هو نجمنا الضاوي به الطيب موسوم ** بيطار في قافه وقافه لنا ظلال . الحقيقة الاستاذ / نجم ضاوي كتب في بعض تعليقاته على أحد قصائدي بيتين من الشعر ، وكنت قد نسيت الرد على البيتين ، وأنا أعاني من بعض الزهايمر الخفيف ، وأنسى المتابعة فاليعذرني الاستاذ نجم ضاوي على تأخيري ، فعندما تصفحت ردوده تذكرت ذلك فله العتبى حتى يرضى ، فاليه ما استطعت مجاراته فيه وما أنا الا أحد تلاميذه في الشعر . يقول حفظه الله : يالتغلبي محشـــــــوم محشــــــــــوم ** يا راعي النخوة ويا طيب الفال الشعر جاك من اللـــــــــــــه مقســــوم ** رجّح الكفة باشعارك ومـــــــال قلت : اهلاً هلا بالقاف من شخص شغموم ** هو راعي الطولات وفعله بها طال هو نجمنا الضاوي به الطيب موسوم ** بيطار في قــافــه وقـافـه لنا ظلال والمعذرة اذا فيه تقصير . |
صح لسانك ولسان اخونا نجم ضاوي كلكم والنعم فيكم أدام الله الإخاء بينكم لكم ودي |
صح لسانك واعتلا شانك |
صح لسانك يعطيك العافية الله يديم المحبة |
شكراً للاخوان على المرور الجميل بدون استثناء |
صح لسانك ولسان نجمنا يعطيك العافية ربي يسعدكم |
صح لسآنه ولسآنك آساتذه .. ما شاء الله عليكم تستحق + |
سارا شاكر مرورك الجميل تسلمي . |
سالفة قلم شرفتني زيارتك متصفحي . |
صح لسانك أخوي الخيال التغلبي ,,, كفيت ووفيت ,,, هلا باللي عن الزلات معصوم ***** له بين العرب قيمه ومنزال شهمً كريمً فـزاعً لكل مظلوم ***** واصعب عُقـد هو لها حلال |
يا ليتني معصوم ومعصوم ومـعـصــوم ** وامشي مع الزينات من غير غربـال ولو جيتني ثم قلت يكفي خلص قوم ** اقول انا مـعـصـوم يا طـيتب الــفــال يا ليتني مـعـصــوم يا ســـيّـــد القوم ** يالطيب اللي يزهى بالطيب يا خال الله يعطيك العافية يا نجمنا الضاوي ، وشاكر لك ردك الجميل ، جمّل الله حالك وكثر خيرك ـ تحياتي لك وللاخوة والاخوات الذين شاركونا الاطلالة الجميلة والتعليقات المثمرة . أخوكم الصغير ـ الخيّال التغلبي . |
صح لسانكم وعلى شانكم ويعطيكم العافية |
ماشاء الله تبارك الله صح لسانك ويستاهل نجم ضاوي ~ |
عشقشق ـ ام خالد ـ شرفني مروكم ـ تحياتي . |
يسلمك ربي ويعافيك يا الخيال التغلبي ,,, بس أسمح لي ودي أستشيرك ,,, وش تقول للي الهجر حرق احشاهـ يموت في اليوم . . الف والفين مَرهـ والشيب من مُـر الهجر جـاهـ وغزاهـ ما شاف من وري خِلـه غير المضرهـ |
جميل ماشاء الله صح لسانك ويستاهل نجم ضاوي :81: |
هذي حــــــلاة الحـــــــــــــب فيه آه ويلاه ** والــيــابرد مـــــــا تنفعك المبرّة يذوب مـــعـــهــا الحب وطـعـمـه وحـلـيـاه ** ويغيب عنصر حبكــم والمسرّة كــم واحــد عـــــــــاف العشى ما تعشّاه ** الياهاجه صوت للحمامة تجرّه أصبر على المحبوب واحرص على ارضاه ** واثبت له انه في ضميرك مقرّه الياجــــــت تغشمر وانت ودك مــــلاغـــاه ** أحـــــلا دلع الياثمرت لك بحرّة أرجو أني ما قسيت عليك ي نجمنا الضاوي ـ ولكن هذه ضريبة الحب ـ شعللت نيران ، وإلّا ما يكون حب ، فالحب الرخيص يبقى رخيص ـ ولولا المعاناة لما سمعنا بالشعر والشعراء والحب أبداً ـ تحياتي . |
