موضوع مُغلق
 
LinkBack أدوات الموضوع انواع عرض الموضوع
قديم 10-22-15, 09:22 PM   #1
نـجـم

الصورة الرمزية نـجـم

المكان »  السعوديه
الهوايه »  اكتب الشعر

 الأوسمة و جوائز

Icon N25 يا سارة



هذه القصيده قلتها في ابنتي الصغيرة سارة
التي تعيش مع أمها بعيدن عني
بعد مافرقتنا ضروف الأيام

ولم يتسنا لي زيارتها الا بعد فتره طويله
وكل مازرتها بعد فتره طويله
قالت يبه انت ماتحبني ليه ماتجلس معنا دايم
مثل ابوان بنات خالي وعمي
انت اكيد ماتحبني
وهي صغيره ماتفهم الوضع وحال الدنيا والاقدار

من مادفعني لهاذي القصيده
القصيده شيلة ولكن لم اعرف انزلها في المنتدى
با الصوت وهي موجوده بصوت منشد
القصيده طويله شوي وختصرت لكم هذي الابيات منها


ياسارة انتي ترى في قلبي وعيني
انتي نضر عين ابــــــوك الي تقدابه

حبك بقلبي تمشاء مع شــــرائيني
ومخالطن دمـــــــــي وقام ايتمشابه

وانتي بعيده وهم البعد يطويني
من فـوق ثومت فـوادي حـط مشهابه

لون بعدك مهوب اليوم مرضيني
مير الزمن له ضروف وتحكم أسـبابه

والعمر يمضي مع الأيام وسنيني
ماينعرفله عـــــــدد مانعرف احسـابه


ياعمري يشوفتك يــا قرت العيني
قدام لســـــــــــكن ببيت القبر وتــرابه

ياكثر مافـاالخيال انـها تنـــاديني
وتقول يـابــــــــوي نـومي ما التهنابه

وأقـول صبرك لعل أيامنا تزيني
الصبر فيه الفـرج ماينـــــــــــقفل بابه

ب لله يلي على العجلات ماشيني
ليه غريبن جنوب وطـول اغيــــــــابه

ابـي حـداكم عـلى دربه يـودينـي
روحـي مـن افـراقها والبعـد منصــابه


 


قديم 10-22-15, 10:13 PM   #2
الخيال التغلبي

الصورة الرمزية الخيال التغلبي

 الأوسمة و جوائز

افتراضي




اصبر وصابر واحتسب يا ابو ســارة ** وعلل احساس النفس بعزة وقارك
لا بد من يوم تجيك الــبــشــــــارة ** وتــلــقى ضنين الروح عندك بدارك
هيضتني والقلب يـكـفـي دمـــاره ** هيضتني وهيضتني في مـسـارك
عشرين عـــــام وكثرها فـي مرارة ** زود على اللـــــــي راح مني وفارك
متعايش والجدران وسط الـعـمـارة ** ومن مرني يقول هذا دمــــــــــــارك


 

قديم 10-22-15, 10:58 PM   #3
نـجـم

الصورة الرمزية نـجـم

المكان »  السعوديه
الهوايه »  اكتب الشعر

 الأوسمة و جوائز

افتراضي



اقتباس:
المشاركة الأصلية كتبت بواسطة الخيال التغلبي مشاهدة المشاركة
اصبر وصابر واحتسب يا ابو ســارة ** وعلل احساس النفس بعزة وقارك
لا بد من يوم تجيك الــبــشــــــارة ** وتــلــقى ضنين الروح عندك بدارك
هيضتني والقلب يـكـفـي دمـــاره ** هيضتني وهيضتني في مـسـارك
عشرين عـــــام وكثرها فـي مرارة ** زود على اللـــــــي راح مني وفارك
متعايش والجدران وسط الـعـمـارة ** ومن مرني يقول هذا دمــــــــــــارك


صح ال سان الي نطق با العبارة
الي مروره هاضني يوم شارك

حسيت في جوفه سوات الشراره
متولعن با الخل والخل فاااارك

راع الهوى يونس بجوفه حرارة
والا صويبن طاح وسط المعارك


لاهنت يتغلبي ع المرور والابيات النديه والمميزه

مشكووور


 

قديم 10-22-15, 11:36 PM   #4
ســـارا

الصورة الرمزية ســـارا

المكان »  في قلوب البسطاء ❤
الهوايه »  القراءة
عش يومك بكل تفاصيله ..
اطمئن لأن الله معك ..
اطمئن لأن مستقبلك بيد الله ..
والقلق لن يغير من الأمر شيئاً ،
فقط هو يفسد عليك يومك

 الأوسمة و جوائز

افتراضي



ربي يخليها لك ويجمعك بها دووم ي نجم

ودمت بكل خير
ربي يسعدك


 

قديم 10-22-15, 11:45 PM   #5
الخيال التغلبي

الصورة الرمزية الخيال التغلبي

 الأوسمة و جوائز

افتراضي





لا والله الا جبتها يا ابو ســــــــــارة ** ما احلاك وما احلا طلّتك مع اشعارك
انت الفهيم اللي يجيد الامـــــــارة ** شــيـــــــــــخ ولد شيخ وفيك انتبارك
اسعدتني في قافك ما احلا ثمارة ** الله يــــبــــــــــارك فيك وبالقاف يبارك
وخففت من همن سكني دمــاره ** يا ليتني عندك قــريــب وجـــــــــــارك
ان كان انعيش همومنا والخسارة ** اشـــاركـــــــك همك ومعيه تـشـــارك


 

قديم 10-23-15, 05:37 AM   #6
نجم ضاوي

الصورة الرمزية نجم ضاوي

المكان »  السعوديه / جده
الهوايه »  الشعر + الطرب والوناسه
خذنـي يقـايـا انسان .. وفاتـه يـوم ميلاده
حنوطه دمعة عيونه واكفانه اسى واحزان
MMS ~

 الأوسمة و جوائز

افتراضي



صح لسانك واعتلا شانك ,,,
الله يردك لغاليك وتقر عينك بشوفت بنيتك ساره ,,,


الله يعلم الغيب . . ويعـرف اسـراره
ياعسى خيره . . والخير هـو فـالك

معـذور . . لا هلـت العـيـن مـدراره
فاقدً ساره بنتك . . وعايش لحالك

لا هوجس القلب واشتعلت افكاره
قـول يـارب . . والله يـرفـق بحـالك



والمعذره عن التقصير ,,,


 

موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 02:41 AM.

Powered by vBulletin® Copyright ©2000 - 2020, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206