|
- لكن هذا الزمان وذي ظروفه وبعض الاشياء تجي غصبٍ علينا يا كم غالي سمحنا من وصاله رضينا بغيبته لو مارضينا وكم غالي بدون اسباب قفّى وحنا ما خبرنا قصور فينا سلينا عنه ماكنه جرحنا بحفظ الله دامه مايبينا )؛ |
- اكثر شي يخلي بالقلب حسره انك شخص ماتعرف تعبر عن اي شي تبي تشرحه ممكن بسبب هالشي تستوي مظلوم طول حياتك اكره شي بالحياه ان يتم بقلبي كلام ماعرف اشرحه ماعرف اطلعه ويظن البعض انهم كانوا على صح واني انا كنت على خطا عشان جي احسس حسرة القلب تعوور وايد .. |
- سمعت اشواقي تحكيلي عن ذكرياتي لكني جاوبتها بصوت مسموع اني ما اعرف هالذكريات لاني زعلانه على اشواقي ماودي تضرني ولا اضرها .. |
- اكثر شي يمسح على قلبي اني كنت صادقه بكل حاجه واكثر شي يجرح قلبي اني كنت صادقه بكل حاجه .. |
- دورت لك عذر يسامحك بس مالقيت اي عذر يقبلك .. |
- مهما حاولت تنشغل طول يومك بس عشان ماتفكر بشي معين بس عشان تهرب من افكارك بتلقى نفسك بنص هالشغل تفكر بالشي حتى لو مضغوط من الشغل راح يجي الموضوع في بالك وقتها كثير انا شخصيا تستوي لي هالحركه ولما افكر بشي احيانا اكون مضغوطه وهالشي يزيد الضغط علي وابطل اشتغل مثل الناس واحيانا العكس اكون مقهوره من شغله ويطري على بالي الشي احس كأنه هالشي يواسي قلبي ويطبطب عليه .. باختصار الاشياء اللي نفكر نهرب منها ماراح نقدر نهرب منها عشان جي لازم نتقبلها ان زعلتنا بكينا وان فرحتنا تراها تواسينا .. |
- اذكر ان في حد حكى لي " ان الذكرى حلوه واني لازم اتقبلها ما اهرب منها وانها تفرحنا يوم وتبكينا يوم " وانا وقتها حكيت ان الذكرى مو حلوه لانها دايم تزعلني فصعب تكون حلوه بس اليوم احس اني تصالحت مع مقولة الذكرى حلوه لكني ماتصالحت مع انها تفرحني لان الذكرى الحلوه تبكي ومستحيل تفرح الشخص لانها حلوه وايد وايد ... |
صباح النشاط:MonTaseR_148: من 5 الفجر قمت واحس فيني طاقه انجز كل شغلي اليوم وبكل حُب باذن الله < ودي اصدق بس بنحاول يعني يكون هذا الانجاز بكل حُب صباحكم سعاده وتوفيق:MonTaseR_209::نبض: |
- لو كانت في كلمه تستحق اني اكتبها هالمساء كان كتبت اشتقت موت بس للاسف مافي شي يستاهل اني اموت اشواقي عشانه ... |
- كان شعوري حلو لدرجة اني احس الكلمات تلمس قلبي قبل لا اقراها ... |
- عوضوك بغيابي لا تقول اني وحشتك .. |
- لما الشمس تروح تيجي بدالها نجوم :MonTaseR_126: يبقى الوقت دا ايه ؟ يبقى دا وقت النوم نامي ي عصفوره ونام ي عصفور يلا بينا يلا يلا نطفي النور :MonTaseR_74: |
- مايصير ارقد بدري واقوم هالوقت عز الله اخترب الجدول من يديد :دانه: |
- لاتصيرون اصدقاء الليل ترا الليل مو حلو .. |
- اوسع خاطري بـ ذكرى قديمة امررها على قلبي ويصحى جرحي الغافي. |
- تصدقون اكثر حل شفته مناسب للهروب من اي شي مزعج قاعده افكر فيه هو النوم مهما كان الشي بسيط ولا كبير بنسبه لي والله صرت اذا بغيت اهرب من شي نمت |
اقتباس:
ممكن يقول البعض هذا حل مؤقت فعلا هو مؤقت بس لحد ينكر ان هو احد الحلول الزينه بعد . |
- اكثر شي يجي في بالي ان كيف شخص يقدر يمحي غلا وحب الشخص من قلبه لان احس هالشي مستحيل يستوي الا اذا كان الشخص من البدايه ما يكن لك اي مشاعر والمسكين ما استوعب الا بالنهايه لان حب وغلا القلب مستحيل ينمحي |
- صباح يوم يديد :MonTaseR_148: كلها كم ساعه ويبدا الويكند مخططه اروح اشوف موفي مع ربيعاتي اليوم باذن الله:MonTaseR_34: |
- اللهم ارحم والدنا الشيخ خليفه بن زايد وسكنه فسيح جناتك احس اني للحين ماني مستوعبه الخبر قلبي عورني): لاحول ولا قوة الا بالله .. |
- اللهم اغفر له وارحمه وعافيه واعفو عنه .. |
- اللهم إنا نشهدك أنه كان خير الحاكم ونعم الولي وكان الوالد الحنون الرحوم بشعبه اللهم اغفر له وتجاوز عنه واعف عنه اللهم إنا نشهدك أنه أرضانا ورضينا عنه فاجعله في عيشة راضية يا رب العالمين. |
