السﻻم عليكم مساء الخير .....
انا بنت والدي متوفي رحمه الله وربط على قلبي عند ثلاث اخوان والله ما استفدت منهم في شي مو قد المسؤليه معنهم كبار وموظفين ﻻ احترام وﻻ تقدير اذا طلبت منهم يودوني لصيدليه اوسوق يخنفرون ويزعلون ما حناء مو دينك وهم لو طلبوهم زمﻻهم مشاوير او يطلعون مع بعض على طول سم وابشر بس انا اختهم ليش ما يودوني اقضي اغراضي احياننا ما يودوني اﻻ بعد هواش وبكاء اقسم با الله محبوسه في البيت مثل البهيمه ﻻاطلع وﻻ اتمشى زي الخلق تعبت نفسيتي كل شي اذا تزوجت طيب انا انسانه مثلي مثلكم امي عايشه بس ما تتكلم واذا تكلمت معهم تسكتني قلت لهم اذا ما وديتوني والله ﻻاروح مع صديقتي والسواق حقها ﻻنها قالت لي اي شي تبينه انتي وامك سواقي تحت امركم قام واحد من اخواني يهايط والله ﻻ اذبحك طيب ودني ابي اقضي اغراضي كرهتهم الله يلعنهم ويدمرهم حسبي الله عليهم والله مقهوره وكارهه حياتي بسبتهم واذا طلعت معهم شوفو نفسيتهم كيف تكون مخيسه ويحطون شروط البسي جونتي غطي عيونك انا متستره بس افتح النقاب وعادي تعالو شوفو كيف نظراتهم لي ويقولون سكريه يا داشره كيف اتصرف معهم كرهت كل الرجال بسبتهم ويطلعون في شقه مع زمﻻهم وانا وامي في البيت 24 ساعه واذا بغيت شي من البقاله يخنفرون ويحلفون ما يجيبونه واذا قلت لهم انا بروح البقاله واجيب الي احتاجه والبقاله قريبه قال والله ﻻاذبحك حسبي الله عليهم الله ينكد عليهم عيشتهم ويضيق عليهم حياتهم كيف اتصرف معهم دلوني زهقت والله مسجونه معهم ما كني انسانه حتى اذا جتني وظيفه في استقبال في مستشفى وﻻ مول يرفضون معقدين الله يبﻻهم بلا ماله دواء

اختي الغاليه كل شخص عنده مشاكل وظروف الحياه لاتعد ولاتحصى حاولي يكون عندگ
تفرغ لنفسگ وذاتگ وابعدي كل البعد عن اي شي يؤثر ع نفسيتك لأنه المتضرر في الأول والأخير انتي
لنفسگ عليگ حق
(اقربي من الله بقلبگ بتلاقين الله في أشد الظروف جنبگ)