-

‏" اللهم اجبر خاطري جبرا أنت وليه
فإنه لايعجزك شيئا في الأرض ولا في السماء
ربِي اشرح صدري وأرح قلبي
وأزح من قلبي كل خوف يسكنني
وكل ضعف يكسرني وكل أمر يبكيني
ولا تفجعني في مستقبلي في راحتي
و نفسي وفي املي وحلمي وفي أهلي
ولا تعسر أمري وافتح لي أبوابي المغلقة. "

-

في كل مره احس امور كثيره مضايقتني او مزاجي متعكر من شي حتى لو كان بسيط
افرش سيادتي واصلي واقول كل الكلام لله صح دعائي مايكون مرتب وقتها لكني متاكده
وعندي يقين تام ان الله يسمعني ويعرف ان في هاللحظه كلامي طالع من اعماق اعماق قلبي
في كل مره افرش سيادتي في اخر يومي عشان اخبر ربي بكل اللي صار معي سوا حلو ولا مو حلو
احس ان صدق انا اللي محتاجه الله انا اللي محتاجه اصلي وادعي فيها وفي كل مره احس ان ربي
يستقبلني ويسمعني مهما كنت مقصره يسمعني ويرحمني ويعطف علي لان في كل مره احس فيها
اني ابي اتكلم يجي في بالي صلاة الوتر شكرا يالله لانك رحيم شكرا على لطفك الدايم علينا رغم تقصيرنا

صلوا الوتر كل يوم والله بتحسون بشعور جميييل حتى لو كنتوا وقتها زعلانين من الدنيا وما فيها
جربوا تعودون نفسكم على صلاة الوتر صدقوني لو مر يوم ماصليتوها بتحسسون بشوووق وشي ناقص بيومكم

احس اني تكلمت وايد المهم الله يسعدكم

-

كلامك هذا درس لنا ولقلوبنا كي نفهم ان العلاقة مع الله جميله
ولا حاجز بيننا وبين هذه العلاقه / كلامك جدا مؤثر ربي يحفظك


فعلا الله وحده من يحتوينا في كل افراحنا و احزاننا بكل حالاتنا يستقبلنا
رايق الرايق عساك دايم رايق قول امين

-

كيف تعرف ان الصيف بدا عندنا

-

صباح الخير
امس طلعت من الدوام واحس بتعب وايد نفس اعراض كورونا
واقول بنفسي خلاص ياني مستحيل اييني مره ثانيه
حتى اني من التعب اعتذرت من الدوام
اني اليوم ماني مداومه وسويت فحص
فعلا طلع كورونا مادري اصيح من التعب
ولا اني بكون محبوسه بروحي اسبوع ويمكن اكثر ):
الله المستعان

-

كيف اتصالح مع الايام ؟
انا بعدني ماكملت اول يوم محجوره
واحس اني بموت من هالحكره :'( !!