|
- اليوم يفوز بأسوء يوم بحياتي:دموع الورد: انا تعبانه وكنت ناويه ما ادوام وقلت في نفسي يلا ماعليه مابقى شي وتبدا اجازت العيد المهم قمت من النوم ورحت الدوام وانا مافيني حيييل :13: وانا في الدرب فجاه الدريول وقف السياره ع جنب وقال ماتشتغل كيييف! وليشش مادري اتصلت ع اخوي يمرني وطبعا السياره طفت نهائيا طبعا شو صار المكيف سكر وصيف بوظبي ورطوبتها واو مافي احلى منها + رمضان + تاخرت ع الدوام يعني جي ولا جي ماستفدت لو انا نايمه في البيت كان ابرك وارحم بما اني تعبانه المهم على بالكم اليوم السيء خلص؟ لالا وصلني اخوي الدوام وافتح الايميل انصدمت ان دوامنا ماراح يكون فيه اجازه للعيد غير 3 ايام العيد فقط رغم ان الدولة كلها اجازه اسبوع كامل " للابد القطاع الخاص عدو السعادة " وبس والله انا حاليا اشعر اني ما اشعر بشي بس اللي اعرفه ان لازم يمر هاليوم بسرعه وافتك منه لان تعكر مزاجي فيه وكان يوم متعب جدا جدا جدا " يوميات فتاة منحوسه " :دانه: |
- اليوم ليلة 27 :نبض::نبض::نبض: لاتنسون صلاة القيام وادعوا كل اللي بقلبكم رتبوا ادعيتكم وحتى لو كان بسيط الدعاء تأكدوا ان الله يسمعكم - الله يفرج همومنا ويسعد قلوبنا ويسهل امورنا ويزين دنيتنا واخرتنا - ويفرحنا ودايم ويبعد الحزن من قلوبنا - ويحقق كل امانيتنا ويشفي جميع مرضانا ومرضى المسلمين ويرحم جميع موتانا وموتى المسلمين ويقبل دعائنا يا رب يا رب يا رب وأكثروا من قول "اللهم انك عفوًا تحب العفو فأعفو عنا" |
- ياحيي ياقيوم برحمتك استغيث اصلح لي شاني كله ولاتكلني لنفسي طرفة عين فلاحول ولاقوة لي الا بك :نبض: |
- باقي ساعتين تفصلنا عن الذهاب للمكان اللي ما احبه :x38: نايتي:MonTaseR_70: |
اقتباس:
صباح الخير خلصت الساعتين وانا ماشبعت نوم ودي اسحب يوم الجمعه مع الخميس ابي اجازه خلاص :دانه: |
- اخيرا طلت علينا شمس الجمعه يلا هانت باقي كم ساعه وتبدا الاجازه تدرون اكثر شعور احتاجه اني انام وبسس اما بخصوص العيد احس اني للحين ماني جاهزه للعيد ولا فعاليته الا اذا عطوني عيديه قبل العيد بيوم ممكن اكون جاهزه وحماسي عالي :x38: .. |
- اهلي كانوا بعد العيد بيسافرون لكني صدمتهم بخبر دوامي ان الاجازه فقط 3 ايام العيد وشكلها الرحله بتتأجل امي وايد متعاطفه وياي بخصوص اجازتي وصار في ضغط من حكومة بيتنا ان السفره تتأجل لـ عيد الاضحى لاني بكون وقتها ماخذه اجازه يقولون اني قايله لها :x30: بس الصدق الصدق مايخصني هذا اقتراحها هي بنفسها .. فديتها امي :رجل خجول: - المهم والاهم اتمنى العيد يصادف يوم الاثنين عشان اداوم بس يومين خميس وجمعه لو صادف اول يوم عيد الاحد معناته بداوم من يوم الاربعاء :دانه: |
- انا مستعده اصوم مع عمان اهم شي ما ادوام من الاربعاء :x30: |
- يلا انا اختفيت يعني اوني بقدر انام ساعه قبل الدوام :x30: |
