‏على درايش
بيتكم كل يوم أمرّ ..

إلييين نادى جاركم !
وأنا حبيس أسواركم :

ياخوي ضايع لك احد؟
لا والله ضايع لي عمر .

ياوجودي وجد من خاب ظنه فاصدقاه
وحملنّه سود الأيام مالا يستطيع

من هواجيسٍ تكدّر علي صفو الحياه
ضيّقت صدري وانا قبلها صدري وسيع


ياهني اللّي ليا من بغى شين لقاه
ماتنطحته صدوف الدهر مع كل ريع

وانا عمري ضاع من دون تحديد اتجاه
كل ماجيت اسلك الدرب قلت اخاف اضيع

دخلت كذا مدونه ماشالله
شغل متعوب عليه
تلوين وزخارف تحس انك تتمشى بحديقه

ي حسرتي وانا اذا لونت وزخرفت
يجيني كله طلاسم وعلامات تعجب وأرقام
مالت على حظي

‏تدرون وش قمة النشبه

اللي إذا قلتله خلاص ياخي كلامك صح ،
يقول : لا تقول كذا عشان تسكتني

‏مافي شي اسمه "ببدأ من بكرة"
تبي تكون ناجح حاول تبدأ من الحين

نصيحة عجبتني بطبقها بكرة ان شاء الله

‏انت لو سألتني ماذا ينقصك الآن ..
سأقول لك اقرأ اول كلمه ..

كيف الحركة بالله؟
هذا وأنا فيني نوم