يابحرنا الممتلي نفط وشموس وخوى
أغنياؤك في مزابل خصومك / ساهـــرهـ

كل عام وأغنياؤك سخيفين وسوى
وأهل جنيف أتّفاخر على أهل القاهـــرهـ

حنا أمه تافهه بين ميزان القوى
بس أمه في فنون التفاهه / ماهـــــرهـ

عند ربي اللي خلق كل مرء ومانوى
وعند ذولا الناس لا / كل مرء بظاهــــرهـ

هذا ولد المستوى .. وهذي بنت المستوى
كم فقير انذلّ من بين هالمصاهــرهـ

ياسخيفه لو جعلتي من خصلك ضوى
في عيون اللي يعرفون منتي باهــرهـ

الملابس والسيارات وأنواع الغوى
ماتحط الشايكه في مقــــام الزاهــــرهـ

انفثي دخان سيجارتك على الهوى
وأثبتي للعالم انك مجرد : عاهــــرهـ

العهر /ماهوب رغبه وليل وماحوى
العـــهر مجاهــــره .. العــهر مجاهـــرهـ

كل وحده طاهره / حلوه وذوق ودوآ
لكن المحزن مهب كل حلوه / طاهـــرهـ

النفس اذا ماهي بشرهه ومغموره
يطقها الشح وتروح انت تلحقها
صديقي الرجل واطراف الناس عوره
فما بالك بجرحها ولا مزارقها
اختارها خيرة المبلي لدكتوره
واتعب على عروق اهلها اللي تلاحقها
وركز على دينها والعقل وحضوره
وشفها وحاول تعرف اللي ترافقها
الزين غسل اليدين ولذته فوره
عليك باخلاقها اللي ماتخلّقها
وان سهل الله وزان الحلم باموره
الغاربه في التعامل لا تشرقها
كن مبتسم مقتنع بالله ومقدوره
وشوف احلى مافيها من اشياء واعشقها
اشفق لها شفقة الشاعر لجمهوره
توقع حروفها من قبل تنطقها
وان ازعلك شي خل عنادك وجوره
اهمس في اذنها عتب وانته معانقها
العمر قصير والاعمار معموره
ماتستحق انك تضيق واتضايقها
وان شفت مايظهر الرجال عن طوره
لاتكسر في نفسها ولا تعلقها
سامحها واقطع طريق الشر وشروره
او ردها لبيت شايبها وطلقها
مايضمحل الرجل في عيون غندوره
الا لاعدد خطاياها وخانقها
ومايستزيد الرجل في عيون غندوره؟
الا لاطوف خطاياها وصادقه

يمكن خطا آدونك بالشعر مير
لو ما احترمتك ؟ للغرام احترامه !!
ماكان حبك غير .. بس طعنتك غير
علمتني معنى الندم والندامه
ماجاك مني أي زله وتقصير
كل ماخطيت ؟ آعاتبك بابتسامه !!