- اللهّم في آخر جمعة من رمضان اجعلنا ممن عفوت عنهم ورضيت عنهم و غفرت لهم و حرمت عليهم النار وكتبت لهم الجنة:نبض:. |
|
- الناس كلها تقول احتمال كبير يكون العيد الاحد وانا ماعاد فيني صبر اكثر ودي يغلطون الخبر المنتشر لان لو صدق طلع الاحد بداوم 3 ايام :'( |
|
- كنت الطف من النسمه على فؤادك لكن مدري ليه هواك اوجعني .. |
- ما استحق اي حاجه توجعني هذا اكثر شي احس فيه الان رغم ان مشاعري هالصباح كثير مزعلتنيي ممكن عشانه قرب العيد وانا صرت ما احب جو العيد وودي اني ارجع احب اعيادي من يديد عشان جي على مايقولون "عود نفسك على ما تتعود " وهذا اللي قاعد يصير اعود نفسي احب عيدي من يديد عشان اجيكم المره اليايه وعيدي يبدا من قلبي وداخلي قبل حكيي.. :x38: |
- يومي كان طويييل ولا نمت مثل الناس اتوقع انا اول وحده في العالم بتنام بدري الليله وبتقوم قبل العيد لا يمرنا :x38: |
- يا وحشة الدنيا لا صرت مشتاق كن البشر ماهي على الكون حية .. |
- خلص عيدنا بمعنى اخر عيدنا ع كل العايله الكريمه وادينا الواجب - عيدكم مبارك اصدقائي :نبض: |
- اتوقع ثالث عيد بنسبه لي بكون تجهيز لدوام لان الخميس عندي دوام :دانه: اما اهلي بكونون في دبي لين الويكند واخوي بيقعد وياي والجمعه نروح لهم ان شاء الله اصلا عادي بسيطه بسيطه :MonTaseR_38: |
- احب كل كلمة في اغنيه مليون مره احسها تلامس القلب كثير :نبض: للابد راشد الماجد احساسه حلو :نبض: |
- كيف اعلم الفرقى انك رحلت من زمان ؟ وكيف اعلم قلبي يمحيك من الاعماق ؟ |
- ضايق صدري الليله كثير ولا لي غير الحروف تواسيني .. |
- البيت هادي كثير الليله كلهم راحوا يحللون الاجازه مابقى الا انا واخوي المسكين اللي قاعد عشان دوامي وصلت غرفتي بدري عشان اتهاوش كم ساعه مع النوم واقدر افوز بكم ساعه راحه قبل تطل الشمس :دانه: |
- صباح الخير الشوارع فاضيه مافي الا كم سياره بس لدرجه بديت اشك انهم كلهم موظفين بنفس دوامي :x30: |
- أهلا رايق وانت بخير وبصحه وسلامه وينعاد عليك وعلى كل اهلك واحبابك بألف خير :رحيق: |
- واحلى فقره في الحياه فقرة التجهيز خلصت وجهزت وكل اموري تمام التمام انتظر بس يخلص دوام باجر وعلى طول اروح دبي مع اهلي يارب يمرنا باجر بسرعه نايتي:MonTaseR_70: |
- صباح الخير واخيرا طلت علينا شمس الجمعه باقي كم ساعه ويختفي شعور الهدوء من داخلي ماحبيت البيت بدون اهلي حتى امس كنت اكلم امي فون قلت لها خربتي خطة سفرتهم جان منعتيهم من دبي بعد ههههه فديت قلبها:رجل خجول: والله احس الشوق مليوووون البيت بدونها مب شي المهم من شوي تسجلي صوتها تقولي اذا في مجال تطلعين بدري اطلعي امي تبيني اخلص دوام اكثر مني انا رغم ان الدوام في يوم الجمعه قصير لين 12ونص :x30: " طبعا في النهايه ما ننسى الجندي المجهول " احب اشكر اخوي اللي ضحى بأجازة العيد عشان يقعد وياي:MonTaseR_38::نبض: هابي فرايدي :MonTaseR_207: |
