قد يقطع الله اسبابك فتظنه يعجزك

ويترك اليأس يأكل قلبك بلا استجابه

لانه يعلم فرجة الجبر بعد اليأس

فيرفعك لدرجة المظطر

فيجيب دعاءك ويلبي نداءك

فيكتب لك حينها اجر الصبر
وحلاوة الجبر

ههههههههه

وحده تقول لزوجها

لو كسبت مليون دولار
وبنفس اليوم خطفوني ناس وطلبوا فديه مليون دولار
وش بتسوي

قالها يالله معقولة يضرب معاي الحظ مرتين

التنمر والشماته..

لها وجهين .. وجه سيئ .. ووجه حسن

الوجه السيئ ..
عندما تصبح هذي الصفتين طبع ملتصق فيك
تتنمر وتتشمت على الضعيف والطفل والناجح وعلى كل شيئ
من باب طابع سيئ يملأ القلب حقد ونقص

الوجه الحسن للتنمر والشماته
هو عندما يستخدم لفئة معينه من الناس
يعتبر علاج فعال لكل متكبر مغرور لايرى الناس شيئ

والعلاح هذا اثبت فعاليته بنسبه عاليه

نجمة السناب

شي مقرف جالس نشوفه من بعض الرجال والنساء

عشان يوصلون لهذي النجمة

واذا وصل للنجمة .. كانه ملك الدنيا واحتفالات ومسخرة وقلت حيا


سيبوكم من بعض السلاتيح الرجال

المشكلة في النساء

صارت تهتم بوشسمه اكثر من وجهها.. لان الجمهور يهمه اسفل الوادي .. اما اعلى الوادي ماعاد له جمهور

اذا انهز اسفل الوادي .. يكثرون الناس حولينه ويحبون مشاهدته
عشان كذا العالم كلها متجهه للاسفل .. وعرفوا بعض النساء

كيف يجمهرون التالف من الرجال حوالينهم

نرجع للسلاتيح من اشباه الرجال

هذا سناب اختي .. ضيفوه .. لاوصيكم كلكم عندها

بس وصي عليها تبين اسفل الوادي .. وبتتطلع ترند ..

قال المثل

لكل حبه مسوسه كيال اعور
وياكثر العوران .. وش جمع اعور .. عجزت اطب فيها

واللي يعرض سناب زوجته .. واللي يسولف مع خواته

نعدل بمثل الاعور شوي

لكل حشفه مقرمش

وياكثر المقرمشين


كنت اتساءل زمان .. كيف الاعور الدجال يقدر يفتن الناس

الان .. بان الجواب

اذا سفهاء القوم تبعوهم ملايين

وش عاد الدجال .. اللي يطلع ابوك من قبره ..

في الاخير .. الكلام يطول

ولكن


اصنع ماشئت .. فانك محاسب

قيام الليل

كل صلاة يناديك المخلوق لها .. يناديك مؤذن

الا صلاة الليل .. يناديك الخالق بنفسه

ينزل ربنا جل شأنه .. وعظم سلطانه

الى السماء الدنيا ... في كل ليلة

وينادي

هل من داعي فأستجيب له .. هل من استغفر فأغفر له

هل من تائب فأتوب عليه



استشعر عظمة نزول الله سبحانه .. الان الساعة 2 بالليل

الله في السماء الدنيا .. خصص الوقت هذا .. اجعلها عبادة وليس عادة

اطلب العفو والعافية .. قول كل اللي بخاطر

احلامك .. امالك .. ..

انت بين يدي الرحمن الرحيم

فاغتنم هذا الوقت

الله لايجعل احد يمسك علينا درب

رئيس البرازيل .. متزوج بنت مزيونه
ورئيس فرنسا.. مسكين لاكسبها بالدنيا ولا بالاخره

وكل ماهرج ماكرون حق فرنسا
تشمت عليه حق البرازيل بزوجته

وجهن يستاهل

متنمر عليه صح