لا افهم الكثير هنا ولكن احببت ان اترك تعليقي لك وللاخ نجم ضاوي كلاكما يستحق الثناء والشكر على المجهود اللذي تقدمونه تحيتي لكم ... اختكم مطر الفجر :27: |
صح لسانك وسلم احساس ابيات جميله تسلم:MonTaseR_11: |
أهلاً بك أختي / مطر الفجر ـ لقد أمطرتيني وأخي نجم ضاوي بما يكفي من وابل فجرك ـ وأنك لجديرة بالتعليق يا أُخيتي ، ولكن تواضعك المختفي خلف شخصية مهذّبة هو الذي أخّر تعليقك ، وإلا لا أظن أنك لم تفهمي الكثير كما زعمت ـ تحياتي واشواقي الحارّة لك وللسادة والسيدات والزوّار والقاريء الكريم في المنتدى المحبب لنفسي وهو (مسك الغلا) بل هو الغلا كلّه . أقول لمنتدانا الحبيب الموقّر : بيتين من قصيدة لا زالت في طور البنيان : أنت الغلا كله ان كــــــان بالدنيا غلا ** أبد ما غيرك يحتويه القلب وايضا ما حوى وانت الحلا والمسك كان بالدنيا حلا ** وانت العزيز وغيرك عندي بالهوى ســوى |
أختي الغيد ـ شاكر مرورك وصح بدنك ـ تحياتي . |
ويلاهـ مـن الحـب أهـ ويـلاهـ ما سكن في قلب إلا وضرهـ أمـري وخـيرتـي . . مـنـه لله قلبي علـى نـار الهجر جرهـ هرجك يا التغلبي ترى مقساهـ ويـن ايـام الـهـنـا والمسـرهـ |
الخيال التغلبي + نجم ضاوي ماشاءالله تبارك الله .. صح لسانكم و اعتلا شانكمم الله يعطيكم العافيه ي الغوالي .. قسمم ابياتكمم روعهه . كنت متابعهه بصمت .. لا هِنتو.. حَسُوسَـآآ |
احساس طفلة اشكرك على مرورك العطر . |
الى الاخ / نجم ضاوي : خلّك تذوق اللـــــــي من الحب ذقناه ** وخلّك تعـــاني من الـبــلا والمغرّة وخلّك تعيش اللي من الموت عشناه ** ويا مــا سهرنـا ومقلتي بالمجرّة لا تحسب ان بنات جيلك خـــــــونداه ** الموت والله شفتـه في ذات مرّة ما ظنتي في جيلكم يشـــــــبه انثاه ** ولا ظنتي في جيلكـم من يحرّه ما حطّت المكياج ولا شـكّت وش ذاه ** ابعد عن الشـــكّات وهرج المعرّة ان كانــــهــــــــا ويّــاك ما قـــول انا لاه ؟ ** تستاهل الموت الحمر والمبرّة أرجي أنها تحوز على رضاكم . |
بارك الله فيكما وعافاكما من كل مكروه سلمتَ اخي |
شكراً لمرورك الجميل أخت مرجانة ـ والله يعافيك ـ تحياتي . |
:eh_s(21): صح لسآنكَ .. كنت هنا :MonTaseR_1: |
حياك الله يا الملاك . |
رساله للخيال التغلبي ,,, الهـوى قبـلك يا التغلبي قـد وطينـاهـ ذقنـا الحـلا بأولـه . . سعـد ومسـرهـ ثمـر الهـوى فـي عهـدنا قـد جنينـاهـ وصادق الحـب تلقاه فـي العمر مرهـ عهد الحب ياصاحبي مثلك حفظناهـ اعشقه اهـواه . . وهـو للعـين قُـرهـ الكـذب مِنـه . . والله مـاقـد خـبرنـاهـ بـس هـذي الـدنـيـا كـذا كــره وفـرهـ |
