11-15-14, 03:12 PM
| #1 | |||||||||||
  
| 
امي وابوي وقفو في مستقبلي ! 
_ عمري 12 سنه.. انا عايشه بقريه قريبة من الطايف.. وسكانها كلهم من نفس القبيله..وكلنا نعرف بعض..وشبابهم يعرفون بعض..يعني جماعتنا وحده.. انا ابوي معروف ومن كبار شخصيات القريه..كان ابوي جاه لابتوب من البلديه..كان عمري وقتها 8 سنوات.. انا اخذت الابتوب وشغلت الواي فاي وهكذا..وبديت شوي..وبعدين لما قربت المدرسه على الإنتهاء كنت محترفه جداً.. بالابتوب..اعرف اطبع واعرف كل حاجه تخص الابتوب يعني ماتقدرين تضحكين علي فيه.. نكمل..لما صار عمري وقتها 10 سنوات..كنت مؤسسة منتدى كبير وشبه معروف..يعني الاعضاء حوالي الـ 100000.. بس طبعا كل هذا عائلي..يعني صديقاتي بنات خالي بنات عمي..الخ..ولا وحده تعرف كل هذا ابد ابد ابد.. الحين عمري 11 سنه..انضميت لعـالم"التويتر,البيبي,الواتس"صار الكل يقول عمرك 18 16 17 مستحيل يكون 11 سنه.. ومشكلتي باديه من هنا.. - التوتير : انا عندي حساب بالتويتر ادخليه ماتلاقيني اتابع غير"معلومات قد تدهشك،حقائق ومعلومات،عالم غريب،علم النفس،تحليل الشخصيات،العلماء.."الخ من هالنوع،يعني فلانه وعلانه ماتابعهم..وحسابي ماحد يتابعني فيه ابد ابد ابد.. في يوم من الايام قريت إن في علم النفس"في حاله نفسيه،إنه يتذكر كل حاجه صارت له بالتفصيل"..انا قلت ابوي متخصص بـ علم النفس لازم اكلمه واحاكيه لاني مو مصدقه ولما كنا مسافرين كلمت ابوي عارفين وش قـال هو وامي بالسياره.. " والله لو عرفت يا ريم إنـك داخلـه التـويتـر والا عـلم النـفس بسحب جوالك " انا هجدت وقتها إنقهرت إنحرقت! امي وابوي وخواتي يعرفون إني احب علم النفس واعشقه،وطبيبة نفسية فيه ! لما خواتي فيهم شىء يعلموني لانهم يثقون فيني،اختي الكبيره بعد ! امي عارفه هالشىء كيف تمنعني من حياتي واشياء احبها ماتضر احد ، سكت وصبرت قلت امي وابوي فاهميني غلط وماقلت شىء.. - كبرت وانا ساحبه على التويتر ومرات انحرق وابكي من القهر ! ابيه ابي ادخله ابي اتعلم واطور واتثقف . الحين عمري 12 سنه وهي حياتي الحاليه .. دخلت المتوسط .. بنات المدرسه ي ك ر ه و ن ي ! انا انسانه وحيده لوحدي .. لما امشي نظرات من فوق لتحت .. ولما تعرفت على بنت قالت تبين اعلمك ليش يكرهونك ؟ قلت بحماس ايوه ليش .. قالت والله يا ريم بصراحه انتي تنرفزين مشيتك وثقتك بنفسك ترفع الضغط حركاتك تنرفز مع إنها عاديه .. انصدمت .. قلت جد ؟ انا مانرفز والله .. قالت والكل يقول إنك مغرور .. انا جد كل مامشي مع احد او نتهاوش او يمشي جنبي لازم يقولون مغرور ! .. المهم رجعت البيت بعد عناء ووحده بالمدرسه .. كلمت اختي قالت اقولك الصراحه ؟ قلت اي .. قالت : ريم انتي اختي وكل حاجه فيك قطعه مني .. بس الصراحه انا وصاحبتي نكره حركاتك وتصرفاتك يعني حتى لو انتي بس جالسه تنرفزيني انا وانا اختك وصاحباتي قالو لي انا قلت ايوه .. بس لاتاخذين بخاطرك هذي الصراحه وبس .. سكتت انا .. وماقلت اي حاجه كتمت غصتي وإبتسمت وقلت : احسن خل اقهرهم وقعدت اضحك ضحكه مقهوره .. قالت اختي وانا عارفه إنك كذابه : احسن والله .. وراحت اختي ! اه يا قلبي .. يعني وحيده عشان تصرفاتي صليت وقعدت ادعي وانا ابكي امي كم مره تصارخ بوجههي وتقول : روحي يالمكروه .. ماقول اي حاجه واسكت واكتم دمعتي .. كل ماتهاوش مع اختي تصارخ علي وتقول : انتي مكروه وترا كنت اكذب .. اصلا محد يحبك لانك غبيه ودلخه .. يا مغرور وشايله نفسك على ايش مدري .. يا دلخه يا غبيه .. والابلات يكرهونك بس يسبونك مانطيـقك والله مانحبك .. اه يا قلبي ! .. والله إنقهرت إنجرحت .. حطيت حرتي بمخدتي واكتم غصتي اكره ابكي اكره والله مابي ابكي ! مع اني مو مغرور انا لما اغلط اتاسف اناظر الناس كويس .. إبتسم واصبح عليهم يطنشوني ويحتقروني .. وكلهم نفس الكلام"مغرور،وتنرفزين"المهم اكمل قصتي .. مره كنت احلل شخصيتي بالنت وكذا - من الطفش - امي نادتني وقلت يمه الشبكه طفت خلي نارمين تشغلها قالت وش تدخلين ؟ قلت بس تحليل شخصيات وكذا عصبت وصارخت علي : يا وصخه وش تحليل وش دخلك بالشخصيات .. قلت شخصتي .. نافخت علي وقالت ياويلك تدخلينه سكتت وماقلت شىء : انا شاطره ومتفوقه .. وادب وإحترم ولا مره وقفت عند باب الإداره .. والمدح من المعلمات ومن كل شىء .. المديره تحبني وتقول بنتك شاطره ! امي تروح للمدرسه وتسئل عني .. اخلاقي عاليه و شاطره .. تسئل عن اختي .. صاحبه مشاكل ومشاغبه و هروب من الحصص .. تهزئها بس تبقى تمدحها كثير كثير ! .. وانا ؟ لدرجه احياناء لو انقص درجه تضربني ضرب مبرح ! انا احب اجلس لوحدي بالمدرسه .. صرت اعشق الهدوء .. احب افكر واحلل شخصيات واعرف نقاط ضعف الناس .. صايره اكره اقول لخواتي شىء والا لامي حاجه .. احس ودي ابكي .. احياناء اجلس احس عندي كلام كلام كلام كثير ! مو عارفه اقوله .. مو عارفه كيف اتصرف .. بس مره من المرات بقيت بالبيت لوحدي ابي افرغ الي بداخلي ماقدر ابكي ! والله ماقدرت .. مشكلتي ثانيه بعد .. التنفس ! اه يالتنفس تعذبت معك .. انا احياناء ادوخ وماقدر اتنفس اقول لامي بروح اراجع للمستشفى تقول لا تستاهلين .. عيني مره التهبت وصار كل شىء مشوش بروح للدكتور ابي نظري يرجع قالت لا .. بس اخذت طريقه من النت وخلت عيني كويسه الحمدلله .. بس الحين ؟ تنفسي وكل حاجه تضايقني .. بنات المدرسه ؟ .. اختي .. امي .. ابوي ! اه يا بوي اه يا عزوتي .. ابوي عصبي عصبي عصبي .. بس يهاوشني وعلى كل غلط لو سخيف يمسكه سنين ودنين .. يقعد يهزئني لين ماموت .. بس والله إني رافعه راسه قدام الرياجيل .. عارفين اعمالهم وكل حاجه تخص المكاتب من - طباعه واوراق - انا الي اسويه .. وابوي وش يقول يقول بنتي الكبيره ! - انا الثانيه - وكلهم يمدحون بإختي الكبيره .. طيب مو شرط ! مو لازم تقول بنتي .. يعني تعبي على الفاضي ! .. اه والله ارتفع ضغطي .. والإ كل جمعه اسوي 13 خطبه .. لـ 13 رجال .. وماقول شىء .. ويتشرط وكل حاجه .. بس الجانب الطيب في ابوي .. إنه يشتري جوالات بس مو كل شهر .. لا يعني نزل جوال جديد يشتريلي .. الحين معاي : جالكسي , ايبود , ايباد , لابتوب .. هذا الجانب الطيب .. واحياناء يوقف ضد امي عشاني وعشان خواتي إذ امي عصبت على الصغار .. بس ابوي دايم مسافر مانشوفه بالاسبوع الإ ثلاث مـرات .. وهي الايام المفضله بالنسبه لي .. بنات ؟ مابي إهانات وامك وامك .. انا ابي حل وحيد .. وش أسوي وش اسوي ! تعبت من حياتي .. كل حاجه ضدي اقول معلومه ومتحمسه او اكتشف شىء جديد يحطموني بكل دم بـارد .. بذكر لكم موقف يبين لكم وقاحتهم .. إحنا جانا عم جديد من الرضاعه ومن هالامور .. وانا فاهمه فيها خوالي وخالاتي متجمعين .. و المهم كان في عقده مدري إيش وحليتها انا امي كرشتني وبقوه ! عارفين بعدين إيش قالو لقينا الحل وش هو الحل ! ايوه حلي انا .. وقالت امي انا الي جبته .. لحظه يا ست ؟ وانا .. اخ يا قهري ! يعني كم مره اعلم امي حاجه وماتشكرني .. تبي شىء تناديني اعلمها وتقول انقلعي يلا .. طيب شكر .. او روحي او خلاص .. مو شرط انقلعي روحي توكلي ! .. بنات شايفين كيف الوقاحه ؟ .. والا اختي كل ماعلمها اشياء جديده تعلم صاحباتها وتناديني تسئلني وماتقول ريم علمتني ؟ لا تقول ماغر انا ناسيه ! .. وحاطتني عند صاحباتها امعه .. غبيه .. اكتب ودمعتي بعيني ! .. مقهوره واجد واجد واجد .. يا قهري يا حرقة قلبي .. وخوالي منقطعين عنهم بسبب امي .. واعمامي متهاوشه معهم - بسببهم - هم ناس منافقيه ولاننا بعيد عنهم لازم يقلبون - طبيعه مخلوقه فيهم - .. بس ابوي لازم يودينا عندهم .. ولو قلت لامي بتهاوشني للعلم انا واختي نارمين - الكبيره - متهاوشين معهم ..  | |||||||||||
| |
|
11-15-14, 03:15 PM
| #2 | |||||||||||||||
   Hitler qween
|
لا لا لا لا لا لا لا لا لا لا لا لا حرام تقولين عليهم شدي حاولي تتفاهمين معاهم ولا تحطيهم فرأسك على أنهم ناس سيئين  حاولي تكوني بارة بيهم حتى لو كانوا يضرونك  يعني باختصار أحتسبي الأجر عند ربك  | |||||||||||||||
| |
|
11-15-14, 03:20 PM
| #3 | |||||||||||
|
_ اختي الي فوق قريتي المشكله كويس عشان ماقول شدي؟ | |||||||||||
| |
|
11-15-14, 06:58 PM
| #4 | |||||||||||||||
Hitler qween
|
طيب الحين مشكلتك إنك ماشاء الله أبوك و أمك يشترولك كل شيء وما عندك حساب تويتر وعليه أصدقاء؟ غلاتي أنا عمري 14 سنة وما عندي حتى جوال نوكيا ... و لا فيسبوك و لا تويتر و لا حتى الكمبيوتر خاص بي... يعني هذه مو مشكلة... و لو أبوك يهاوشك على كل صغيرة و كبيرة فأنا كمان أبوي شدي ... يعني مو مشكلة كمان... فحاولي تقلبيها في راسك زين هم ما يبون غير إنك تكوني أجمل إنسانة في العالم...  :MonTaseR_6 5::MonTaseR _65::MonTas eR_65:
| |||||||||||||||
| |
|
11-15-14, 07:06 PM
| #5 | ||||||||||||||||
  
|
لي عوده. باذن الله
| ||||||||||||||||
| |
|
11-15-14, 09:55 PM
| #6 | |||||||||||||||||||||||||||||||||||||||||||||||||
| إداري سابق ونجم من نجوم الموقع 
|
واضح عزيزتي بأنك في طغيان مراهقتك
منتدانا صار عمره أكثر من أربع سنوات وعدد أعضائه 7 ألف يزيدون قليلاً  فلهذا عزيزتي الكتاب واضح من عنوانه حتى تكوني محبوبه لدى صاحباتك ومجتمعك وكل معارفك ، عليك بإتباع التالي : 1 - طاعة الله أولاً ثم والديك .. 2 - الكبرياء لله وحده وليس من صفات بني البشر فلذا عليك الإبتعاد عنه .. 3 - الإستغناء عن الإستطراق في الكذب أو النفاق بشكل عام .. 4 - الابتعاد عن التفاخر أمام صاحباتك بأي شيء تمتلكينه .. 5 - لا بد تحترمين النعم التي أنعم بها الله عليك حتى لا تنقلب على رأسك نقمه .. 6 - عليك أن تؤمنين بأن عقول الآخرين ليس مثل عقلك عند مخاطبتهم ، فالعقل درجات أدناه هو الغباء وأعلاه هو الذكاء .. أنا متأكد كلامي سيكون صادم وجارح لك عزيزتي ، ولكن إذا لم أتكلم ستضلين كما أنتي دون أدنى وعي من أحد مفكرتاً بأن الحياه تمشي كما تريدين وترغبين .. تمنياتي لك بالتوفيق والنجاح في حياتك | |||||||||||||||||||||||||||||||||||||||||||||||||
 |
