|
أنا مافتشت ولا أبغى أتصيد اخطاءها كل شي صار بشكل عادي وعفوي ولا اتهمتها بشي بس ضايقني وجود صور لشخص غيري طبيعي شعوري مشكلتي اني مو قادر انسى واحس بضيق بعد اللي شفته |
اخوي شعور الغيره لكل الطرفين مؤلم بحد ذاته ! لكن لست مطالب بمحاسبة شخص على ماضي راح هي الان زوجتك تقدر انت تنسيها كل العالم وتكون كل شيء لها ،،، وفيه اقتراح اتوقع يريحك خذ لك فتره راحه غير جوك سافر انت وياهاا غيروا الروتين والملل لاتستسلم للأفكار والأوهام والشيطان ومسألة ماقالت لك عن الموضوع ! مافيه بنت تجي وتقول لزوجها مثل هالأمور لان هالشيء خاص فيها ولا يهمك بشيء لكن في حال صار وانتم متزوجين لك الحق تحاسبها لاتكبر الأمور وتتعب نفسك ،،،،،، |
الحين بالله اللي يحط لايك يحب :x12x: انا اجل ماخليت احد ماحطيت له وربي احيان ب دون م اشوف الصوره صراحه انت ماعندك سالفه الله يعينها عليك اذا من سبب تافه سويتها مشكله محسسني ماعندك ماضي ترا بنت ناس حرام اخذتها من اَهلها حطها بعيونك ومثل م قالوا الأعضاء في الحلول الله يعينها عليك وبس |
يا أخي العزيز لو مثلاً زوجتك رأت أحد حساباتك وعليها لايكات من بنات كيف تتوقع تكون ردة فعلها ؟ حط مكانك بدالها قبل أن تحكم عليها وأتمنى تقرأ قول الله تعالى في هذي الآيه جيداً وبتمعن : ( الخبيثاتُ للخبيثين والخبيثون للخبيثات والطّيِّباتُ للطّيِّبين والطَّيِّبون للطَّيِّبات أولئك مُبرَّئون ممّا يقولون لهم مَّغفرةٌ ورزقٌ كريمٌ ) وتأكد بأنه بقدر خباثتك فهي مثلك في الخباثه وبقدر طيبتك فهي مثلك في الطيبه |
صراحة مادري شنو اقول لك يعني الطلاق شي عظيم مو على سبب مثل هذا على طول طلاق يمكن معجب بتصويره مو شرط فيه لا تحط في ذمتك وتظلمه من عشر شهور قبل يمكن ما تعرفها جرب اسالها عشان ترتاح بس بدون ما تحسسه انك شك ولا بشي بسيط ترى اذا انعدمت الثقه بينكم عمرها ما راح أحد يثق في الثاني على فكره مو من اول مشكله تفكر بطلاق حول تسهل الأمور مو تصعبه انت متزوج عمر مو يوم وحط نفسك في مكانه قبل مآ تحكم عليه |
حقيقة أمرك غريب ..! أنت طرحت مشكلتك هنا وكثير من الأخوان والأخوات أعطوك رأيهم بكل أمانة ووضوح وهم على فكرة يمثلون جزء أو عينة من المجتمع ؛ أنت مو ملاحظ معاي ما فية ولا رد واحد من الردود أيدك في تفكيرك ولا في ماذهبت إليه بطريقة التعاطي مع مايستلزمه الموقف في مثل هذا الحال مثل ماقلت لك مسبقا الأعضاء هم يمثلون شريحة لايستهان بها من المجتمع مو معقول أنت الصح و كل هؤلاء مخطئون .. فكر شوي في الموضوع وإن لم تقتنع فهذا شأنك ، نصيحة أخيرة أعرض قضيتك على جهات الإختصاص وأنا أعلم أن هنالك لجنة إصلاح في المحاكم إستشرهم وهم سيفيدونك مباشرة بما هو مفيد وأصلح لك ولزوجتك . |
| الساعة الآن 10:24 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا