السلام عليكم
ابغي احد يساعدني انا طالبه بالجامعه مستواي في الجامعه مررره صار ضعيف ، م صرت اذاكر و اراكم الدروس و اذا جاء وقت الاختبار اتعب نفسياا و م اقدر اذاكر ، احس المذاكره احد فارضها علي فرض مو زي زمان انا كنت حابتها ، انا تغير حالي من السنه اللي راحت و تدهور اكثرر ذي السنه ، لانه السنه اللي راحت ماما تعبت و انا من خوفي عليها تعبت ، صرت اخاف من الموت انه ياخذ احد احبه او ياخذني و انا مو مستعده ، فصرت اتوهم اشياء مو فيني ، يعني انا تخصصي طبي ، فصرت اي مرض ادرسه احس بعض الاحيان انه فيني ، مرات كانوا اهلي يودوني المستشفي عشان م اقدرر اتنفس من الخوف ، المهم انا دحينه لما تجي الاختبارات بعضها م اقدر اذاكرها و اغيب و اكلم اي احد يجيب لي تقرير ، و لما اغيب م اعلم اهلي اروح الجامعه و ارجع علي اساس انا اختبرت ، عشان ماما م تزعل او تتعب ، و اهلي حسوا انه عندي شيء فصارت اختي تلحقني و تشوف ادا اختبرت او لا ، و دروا انا م كنت اختبرت و ماما دحينه زعلانه مني رمت مهري في وجهي و قالت مالي شغل فيكي ، انا ابغي احد يفهمني ابغي احد يساعدني و يجلس معي ، مع العلم انا مو اجتماعيه يعني م عندي صديقات ، ابغي اتغير بس مو عارفه كيف فياليت تساعدوني

ياحبييتي اتعوذي من الشيطان وشيلي الرسايل السلبيه الي حاطتها براسك

نظمي وقتك وذاكري علشان تفيدي نفسك وتسعدي اهلك

وانا ياقلبي صحبتك واختك وانا عندك بالي تامريني فيه

قال تعالى: ﴿إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِم﴾ .

بعض الأمور تُمرّ في حياتنا نفكر شلون نتجاوزها .. و من غير لا شعور نبوح ما في داخلنا لصديق او قريب
و نحن نعلم وعلى يقين بانه لا يملك لنا الا المـُسكنات و ليس بيده الحل الجذري ...

لكن دعوة في الثلث الاخير من الليل بعد ما تصلي ركعتين او اربع ركعات ترفعي يدك للي خلقك و تبوحي له ما في صدرك ..

قولي اللي في خاطرك و أللحـّي بالدعاء