انا أحمد الله يوم ربي ... عطاني
___________________ ابٍ تدور المرجله في عروقه


بالدين شيخ وكل هرجه... معاني
___________________ النجم لاضاع اهتدى في شروقه


في جبهته عزه لها العمر ... جاني
____________________ يا جعل يومي قبل يومه اذوقه


في جلسته هيبه.. تهز ... المباني
____________________ في كلمته حكمه تميز فروقه


له بتواضع صيت يملا .... مكاني
___________________ وله بشموخ الوان عيت تعوقه


فيه الكرم هبدان قاصي ... وداني
___________________ وايديه دايم للمعالي .. سبوقه


ياما عن الزلات دايم .... نهاني
___________________ وياما على الطولات كثف بروقه


يقول وانا ابوك هالعمر .. فاني
___________________ واحذر معاشر من يصيبك بعوقه


والرجل مثل العود مهما يعاني
__________________ يزداد طيبه مع تزايد..... حروقه


ومن لازم الايمان بيعيش هاني
_________________ يلقى السعد يمشي على كيف ذوقه


وافطن ترى بالعلم تبنى مباني
_________________ والجهل مثل الداء يعدي ... بتوقه


ولزم طريق الصبر ترقى الاماني
__________________ كل ما يطول الصبر تهنا .. بذوقه


واغنم ترى الايام مثل .... الثواني
_________________ تفوت ولانت اللي تحس .. بمروقه


احب كفه واطلب ارضاه.... عاني
__________________ وافديه روحي والعمر له نسوقه


انا احمد الله يوم عزز.... بشاني
__________________ ابوي محدٍ بالمراجل ..... يفوقه


مماراق لي

أسعدني ردك وتعطيرك لصفحتي
فجزاك الله الفردوس إن شاء الله
ودمت بحفظ الله ورعايته

كل الشكر لكـ ولهذا المرور الجميل

الله يعطيكـ العافيه يارب

خالص مودتى لكـ

وتقبل ودى وإحترامى