النفس عافت شي ماهو بينعاف
مدري كبرت اكثير ولا خذلوني

خايف لأني صرت ماعاد اخاف
متساوية كل الظروف بعيوني

ياخاطري دندن ترى مابه خلاف
كم لي وأنا عايش حياتي بدوني

واحد من اهل العراق ذهب إلى إحدى زوجاتة

وهي الاحب فيهم لقلبه

يوم حطت العشا.. ماعجب اخونا بالله
وقام يهاوش ويصايح وكلمة منه وكلمه من اللي ماتعرف تطبخ

خرج
هو من أحد قرى العراق
طلع من بيته في ليلة مقمره قرفان يتهاوش مع شعر راسه
وهو في الطريق يمشي .. سمع صرخة رجل
ويوم قرب ودقق زين الا الرجال تو الأسد طابق فمه عليه

طبعا الرجل معاه سيفه
واخونا بالله يصرخ على الأسد .. والأسد يرمي الرجال
ويجيك مديور على اخونا بالله اللي ماذاق العشا

ويتصارع مع الأسد
لين آخر شي نقز عليه الأسد وتفاداه
وهو راجع على اخونا بالله وفاتح فمه
الرجال اللي ماتهنا بعشاه بسبب اللي ماتعرف تطبخ
ادخل سيفه بفم الاسد واخرجه مع رقبتة
قام يتلوى الأسد لين مات
قام اخونا بالله الله يعوضة بزوجة سنعه تعرف تسوي اكل مرتب
قص راس الأسد
عشان ياخذه دليل ومايتهموه الناس بقتل الرجل
هو يحسب ان الرجل اللي عضه الأسد بالبداية مات

لكن يوم وصل عنده لقى عيونه شاحطه وقلبه مفضوخ من الخلعه

شاله ورجع للقرية اللي فيها ذيك.. تعرفونها

يوم وصل الا يشوف الموت
طلع ينزف وهو مايدري
صرخ على العالم في آخر الليل وتجمعوا وانقذوا الإثنين


الحكمة في القصة
من اللي خلى الرجل ينفر من زوجته ومايعجبه عشاها
ويطلع من بيته في وقت كان الكل في بيته
ويوصل غي الوقت اللي كان الأسد توه عاض الرجل

هو الله جل في علاه

توكل على الله ولاتشيل هم

قصة حقيقية

https://d.top4top.io/m_26565blv90.mp4

امس الفجر

الوتر

لي فترة افك المدونة .. وارجع اطلع منها
اقول اروح للتيك توك ادور شي انقله .. الاقي نفسي باليوتيوب ادور على شيء شفته بالتيك توك ابشوفه باليوتيوب بشكل مفصل

اخلص من المقطع .. اتذكر الشيء اللي وداني للتيك توك عشان ادور شيء انقله

ارجع ثاني مره .. اطب في ترند ثم طرت اشوف البله وش مسوين فيه
وراح ليلي وانا ادور على الحكمة المفقودة
لاهي راضيه تجي من الاجتهاد الشخصي
ولا من التيك توك

توني على فكرة طالع من دردشة باربي اللي لها اعلان هنا

احس اني جالس أمر في منعطف خطير

حتى نت فلكس ماش .. مافيه شي يعجبني

الشيء ذا طبيعي .. ولا انتبه لعمري

الليلة متوقعين انها ليلة القدر