليوم بسلام وطبعا بعد كااااان يوووم بسيط ..... أعتذر إذا كان البارت قصير,, بس بنزل بارتين بعد ما أسمع آرائكم عن هالبارت,, ,,, لكم الحرية فالسؤال عن معاني الكلمات والإنتقاد والإعتقادات فالرواية,,والردوود مفتوحة,, لكم ودي,,  | |||||||||||
| |
|
08-04-14, 08:52 PM
| #20 | |||||||||||||
   The silence of the evening
|  الروايات عالم أكثر من رائـــــــــــع والخوض في هذا العالم شيّق جداً وقبل الكتابة كل ماعلينا معرفة معنى ( رواية ) وجميع الادوات التي تحتاجها الرواية ولا يخفى على الجميع أن الروايات تهتم بالتفاصيل أكثر من القصة وتعتمد أيضاً على شخصيات أحياناً تكون خيالية من خيال الكاتب أو الروائي نفسه الرواية عالم جميل يحتاج منّا فقط الممارسة والخيال والصبر وعدم الاستعجال في كتابة الرواية إلا بعد معرفة مفهوم الرواية وادواتها .. جاري نسخ الرواية المكتوبة للقراءة ولي عودة لإبداء رأيي المتواضع .. شكراً لك على المحاولة والكتابة استمري .. فمن يقرأ ويكتب أفضل ممن ينقل ويعتمد على أفكار الغير | |||||||||||||
| |
|
08-04-14, 10:28 PM
| #21 | ||||||||||||
  
|
يعطيكـ االفين عاافيهـ لاا ندمتي ياالغلاا اانتي ذهب تسلم اايااديكـ  | ||||||||||||
| |
|
08-05-14, 11:31 AM
| #22 | ||||||||||||||||||||||||||||||||
| 
شكراً لك أخ إحساس العالم,, تفاخر بي الفرح بِ وجودك فِ هذه الصفحات,, رآيك يهمني كِ أي كاتبة مبتدئة,, أنتظره بِ شوقٍ يحترق هذا الرأي,, شكراً أنرت بِ حضورك ,, دمت بِ تفوق,, | ||||||||||||||||||||||||||||||||
| | |||||||||||||||||||||||||||||||||
|
08-05-14, 11:42 AM
| #23 | ||||||||||||||||||||||||||||||||
|
مروركَ أبهج الروح الساكنة بدواخلي,, وشكراً على المدح الذي لا أتجاوزه لانه غالٍ على قلبي  ’’ويعطيك الله عافية وصحة وتوفيقاً منه الله لاينتهي’’ | ||||||||||||||||||||||||||||||||
| | |||||||||||||||||||||||||||||||||
|
08-05-14, 11:50 AM
| #24 | |||||||||||||||
|
لابأس بكَ كبداية , ولكن انصحكم بتغير هذه النوع من الروايات , دمتَ بود | |||||||||||||||
| |