الى الحبيب / النجم الضاوي ـ مع التحية . شكلك يا بو ضاوي قريب المســافاة ** ما انت بعيد عن سنيني ودرّه ما لومك ان كان انتم ذقتوا ثمر ماه ** اكيد ما تنســاه وتنسى مجرّه هذي هي الذكـــــــرى وهذا مناجاة **تطرب لهــا نفس الحبيب وتمرّه |
يـا التـغـلـبـي أنـا أسـألـك بـا لله تـرى باقـي في القلـب حسرهـ ذبـح قلبـي مـن أقصـاه لاقصاهـ اقفـي وفـي العـين منـه عـبرهـ ويوم أقفـي صحـت ياويل ويلاهـ بقى بيني وبين الجنون شعرهـ |
صح لسسسآنكك وصح لسسآن نجم آلضآوي بيتين جميلينن حبيتهم والله وآلرد جيل آحسسنت في م كتبته يعطيك آلعآفيه تقييمي |
هلا والله وغلا أخي ,,, متغطرس ,,, أسعدنا مرورك وتقيمك ,,, ما زال أخي ,,, الخيال التغلبي ,,, في جعبته الكثير من الاسرار الدفينه من الردود ,,, هو ما زال يلاعبني على الشاطئ ,,, بعده ما غاص في البحور الغزيره ,,, والقادم إن شاء الله أفضل ,,, هذا هو فن المحاوره والمساجله ,,, وأنا أمام شاعر من فطاحلت الشعر ,,, وأتمنى أخي إحساس شاعر يشاركنا ,,, وكل من لديه موهبه لا يبخل علينا ,,, |
مجنون ليلى جنّنه ظلم مـــــولاه عيوا عليها لا تــــجـــيـــــه وتمــرّه صيّح ابوه وصــــــــاحت امّه بنــيّاه وقامت تجواب مـــع خواتــه بحــرّة عندك خبر وسوس وهذرى بليلاه وكـــــــــــل نقل حـبه بخيره وشره يطلع عـــــلا ينزل عــــلا ينتثر ماه لا حصلت الشوفــه ولا جاه ســرّه اصبر على حبك وربك له ارضـــــاه يمكن يجيك بسـاعـــــــة مـا تضره هنيتك بجيلكــــــــــــــم يا حـلولاه جوالــــــــــــكم بيدينكـم والمسرّة كم ليلة نومت بيّه مـــــــــع اخواه وسريّتها والــمـــــوت عندي مجرّه غير لنا قـــــــافـك ترى الموت ويّاه قــــــاموسك اوسع لله مثلك ودرّه |
رساله إلى ,,, الخيال التغلبي ,,, ودي اقول وش لك داخل الإحساس ودي أقـول . . يا كُـبر معـزتك عندي لك غلـا . . غـير عـن باقـي النـاس يا محزمي يا عصابة راسي وزندي |
الطيب طيبك يا بعد ــــهافي الساس اهـــــــــلا هــــــلا بك والغلا دوم يندي وكلامك اللي قلته تاجي على الراس يا ليتك معيه واغلب الوــــــقت عندي انت اللبيب والمرجلة واطيب النـــاس يا سعد حظــــــــي بطيبتك جاك ودّي |
تسلم لي يا الخيال التغلبي وعساك على الطيب دايم ,,, لي عوده بإذن الله ,,, |
الله يحييك يالنجم باي وقت ، ونحن بانتظار جديدك دائماً . |
اخي الغالي/ الخيال التغلبي كل الشُكر على طرح الموضوع الرائِع القيّم والذي يضعُ العضو تحت مضلّة الصدق و نبحثُ سوياً في ملفاته المُنيره آبدعت في آختيار موضوعكِ آلراقي فكم يطيب لي آلبقاء جلياً في صفحتك آكاليل ورد لطهارة روحك يارائع نجم اخ مصدر الإبداع والذوق لن يسمح قلمي وقلبي قبل قلمي ان اصف هذا الاخ بعده اسطر فمهما قلت ساظل مقصر ربي يوفقك خيال لازال التميز هو عنوانك دمت ودام قلبك بنبضه يقييييم الموضوع |
الساعة الآن 04:22 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا