افكر اطلقها بسبب لايكات !
 

أنا متزوج من اسبوعين دخلت اناظر انستقرام زوجتي
وشفت الصور الي حاطتلها لايكات عندها ..!
وانصدمت حاطه لايكات لصور واحد !!
صور كثير له هو شخصيا
قبل مانتزوج يعني من 10 شهور كذا
قبل لااعرفها بس تضايقت
الحمدلله كل شي اوكي مع بعض واحبها وتحبني وكل شي بيرفكت كبدايه زواج
بس هالموضوع صدمني لانها ماقالت لي شي عن ماضيها او ان احد كان في بالها او حبت
ادري انه ممكن اعجاب وحطت لايكات عليه بس مجرد ماذكر الموضوع اتنرفز
اخاف يكون في بالها للحين ماستحمل تفكر بغيري وانا معاها
واستغفرلله صارلي اسبوع ماقربتها ولاقادر اقولها عن الموضوع لانه بيكبر وبتصير مشاكل
ولاقادر اسكت وانسى
افكر اطلقها
تحسون قراري سليم او غبي ومتسرع
ماستحمل تفكر بغيري وانا معاها
كيف اتاكد انها ماتحبه او تفكر فيه
بموت من الغيره

اسمح لي اخوي / قراركك قمه ف الغبااااااء ..
اول شي هي مجرد لايكاتت .. تمامم ...
وكل النااس تحط لايكاتت ..
لو انها كاتبه له شي .. او بينهم شي .. ماكان اعطتك الجوال وخلتك تاخذ راحتكك ف التفتيش ..
ليش التفكير هذا طيب ي اخوي افتح لها الموضوع ..
موضوع عادي انت اللي كبرت السالفه كلهااا ..
لا تخلي الشيطان يدخل بينكممم .. وتطلقها وتندمم وتلاقي وحده تطلع عينك ..
دام البنت طيب معاكك .. وتحبكك لاتكسر نها ب الطلاق ..
ترا الموضوع تااااااااااااااااااااااااااااااااااااااااااااااااا اااافهه ورب البيت ..
تعوذ من ابليسكك وخليك رجاال وحافظ عليهاااا ..


الله يهديكمم ي الرجال ..
اي شي طلاق ... انتو العامل الثاني بسبب العنوووسه ب المملكه ترا ..
:wed39:

البعض مع احترامي للشباب والبنات له ماضي سابع
اصابعك ماهي سوى
يمكن اعجاب فكرا عدل قبل ماتتاخذ قرار

او مآيكون اعجاب .. مجرد رد الايكات ..يعني
هو سوا لها لايكاتتت ..
وهي ردت الايكات ...بس لاتفكر ي الغاالي سلبي
ربي يهديكك .

ابشع صفه الظلم او التفكير السلبي بدون ماتتاكد

احيان نسوي لايكات احنا البنات لناس لا احنا معجبين فيهم ولا دارين عن هوا دارهم
نصيحه لا تخلي الشيطان يفرق بينكم وانتو زي العسل مع بعض
كبر عقلك واتعوذ من الشيطان
ولو نفرض لها ماضي هذا شي بينها وبين ربي
اكيد تابت مع انه ما اتوقع عندها ماضي اصلا
مجرد حركات زي اي بنت ماتفكر فيها ولا حاطه ببالها بيوم ممكن تصير لها
مشكله بسببها
اخوي كلامي مو مجرد بس ادافع عن زوجتك لكن انا مجربه بالانستقرام ناس
متابعين يحطون لايكات احيان نرد لهم الايكات وصارت معايا طبعي ما احب احط لايك ع صور شخصيه لكن صار يوم وحطيت لايك وقلت لكل الشعب عندي
لكن لا انا معجبه فيه ولا حتى متابعه له وزوجتك اتوقع نفس الشي
روح قفل الجوال واحتوي زوجتك وحبها املي حياتها فيك هذا الصح
وتقدر تقولها باسلوب حلو يافلانه انا شفت كذا وكذا وماراح احاسبك
لانه صار قبل زواجنا لكن اتمنى ماعاد يصير لاني رجالك واغار
الموضوع سهل لا تكبره وتفترقون بسبب سوء ظن واستعجال بالحكم

الله يهديكم ويسخركم لبعض

ييي مايصير تطلقهآ
عشان سبب تافه كذا
زي م قالت ميمآ نحنا البنات
احياناً نحط لايكآت لناس لانعرفهم
ولامعجبين فيهم بس ممكن تكون عجبتنآ
صورة وعبرنآ عن اعجابنا بالصورة مو الشخص نفسه
او مثلاً عبارة جميلة اعجبنا فيهآ كبصمة اننآ حبينا هالشي
مو معناتها معجبين بالشخص وللأسف يلي نحطله اللايك احياناً
يظنونه اعجاب وهالخرابيط يفهمونآ غلط ،، بس من جهتنآ البنات
اللايك ترآ مو اعجاب وحب وعشق وهالخرابيط بس اعجاب بالعبارة او الصورة
لاالشخص نفسه ، وانك تفكر تطلقها عشان لايك ومواقع في عالم افتراضي وتخرب واقعك
وحياتك مايصير يمديك تسئلها بطريقة حلوة وهي حتجاوبك وتزيل هالشك يلي بقلبك وترتاح
لو دام الشك ابد مارح ترتاح
بتمنى تنحل مشكلتك ،،
موفق