|
- اللهم اتبع عسرنا بيسر و أبدل كسرنا بجبر و أوسع بأرزاقنا و اجعل لنا في كل أمر خير |
- اللَّهُمَّ اغْفِرْ لي ولِلْمُسْلِمِينَ وَالْمُسْلِمَاتِ ، وَالْمُؤْمِنِينَ وَالْمُؤْمِنَاتِ ، الْأَحْيَاءِ مِنْهُمْ وَالْأَمْوَاتِ |
- مرحُوم ياللّي لك في الحَنايا دار وديار خذاك المُوت وعقبك الدار مهجُوره . |
- يارب إن عائلتي هي من أجمل هداياك ومن أغلى مارزقتني فاحفظهم لي وأسعدهم .. |
- أتعلمون ما معنى قول الله تعالى: ﴿إِنَّا أَخْلَصْنَاهُمْ بِخَالِصَةٍ ذِكْرَى الدَّارِ﴾ يجيب مجاهد رحمه الله فيقول: "أي جعلناهم يعملون للآخرة، ليس لهم همّ غيرها". اللهم لا تجعل الدنيا أكبر همنا ولا مبلغ علمنا. |
- قال النبي ﷺ : "إذا بقي ثلث الليل ينزل الله عز وجل إلى السماء الدنيا، فيقول: من ذا الذي يدعوني فأستجيب له؟ من ذا الذي يستغفرني فأغفر له؟ من ذا الذي يسترزقني فأرزقه؟ من ذا الذي يستكشف الضر فأكشفه عنه - لاتنسون تصلون الوتر ادعوا لأنفسكم ووالديكم وجميع المسلمين :Dl3: |
|
- صباح يوم جديد :نبض: اللهم صبَاحاً مُبشراً بكُل شيءٍ جميل اللهم بك أصبحنا وعليك توكلنا وأنت خير الحافظين . . |
- رقدت امس متاخر لكني استغربت اني لقيت نفسي قايمه هالوقت .. |
- مدونتي حبيبتي ماعرف وش اكتب ووش احكي كل الحروف ماتساعدني بشي شكرا لانج احسن مكان بدنيا اذا جييته تستقبليني بدون تذمر ولا شروط ولا حتى مواعيد انتي المكان اللي يلم مشاعري واحزاني قبل افراحي .. احبج مدونتي اللطيفه (: |
- احيانا اقول ليش الاحزان اذا جت تجينا مره وحده ورا بعض وايلس اتذمر بيني وبين نفسي ما احب اسمع اخبار تحزني لان اللي فيني من الحزن بديت اتصالح معه واذا جاني خبر محزن احسه يصحي جروحي واحزاني . بعدين افكر فيها ان ربي كتب لنا الحزن لانها دنيا كلنا في نهايه بنروح منها هذا اختبار وربي اختبرني لان يحبني واكيد واكيد ان الجاي افضل مثل ماكتمت قلوبنا الاحزان اكيد ان الفرح بيلمنا اكثر شي احبه في نفسي اني صرت انسانه طويلة بال للاسف ماكانت هالصفة فيني لكن الحمدالله اني قدرت اكتسب صفة جميلة مثل طولة البال واللي اكتشفته من هالصفة اني صرت احيانا اطول بالي من وايد امور ابيها لين اقنع منها لان الحياه ماتجي على هوانا فالقناعة كنز لا يمتلكه الجميع |
- الحياة دايم تطلب منا نكون على ماتعطينا من مواقف موقف صعب ومحزن تحطه في ويوهنا وكأنها تقول لازم تتقبلونه مهما كانت نفسيتك وقتها ومزاجك تتقبله غصب عنك لكن بعد لا ننسى انها احيانا ترسل لنا فرحة تنسيك كل صعب فجاه تلقى نفسك مذهول من الفرحة الفجائية اللي استوت لك تيلس تشكر الله ان عطاك هالحياة اللي انت قاعد تتذمر منها عشان جي صرت احس الحياة مثلنا نحنا البشر مره تحزنا ومره تفرحنا " احب الحياه لانها اذا لسعتنا في يوم من الايام ماتنسى تداوينا " |
https://www.resizenow.com/ar/Job/Dow...20_633x800.jpg بِلادي ستُصبح من أرقى، الدول حضارةً وازدهارًا، وستكونُ عونًا، لجميع الدول العربية والإسلامية. - خليفة بن زايد آل نهيان. 1970 - اللهم اغفر للشيخ خليفة بن زايد آل نهيان وأرحمه عافه وأعف عنه وأكرم نزله ووسع مدخله واغسلة بالماء الثلج والبرد ونقيه من الذنوب والخطايا كما ينقي ثوب الابيض من الدنس، اللهم جازه بالحسنات إحسانًا وبالسيئات عفوًا وغفرانًا:31: - رحمة الله عليك يا احن قائد :نبض: |
|
- باجر داوم وانا رقادي معتفس للاسف للحين ما رقدت ولازم اقعد بدري اليوم عشان يترتب جدولي من يديد :دانه: |
- احزن ان الذكرى اللي تلامس قلوبنا صارت اقرب من اشخاصها واحزن ان الشخص القريب صرت احسه مو قريب واحزن ان الحاجز اللي بينا مهما حصل مستحيل يحسسنا بقربهم لان الحاجز اللي بين القلوب صعب جدا يعيد الايام مثل قبل وانا حاجز قلبي صعب يسامح ): |
|
| الساعة الآن 03:29 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا