وايد أدندها : عادي تفاصيل موعدي

هدية من النوع الفاخر و المحبب

جماله إنه ما فيه تكلف و لا تكاليف

من الطبيعة و جمالها و كمالها

بصراحة أخجلتم تواضعنا يا شيخ طاغي النظرة

https://www.raed.net/img?id=598161


تسلم لنا الإيدين اللي جمعت الورد و نسقته بالطريقة الجميلة
عاد تدري يا طاغي
في حساب بالإنستا شغلته بس يكتب للناس اساميهم على رمال الصحرا باستخدام ريشة

تابعته و عجزت اطلب منه يكتب اسمي من كثر الطلبات ما يعطينا ويه

المهم الغيت المتابعة

و بصراحة فاجأتني بهالهدية اللطيفة جدا جدا لا و بالورد

https://www.raed.net/img?id=598162

كلمة شكرا ما توفيك

تستاهل زبيدي مشوي من ايدين الحجية


ع فكرة

وصلني اهداء طاغي و من بعدها صارت المعمعة بالمنتدى و صار ثقيل و اختفى كم يوم

عشان جذي تأخرت بالرد

الله يبلغنا فيك معرس و تجيب لنا كوكش عيال و تسمي اكبر البنات ( غلا )

ذكرتني النايفة بالتحذير الأحمر


عاد كيفكم انا بشكر اخوي طاغي على هديته

لا تجاوزنا الحد و لا بيننا أخذ و رد

عاد على قول حبايبنا السوريين ( في راسي بحصة ) مدري في قلبي

المهم في بحصة تحوس لها مدة بس ماني قايلتها

آل يا داخل بين البصلة و إشرتها

البصلة آخرتها يا تصير حشو للمجبوس أو شرايح للشاورما

أو تيبس و تطيح قشرتها يوم بعد يوم

فليش نتعب روحنا

خنشوف البصلة من يقطعها و تبكّيه


:MonTaseR_10:

:بكى:


ما اعرف اتنمر


محتاجة صديق يعلمني التنمر ههه

أمل. علميني أصول التنمر :MonTaseR_208:

تكملة تقييم للدكتورة :

(( …. اللي يستحق هذا النضال هو الكائنات اللطيفة ( مثل ما تسميهم نيوفتج ) هالكائنات وجودهم من المفترض إنهم يكونون سبب لتغيير مسار حياة منيلة بستين نيلة ، إلى حياة كفاح مستمر حتى آخر رمق من الصبر و التحمل )


لا تحاتين

خليها على ربك

بس حلوة ( هناك من أقنعني )

شاللي مدمرنا إلا سحر الإقناع

عندنا مثل يقول : اثنين يعرسون و ألفين يجنّون


بالضبط



الأعراس خرجت عن معناها الحقيقي ( الفرح و السرور بالحدث )

كل شي تأجير

بدءًا من المكان و مرورا بالملابس و حتى الزغاريد و التعطير و الضيافة و و و و


المعازيم بس عليهم يكشخون بطريقة مبالغة و تنافسية و يرقصون بابتذال

و الرابح الأكبر الكوافيرات ( اللي تكلم عنهم كوسوفي ) و الفنادق اللي تستغل الحدث في استنزاف جيب أهل العرس


المسألة مو مسألة فلوس و تكاليف

السالفة إنه مافي مشاعر حقيقية بالفرح

اللي تحركهم الأغنية اللي تثير رغبتهم للقيام بحركات لا علاقة لها بالرقص الأنثوي الرقيق

حتى أن كبيرات السن ما سلمن راحت الهيبة و الحشمة و البساطة


ما يقهرني إلا لما اضطر أشتري بدلة و اتكلف عشان حفلة العرس و بعد شهرين يتطلقون !!

طيب عطونا تعويض للضرر النفسي و المادي

على الأقل حق صبرنا على ذوقكم السيء في اختيار اغاني الدي جي !

انا رايحة عرس لو نهر الراين ؟ ليس اسبح و افتر يمين و يسار

الله يفكنا من حفلات الزواج المبالغ فيها

على سيرة الأعراس


و انا صغيرة كنت دايما اقول لرفيجاتي : أنا رحت عرس امي و ابوي و كنت لابسة نفنوف ازرق !


كان عرس خالتي بس هي المرة الوحيدة اللي أمي فيها سوت تسريحة و انا حسبتها عروس