11-30-15, 02:21 PM
| #1 | |||||||||||
  
| 
مشكلتي 
سلام عليكم ورحمة الله وبركاته من لما خرجت للحياه وبعد 12 سنه اصبت باعاقه مو قادره امشي اعاقه حركيه وتشخيص الاطباء بانو وراثي مو هنا المشكله انا الحمدلله قنوعه بما وهبه الله لي احب العزله اغلب الاوقات اخرج مع اهلي ومن شافني مدح جمالي واسلوبي لما اجلس لوحدي اكثر وقتي رسم او خياطه او طبخ لدرجة فتحت حساب بالانستقرام والحمدلله المشكله تقدم لي واحد انا رفضت بدون استخير شايله فكرت معاقه تتزوج انتو تعرفو لازم البنت لما تتزوج تهتم بواجبات زوجها هوا تقدملي من كثر اهله مامدحوني عنده امي بعد رافضه فكرة الزواج في كلمه قالها لي اخوي جلست بالغرفه بس ابكي قالي ابوي وامي وانا مو دايمين لك يمكن اللي بتاخذيه بيكون احسن من ابوي ومني وتجيبي بنات واولاد يخدموك انا مابغي اتزوج شايله فكرة الزواج ساعدوني  | |||||||||||
| |
|
11-30-15, 04:20 PM
| #2 | ||||||||||||||
   
|
وعليكم السلام ورحمة الله وبركاته أختي صحيح الأهل ما يدوموا لك أنتي فتاة من حقك الزواج وبما أنك قد المسؤولية وتطبخي وتخيطي وتطرزي فهذا أفضل من حال الكثير من الفتيات القادرات على المشي واللي صحتهم أفضل منك ! لكن الأعاقة لا تعني عدم القدرة على أداء الحركة بشكل صحيح ! بل هي أعاقة الفكر التي باتت شائعة في وقتنا الحالي .. وبما أنك كما يقولون النآس ويمدحون بك فهذا شيء جذب الرجل لك ويما أنه لا يعيبه شيء وذو خلق ودين فلما الرفض ! ونادرون هم من يشبهوه ! أستخيري وفكري ملياً وبعد ذلك قرري بما تشعرين به ! لا تستعجلي في القرار ! والله يوفقك ويسعدك يارب | ||||||||||||||
| |
|
11-30-15, 04:27 PM
| #3 | |||||||||||
  
|
استخيري اولا واذا شفتي حالك مرتاحه وافقي ولا تفكري ابدا انك معاقه هو لما تقدم لك اكيد عارف بمشكلتك بس يبغاك انتي بالذات ومن كلامك باين انك موهوبه فعلا خياطه وطبخ ورسم ..الخ وياما ناس عندهم اعاقات وتزوجو وخلفوا عيال ومبسوطين وحاولي بعد تبحثي عن علاج بما ان الاعاقه صابتك بعد 12 سنه الله يوفقك يارب ويسر لك امورك ويسعدك | |||||||||||
| |
|
11-30-15, 07:01 PM
| #4 | ||||||||||||||||
  
