‏"لا يمكن لأحد فهمك،
حين يكون الماء بيدك والجفاف في صدرك،
حين تكون النجاة في جسدك والغرق في قلبك،
حين يكون النور حولك والظلمة فيك."

*

صباحكم دعوة من قلب صادق أجابها الله

عندي امل كبير بالله ، بأن الدعوات اللتي تصعد إلى السماء ستتحقق ،،
ربما أصبحت علامة استفهام كبيرة ، تتحرك على الارض ..
من اصعب الكلام اللي يوجه لي و ما اقدر ارد عليهم او أفسر لهم
لما ينقال لي " نورة فيك شيء منتي زي اول "
و انا ما اقدر الا اني اتحجج ب اعذار واهيه تسكتهم للحظات و ترجع لهم الحيرة في امري ،،

و انا جالسه اسوي اللي اقدر عليه ،،
ما يحتاج اقول انا صرت اسوي كذا و كذا ،، لاني ما اعرف المّع نفسي
بس اكيد الله بيكون معي ما علي خوف
صح إيماني قوي بس فيه لحظه تجيك تحس ودك تفضفض لنفسك ، لأحد قريب منك.
الفضفضه للنفس افضل ،، تقولها كل شيء
بس الناس القريبه " لا" .. مهما كان قربهم لك .. مو زي نفسك ،،
زي مدونتي من الاشياء القريبه مني ،، لكن ما اقدر اقولها كل شي

اعتذر من اي شخص سببت له كئابه من كلامي ،، لكن اقولكم خذو و خلو ،،


للحين احبني بس شكل احبني زعلانه عليّ خخخ <- تنكتين :60:

*إنستقرام

ما نقدر نبرر لهم شيء ، او نقول لهم الأسباب
لانه بكل بساطه ننفهم غلط ،، ف بالتالي نبلعها و نسكت ،، <- أبلعيها و غصي خخخ
انا من كثر ما فكرت ضربت أسلاك مخي


نعتذر اكثر من مره ، و اذا الطرف الاخر ما سامح
ربي راح يعدل بيننا و يعطي كل ذي حق حقه


<- تنعس خخ

في كلام ف بالي بس و انا انعس بخربها خخخ
انام شوي و ان صحيت و تذكرت الكلام كتبته و ان ما ذكرته خيره


اشوفكم على خير

صحيت :22:



ترا انا بخير ،، و كلامي مو بالألغاز ،،
يمكن ما هو صريح معكم ،، لان فيه اشياء ودي اقولها مدري كيف اقولها
و تطلع بالشكل هذا ،،
فيه رسايل ارسلها " مع نفسي" يعني رسايل يتيمه مالها مُستقبِل
بس عشان ما تجلس بقلبي أطلعها هنا
لا تحسبوني مجنونه لكنّي على مشارف الجنون
ماني زعلانه من نفسي و لا زعلانه على نفسي ،، عندي برود
انا تاركه موضوعي بيد الله ،، و ادعي الله يكتب لي الخير ،،
ممكن تشوفون بعض كلماتي حزينه ،، لان الواحد بعض المرات وده يفضفض
ي أنكم تتحملون فضفتي و الا بكيفكم بتكلم <- مالك حل خخخ
اليوم سويت شي ريحني شوي ،، و شكلي بعتمده كل يوم ،،
ان شفت نتيجه علمتكم عليه



ما علمتكم ،،
اليوم بغيت اروح فيها قبت الأسلاك تحت مكتبي ،
و قفلت كل الأجهزه ، لان جهازي رئيسي اذا قفل قفل الجهازين اللي جنبي
انا للحظه صنمت مدري وش اقول ،،
جتني زي الصدمه ،، يعني لو ولعت النار ممكن احترق خخخ من التصنيمه
هي ثواني و فقت لنفسي ،، قلت لهم هالمكان ماراح اجلس فيه مره ثانيه <- لا طنقرت محد يتفاهم معها خخخ
المديره حزنت على شكلي ،، قالت خلاص بكره اغير مكانك
يعني لو مت ما كنتم بتشوفوني الحين ..

بس اللي يقهر اليوم ضيعت شيء مهم و مدري كيف افاتح المديره ف الموضوع بكره و هي شايفتني شاطره
يالله الحمدلله ،، الله يسهل امري

تتذكر ؛ عندما أقفلت الباب و ذهبت ،،
بعدها ايقنت انك لن تعود ،،
لن تعود حتى لمجرد الاطمئنان ..!

أوصدت الباب بشدة
ليس خوفاً من أن أجلس وحيدة ..!
أردت ان اعتاد على المكان بدونك
دون أي تأثير ..
دون تفكير ،،
اعتزلت العالم الخارجي ،،
أصبحت طباعي سيئة
اصبح اللسان جارح

لن و لم اسمح لأحد بالدخول ،،
لانه لو حاولو الدخول لن يستفيدو شيئاً ،،
لن يجدو سوى " وحش" يدافع عن نفسه بشراسة ،،


،،،



حسيتها حكايه
بسميها " خلف الباب "
لي مستقبل ف كتابة القصص <- شفتي نفسك خخخ
شكلي بطبعها ف كتاب خخخ <- اهجدي خخخ
لها جزء اول اطلعوا فوق تلقونه
المهم كني مبسوطه من نفسي خخ
و يلوموني فيني