المسالة تعدت الجنسية ووصلت للقبائل
ياليت تكون المساله سعوديه سعوديه
الا القبائل تقوقعت داخل بعضها ووصل فيهم الحال
بأن مايزوجوا بناتهم الا من عيال قبيلتهم او لقبهم اذا حبينا نوضح اكثر
عنصرية القبائل اول سبب للعنوسه ماهي الجنسيه وتاليها المهر
واولها قبيلتي بدون لايزعلون مني الاشراف
انا كشاب مو متاثر بتزوج من قبيلتي او خارج قبيلتي ان شاء الله حتى امريكيه
لكن البنت اللي تستنى ولد عمها يرحمها ولا يشره عليها وياخذها
ولا امها ترميها لاهل عمها بنتي لكم وتشحت بها هنا انتهت كرامة البنت
مو يوم تاخذ عربي مسلم او من قبيله سعودية غير قبيلتها
اذا كنت اذكر قصة عيال عم من نفس القبيله الا ان فخذ منهم اصبح كويتي وفخذ ظل في نجد وللان رافضين يزوجوا بعض وهم نفس القبيلة
المساله تعدت مسالة الجنسيات وصارت مسالة القبايل
والدولة ماتنلام يوم عطت مميزات لزوج السعودية لانها تفكر ببنات السعوديه اكثر من اهلهم وماتبي تكثر العنوسه ببناتها
اهلهم اللي يكابرون حنا قبيلة الشيخ الفلاني وحنا وحنا نزوج من القبيلة الفلانيه حشى وكلا ويجلسوا يرفضون عيال الناس لين تعنس بنتهم ويختارولها حياة هي ما اختارتها بعيده عن الامومه بعيده عن غريزتها وتظهر البويه وتظهر اللي تتعرف ع شاب وتظهر اشياء واشياء
فبدل لاتزيد العنوسه نذهب لاهون الأمرين اللي هو زواج الاجانب العرب المسلمين
باختصار العنصريه بين القبايل انهت طموحات البنات وخلت الشاب السعودي له خيار واحد احيان انه يا ياخذ من قبيلته يا من بره السعودية اوالاغلب انه في اغلب الاحيان ياخذ من بره السعوديه لسبب ثاني بعد اللي هو ارتفاع المهور حتى في قبيلته
ياناس ارحموا بناتكم البنت ماهي لعبه عندك تزوجها متى مابغيت واحد بعمر ابوها او تبيعها بيع او تخليها عندك وترد خطابينها الين ماتعنس
ويكون ملاذها الاخير وحلمها الكبير ظل رجل مهما كان جنسيته

لا تمسكوا المشكلة من وسطها شوفوا بدايتها

:eh_s(12):

ماعتقد فيه كذا الحين

القبايل البدويه الاصيله يزوجون بعض بالعكس

ومافي اصرار ع الزواج من ابن العم هذي حرية البنت وحياتها

الا ان فيه بعض القبائل لا يحبذ الزواج منها لعدم تكافوء النسب بدون ذكرها

اما غير ذلك لا توجد عنصريه ابدا

فيه للحين كذا وبدون ما اذكر اسماء الاغلب عارفين
وانتي ذكرتي عدم تكافئ النسب حتى في السعودي وهذا شي يضاف للي قلته
ما اقول كل القبايل بس 70 بالميه من القبايل مايزوجون الا من بعض
و30 بالميه يزوجون تقريبا
ومسالة الزواج صارت بين القبايل معروفه وانا واحد من قبيله تسوي هالشي للاسف بدون ما انكر

غريب انه لسى موجود العنصريه هذي الحمدلله قبيلتي من القبائل المشهورة وعادي
ياخذون ويعطون كل قبيله الا قبائل محدده فقط لعدم تكافوء النسب اما باقي القبايل
الاصيله المعروفه لا ضرر من الزواج منهم ان كان بنات او شباب

وفي بعضهم على اساس عطوا مجال ياقبيلتي يا 2 قبايل جنب قبيلتي

اذا انفتحت القبايل ع بعضها وزوجوا بدون ما يكون في هذا التصنيف العنصري
راح تنحل مشكلة العنوسه واهل البلد بياخذوا من بلدهم مثل باقي البلدان في العالم
لكن العنصريه موجوده فينا خلت كثير من البنات الهاربين من العنوسه ياخذون غير سعوديين
بعد مايتعدوا عمر الزواج
عنصرية+غلاء مهور =بويات وجنس ثالث ودرباويه وبزرنجيه واهونهم زواج اجانب

بعض القبائل حددت المهر للبنت ولثيب بمبالغ معقوله

وهذه بادرة جيدة ونامل ان تقتدي بها البقيه

وهو تحديد مهر البنت 50 الف بينما الثيب 30


اعان الله المقبلين على الزواج