|
وعليكم السلام ورحمة الله وبركاته بما انك كنتي تمشي اول فيعني باذن الله معرالايام بتمشي قدامك العافيه يارب وبالفعل القناعه كنز ي الغلا الله يكملك بعقلك يارب ويكتب لك مافيه الخير لين يرضيك العزله الدائمه مو حلوه صحيح اوقات نحب ننعزل لجل نختلي بانفسنا فقط بس لاتاخذيها عاده وتعتادي عليها عيشي حياتك مثل ماتحبي وسبحان الله ربي اذا احب عبد حبب عباده فيه لجل كذا من شافك يحبك ويحب اسلوبك والله يسخر لك السعاده يارب اما من ناحية رفضتي بسبب اعاقه اللحين هو موب عارف انك معاقه صدقيني الاعاقه مو اعاقة الحركه الاعاقه اعاقة العقل والتفكير وانتي باذن الله كامله بعقلك وشكل من تقدم لك كامله بعقله لانه مافكر باعاقتك زي ماتحسيين واقدم ع خطبتك كثير معاقيين اعرسو وكونو حياه جميله وكامله ومتكامله ماكانت الاعاقه عائق لهم ابداً هذا نصيبهم من ربي وليس كل ابتلاء بلاء ولكن هناك ابتلاء خيره لنا من الله قدر علينا ومن رضي بالقدر خيره وشره ظفر وبالفعل الدنيا هذه ما احد يدوم فيها اخوكي ماقال كذا يبي يجرحك بلعكس يبي ينبهك وصدق في كلامه اعرف قصة حقيقه لثنين مايتكلمون اعرسو جابو عيال يتكلمون يعني الاعاقه مو مستمره باذن الله واكيد اهلك يحبونك ومايستغنو عنك بس هذا حال الدنيا تفرق بقدر ماتجمع يعني بما ان الشخص اللي تقدم لك عارف باعاقتك وراضي ليه الاعتراض فوضي امرك لربي واستخيري والخيره فيما يكتبه الله ممكن تعيشي معه بسعاده ماتنتهي لاتحطي الاعاقه السبب في رفض الزواج بما انك متأقلمه مع حالتك واضيه وتقدري تطبخي وتقومي بمهماتك يعني مابك قصور ابد فكري بالموضوع صلي وفوضي امرك لربي والله يكتب لك مافيه الخير ويدلك ع طريق الخير الاعاقه عمرها ماكانت عائق لمقومات الحياه بما ان الانسان اقوى ع تحدي اي عائق وقلتها لك الاعاقه مو اعاقة الجسد اعاقة العقل الجسد لاشيء بدون العقل شفتي المجنون فاده جسده المتحرك ابد مافاده الا زود عذابه يهيم في الارض مايددري يمشي طول ولا عرض الله يسعدك يارب سعاده لاتنتهي ويكتب لك مافيه الخير ويسخر لك كل من في الارض تقبلي ردي وعبق وردي مع خالص احترامي لسموك اختك آسيرة حرف | ||||||||||||||||
 |
|
11-30-15, 11:36 PM
| #5 | ||||||||||||
|
وعليكم السلام اهلين اختي ،،، انا ما أشوف اي مشكلة عندك !! الحمد لله تقدرين تسوين أمورك بنفسك وبدون ماتعتمدين على أحد وعندك مواهب تشغلين نفسك فيها ،، وسالفة الزواج أستخيري وادعي ربك وفكري بمستقبلك وكثير عندهم اعاقات ومتزوجيين وعندهم اولاد وعايشين مبسوطيين اعرف وحده عمياء ( تعرفين كيف عمياء ) ماتشوف نهائي متزوجه واثقه من نفسها وعندها اولاد وبنات شايلينها شيل لا تخلين الوساوس والافكار تسيطر عليك كوني متفائلة و إيجابية الحياة مستحييل تكمل لأحد وأن شاء الله تلاقي الشخص الطيب واللي تكملين معه حياتك والله يوفقك ويسعدك .. | ||||||||||||
| |
|
11-30-15, 11:42 PM
| #6 | |||||||||||||
| إداري سابق ونجم من نجوم الموقع 
|
الإعاقه ليست جسد معاق ولكن الإعاقة عجز الإنسان على مواصلة الحياة فهناك من هم فاشلون بمستقبلهم وحياتهم وهم ليسوا معاقين وأنتي ما شاء الله عليك متعلمه ولديك القدره في التفكير وفوق هذا ربي متعك بالجمال ولديك صنعه تعمليها لهذا يا آنسه فكري في مواصلة حياتك بكل ماهو إيجابي حتى تبنين لنفسك مستقبل زاهر وكوني مع الله حتى يكون الله معك وتأكدي لن يسلبك شيئاً الا عوضك خير منه | |||||||||||||
| |
