|
:: قرار هام :: |
موضوع مُغلق |
| LinkBack | أدوات الموضوع | انواع عرض الموضوع |
11-08-15, 05:16 PM | #1 | ||||||||||||||||
|
رحلتي لمدينة الأسد ... سنغافورة بسم الله الرحمن الرحيم حبيت أشارككم برحلتي لمدينة الأسد "سنغافورة" بما إن عندي وايد اشياء ابا اوريكم وأقولكم فراح أخليه ع أجزاء عشان اقدر افصل ع راحتي. ** اعذروني اذا الصور مو وايد واضحة وقليلة لان اكثر الصور مع الاهل وهذا كم من صورة حصلتهم في تليفوني واخوي مصور وايد بس اكيد منزلهم في الانستغرام وحبيت صوري تكون حصرية للمنتدى. ** واسمحو لي أتكلم بلهجتي بس اذا حبيتوا أحول أحول للفصحة بس احس جي بأخذ راحتي أكثر. ... معلومات عامة عن سنغافورة العاصمة: سنغافورة وهي اكبر مدينة الموقع الجغرافي: جمهورية تقع على جزيرة في جنوب شرقي آسيا. اللغة: الإنجليزية(هي اللغة الرسمية) ، الصينية ، التاميلية ، الماليزية العملة: دولار سنغافوري ... 1SGD= 2.5 AED الشعب: طيب ولطيف ما له دخل بالناس كل واحد مع نفسه ( يعني حتى لو طحت ع ويهك محد بينتبه هههههه) نشيطين جداً ويطبقون القوانين وهذا احلى شي فيهم الإنضباط مافي أحد يتعدى على دور الثاني البلد نظيف جدا ً نظراً لان القوانين تطبق فأي ورقة ترمى عليها غرامة 500 دولار سنغافوري مستوى المعيشة عندهم عالي لهذا البلد غالي لكنه يستاهل الزيارة نادر ما تشوف الشرطة في الشوارع لان في كاميرات في كل مكان اما عن الجو هذي قصة ثانية بقولكم عنه بعدين بس بشكل عام حار ورطوبة لانها دولة استوائية والامطار ع مدار السنة (هذي النقطة انا ضدها) معالمها السياحية جداً جميلة والكثير قالوا يكفيها 5 او 6 ايام بس نحن خذنا 9 ايام (متحمسين ههههه)وما كفانا الصراحة في وايد أماكن ما رحنا لها. ... تفاصيل الرحلة عدد الاشخاص : 5 ( أنا وأخواني) تاريخ المغادرة والعودة : 15/8/2015م – 24/8/2015م (9 أيام) خطوط الطيران: القطرية للطيران خط السير : دبي – الدوحة – سنغافورة / سنغافورة – الدوحة – دبي ... تخطيط الرحلة ما كان وجهتنا الرئيسية سنغافورة فكان في بالنا كوريا بس تكنسلت لان طلع مرض الكورونا فيه ووزارة الخارجية منعت السفر له عقب قلنا اليابان وتكنسلت مأعرف ليش الصراحة نسيت ههههه والكثير قالو روحوا تركيا بس نحن كنا نبا نروح نلعب ونغير جو وما حسيت تركيا حق هالشي بالعكس زين حق شهر عسل اكثر. فإستقرينا على سنغافورة من الي قرأنا عنه وحبيناه. التذاكر وغيرها من الامور كلها كانت بيد أخوي الله يحفظه هو الليدر مالنا كان وضبط كل شي وكان مخلي علي شي واحد اني اسوي جدول للأماكن الي بنروح له لكني شاطرة ما سويته فكنا نقعد كل ليلة بعد ما نرجع نخطط شو بنسوي بكرا بس بصراحة حلو بدون تخطيط ما تلتزم بوقت او شي بس الشي المو حلو انك يمكن او اكيد ما بتقدر تروح لكل الاماكن الي قرأت عنها. ... الأماكن الي زرناها في المدينة : Orchard Roadشارع الحي الصينيChina Town Wak Hai Cheng Bioمعبد الحي الهنديLittle India حديقة الحيوانات Singapore Zoo National Museum of Singapore Bugis street Singapore Flyer Marina Bay Sands في جزيرة سانتوسا: يونيفرسل استيديو الترفيهية Universal Studios المدينة المائية Adventure Cove Waterpark يتبع إن شاء الله مع الجزء الأول من الرحلة أتمنى ينال ع إعجابكم ღ...إمبراطورة البحر...ღ | ||||||||||||||||
|
11-08-15, 05:30 PM | #2 | ||||||||||||
|
تقرير رائع ومشوق لكن لم تظهر عندي الصور بانتظار الجزء القادم عزيزتي تحيتي لك | ||||||||||||
|
11-08-15, 05:33 PM | #3 | ||||||||||||||
ڪريزما خاصة ,
| , , , موضوع جميل ,. / متابع ! 9 ايام ولفيتو هاللفة ماشاءالله الظاهر الصور مع الجزء الثاني زياده تشويق .. ^_^ الحمد لله ع السلامة . | ||||||||||||||
|
11-09-15, 12:02 AM | #4 | ||||||||||||||
|
بدايه مبشره بالخير هههههههههههههههه اهم شي انبسطتوا بالاكل؟؟هههههههههههههه | ||||||||||||||
|
11-09-15, 01:38 PM | #5 | ||||||||||||||||
| | ||||||||||||||||
|
11-09-15, 01:40 PM | #6 | ||||||||||||||||
| | ||||||||||||||||
|
موضوع مُغلق |
مواقع النشر (المفضلة) |
أدوات الموضوع | |
انواع عرض الموضوع | |
| |
المواضيع المتشابهه للموضوع : رحلتي لمدينة الأسد ... سنغافورة | ||||
الموضوع | كاتب الموضوع | المنتدى | مشاركات | آخر مشاركة |
لوحات عن سنغافورة بالألوان المائية | شموخ عزي | قسم الصور والرسوم العامه | 7 | 03-15-15 07:11 PM |
قصر ماكاليستر في سنغافورة | صمتي جوابي | السياحه والسفر حول العالم •• | 10 | 06-25-14 10:46 AM |
رحلتي لمدينة الطايف | عزوز الخالدي | عدسات وفلاش كاميرات الأعضاء ( تصويرُنا ) | 15 | 09-07-11 04:21 AM |
| أصدقاء منتدى مسك الغلا | | |||||