‏الانسان مثل قلم الرصاص تُبريه الأيام لـ يكتِب بخط أجمل وأفضل..!

قصيدة عن الغالية اعجبتنى ..
-------------------------------



ياوجد عيني شوفة أمي على حيل \
وأضمها لين الضلـــوع تحمــاها ....

ياللي لك أم تشوفها صبح وليـــل \
أطلب من اللـه دوم تلحق جِزاها ....

البــر ماهو حكي ربع وفناجيـــل \
البـر إليــا رَضّيَت يسـدّك دعـاها ....

لبيه سمي وأبشري وأسبق الخيل \
في حاجة أمك يــوم تسمع نداها ....

تكفى تماكن مابقى وأحذر تميل \
قبـل تغيب الشمس ويجـف ماها ....

إلحق على باقي العمرجنب الويل \
أحـذرك عينــك لا تسبب عمــاها ....

لاتصير في بذل العطا لأمك بخيل \
إجزل لـها المدآت عن من سواها ....

وأحذر تعق أمك بقطـع المواصيل \
لا أبطيت عنـها كدّر الشرب ماها ....

أجلس وعطها العلم دقة وتفصيل \
سولف لها وأسمع حلاوي حكاها ....

معها أشرب الدله بحلو الفناجيل \
واللــه ماينفعــك شخص سواها ....

يحلا لذيذ التمر مع صافي الهيل \
لا من قدعتـــه وعينـك تـــراها ....

تسمع دعاها والرضى و التهاليل \
ياسعد عينك يــوم تكسب رضاها ....

كنك تشوف الوسم لاعقّب السيل \
لامن ضحك سن الغلا في شفاها ....

يبــرّك عيــالك ليــا جو رجاجيل ..
والبنت تلحــق برها مع منـــاها !!

--------




تم اقتباسها من مدونة الوالد الموقر
الاب الحنون
الاخ الفاضل
الموعود

_



وإني أخاف يا الله أن يشكو لك عبدًا منّي اللهم إجعلني عابرهـ لا اؤذي احداً

يالله لا تجعل بقلبي لاحد غل
وتسامـــح اللي شال بالقلب غـــله
واللي بعد مغتــابني..{ مني بحل
لوما طلب منا السموحـه بحــــله

‏في مرحلة ما من عمرك ستعرف إن الإحترام أهم من الحب
والتفاهم أهم من التناسب ، والثقه أهم من الغيره
والصبر أعظم طريق للوصول إلى أي شيء