السَلآْم عَلْيُكّمٌ وٍرٍحَمُةّ الله وٍبُرٍكآتُهْ

اسعد الله جميع اوقاتكم بالمسرات

هههههههههههههههههههههههههههههههههههه

هذي جتني بقروبات الواتس اب. وقسم فطست ضحك.

ياخوفي القصيم كله سمعني

مو بس حارتنا ^_^

حياكم. اتركم مع السالفه مابي احرقها


هذي وحده تسولف بموقف صار لها ....


(( انا سلمكم الله اذا بحط حناء آلبس لبس الحناء اللي هو عباره عن بجامه وصخه صارلها عشر سنين عندي رايح لونها كلها طبعات حناء كاشه علي من كثر الغسيل والفرك سيقاني طالعه...آتمنى تخيلتوا المنظر ...في هذا اليوم الله لايعيده آختي الكبيره كانت نفاس في بيتنا وآنا انسانه معروفه بالتسدح والتبطح لو القى سرير بالشارع فطست فيه...انا وحده نفاس على مدار السنه المهم و انسدح بسرير اختي النفاس واهي راحت وانتوا بكرامه للحمام...انا متملكه على واحد امه كيوته يعني انا العجوز واهي الكتكوته...سلمكم الله وانا مندمجه بالتسدح ولافه شعري بكيس زباله وحجاب خدامه عشان ما يطبع الحناء وجهي فيه كم شخبوطه من الحناء...الا اسمع صوت ام زوجي وبناتها عند باب الغرفه...لا لا موووو وقتكم شسوي شلون انحاش اذا طلعت لازم يشوفوني بالمنظر هذا مافي مجال اطلع ابد ابد...واسمع امي تقولهم ي هلا حياكم الله ادخلوا الغرفه....يما قلبي وقف وقسم لو تشوفني كذا اهي طلقني مو ولدها وانسدح بالسرير واغطي وجهي واكتم نفسي...ودخلوا الغرفه واقعدوا...وتدخل عليهم اختي وتسلم وتقعد عندهم...ويقولون لها لا لا روحي انسدحي تعب عليج مو زين انتي نفاس وتجي اختي وترفع المفرش عن وجهي الا تشوف خشتي متحنطه اطالع السقف
و تعطيكم اختي نظرة المخروشه اللي فيها ضحكة...وراحت قعدت على طرف السرير... و يقولون لها انسدحي انسدحي..واهي تقول لا تعبت من السرير ابي اقعد ...ويقعدون يسولفون ويندمجون بالسوالف وانا نشف دمي قمت اخذ نفس من حلقي لو اتحرك شوي بيوضح انه في احد داخل السرير...جعلكم شفتوني بالوصاخه هذي ولا اني اموت شهيده على فراش نفاس...بس خلاص ابتلشت بالمصيبه اللي سويتها...ومع السوالف الا تقول عمتي وين عروستنا نبي نشوفها و ما تنزل لنا
عاد امي ضربت الصدر لا يويلي اللحين تنزل لك انا قلت لها عمتج جايه اليوم متئ يمه ليه وشوله وكيف ولماذا تنسين تعلميني و امي تقول اللحين ادق عليها تنزل والتلفون معاي منسدح و امي تدق على تلفوني ويرن التلفون ويطالعون على طول السرير..قالت اختي اي اهي نسته وصعدت فوق انا اناديها لكم..قالت امي لا انا بقوم وتعطيكم صفيرة الحكم يااااااااااساره انزلي عمتج تبيج ياااااساره يااااساره ياافاره ياااخشت الحماره يعني دلع وكذا قدام عمتي تقول سارا الفارا خشت حمارا وعمتي نظام كيوته عاد تعرفون امي عصبت عيب ما انزل وخلت الحريم وتصعد فوق ما تلقاني وتسأل الكل محد يدري عني وسوت لنا امي اكشن وعمتي وبناتها استغربوا ودقت على ابوي انت ماخذ سارا معاك مكان قال لا قالت وشلون البنت مالقينها بالبيت واختي تبي بس امي تطلع عشان تلحقها وتقولها وامي قاعده مكانها...لمن حسيت صار اكشن وخبصه وسمعت كم كلمه مو زينه...بلحظة هدوء والصوت واطي وقاموا يوشوشون نطقت وانا تحت الكفن قلت انا منثبره عندكم وماني منحاشه بس مقدر اوريكم شكلي واقوم وانا متغطيه بالمفرش كني غانم الصالح بمسلسل خالتي قماشه واهابد ومن كثر ما اختنقت وعرقت ضيعت مكان الباب وتجي رجلي على طرف الصينيه وتقرقع المواعين وما اسمع الا بسم الله شنو هذا شصاير...وارفع المفرش واقولهم هاا انا سارا الفارا خشت الحمارا ارتحتوا ...تبين طلقين طلقي والحنا سايحه ع وجهي ومطبعه وكنت حاطه كيس الزباله وحجاب الخدامه على شعري ومطلعه اذاني كاني ناصر القصبي بطاش ما طاش واشوف اللي قدامي يتسدحن ضحك وامي اللي معصبه قامت تخضخض من الضحك واختي النفاس تضحك وتمسك مكان عمليتها يع يع يع كل ما اتذكر هالموقف احسه عار على حياتي بس الحمدلله للحين متملكه ما غيروا رايهم...وكرهت كل وحده نفاس وما قمت احط حنا وبجامة الحنا قطعتها تقطع>>اهي اصلا كانت مقطعه
..
وسلامتكم راح اعزمكم على عرسي بس اكشخوا مو تفشلوني انا ذربه وكيوته ما احط حنا ههههههه ))

ههههههههههه
موقف يضحك جدا ولا يحسد عليه
عجبتني اختها ماشاء الله عليها
كيف حبست ضحكتها على المنظر !!!
كان بامكانها بكل بساطه تتخذ وضعية سوبر مان
وتحط اللحاف على راسها
وتهرب خارج الغرفه وتقول لهم اشوفكم بعد نص ساعه
و اسلم عليكم بعد الكشخه
موقف صعب مسكينة
اسعد الله قلبك عزيزتي مسك ^_^

ههههههههههههههههههههههههههههههه

منورين ربي يسعدكم