- الحمدالله كانت رحله حلوه :نبض: وخلصت الاجازه وبكره بنرجع للجد:MonTaseR_134: |
اقتباس:
مستحيه اقولكم اني مارجعت للجد ونمت اليوم وماراحت للدوام :دانه: |
- مساء الخير الاجازات الجماعيه دايم تكون حلوه من قلب الحدث نلعب انا وعيال اختي اونو اللي يبا يلعب ويانا يتفضل بس من الحين اقولكم الفوز لهم دايم هذا قانون اللعبه + قانون قلبي :x38::x30: :نبض: https://h.top4top.io/p_232058lna1.jpeg |
- نحكي دايم لاشواقنا كل الاشياء اللي مانقدر نحكيها للي اشتقنا له .. |
- سبحان الله يجي في بالي مواقف واحداث وذكريات كثيره حلوه و مو حلوه تحزني لانها حزينه وتحزني لانها كانت تفرحني لكني ماتوقعت انها بتكون في يوم من الايام مجرد ذكريات وان كل شي فيها صار من الماضي وان الاشخاص ماتوا من حياتي رغم انهم لازالوا على ارض الله عايشين وانا بعد صرت ميته بحياتهم رغم اني لازلت اتنفس بالمختصر نحنا اموات بحياة بعضنا ومستحيل اي ارض تجمعنا وايد حزنننني هالشي .. |
- احس اني رسمت بخيالي كثير اشياء وانعكست ضدي مع الوقت واحس اني الوم نفسي لانني مظلومه ولا عرفت اشرح اللي بقلبي يمكن وقتها كنت احتاج ان ينفهم اللي بقلبي بدون ما احكي يمكن وقتها كنت احس ان مفروض الي قدامي يشرح اللي مفروض اقوله وانا وقتها اكون مستمعه واقول فعلا هذا الشي اللي اقصده وقتها ظنيت ان اللي بقلبي شي واضح وشفاف لهم مو ضروري اني اشرحه لكن ضروري بأن ينفهم ! .. |
- في النهايه الحياه مستمره ولا يهمها حزنك عشان جي ارجع حاول تحب الحياه عشان ترجع تحبك .. |
صباح الخير :نبض: حاليا قاعده في مكتبي الحلو رغم ان نفسيتي مو حلوه لان فيني رقاد بس مداومه غصب :outhg!: بس الحلو بالموضوع ان بعد الدوام بروح انا واختي بنسوي شوبنق ممكن هذا اكثر شي محمسني اني اكمل يومي :MonTaseR_207: |
- اكثر شي يجي في بالي ان كيف الشخص يقدر يستبدل شخص ثاني ويتعايش معه ويمحي تفاصيل شخص سابق وتستمر حياته ويكون سعيد ومرتاح وينسى كل حاجه يعني معقوله في اشخاص يقدرون يعيشون نفس التفاصيل مع اشخاص جدد ويمحون كل الذكريات .. انا تعز علي ذكرياتي مهما اصحابها تردوا .. |
- كل ذكرى تمرني تسرقني من يومي عشان جي اجهل الشي كيف في ناس تمرهم الذكرى مثل شي عابر لا تجرح عيونهم ولا تلمس قلوبهم ... |
- انا بعض الذكريات تزورني بالتوقيت الغير مسموح فيه ولكني ارحب في كل ذكرى في كل مره كنت مشتاقه موت وانا دايم مشتاقه موت .. |
- الله يمسيك بالخيروالعافية وايوا نريدك هكذا يادرة الامارت متواجده ونشيطه كماعهدناك اول مااشتركت حفظك الله ووفقك.. - صبحك الله بالنور والسرور اخوي الفيفي اكيد اكيد ولا يهمك بس تعرف مشاغل الدنيا تخلينا نفقد نشاطنا احيانا هنا ربي يسعدك ويحفظك :رحيق: |
- انا استاهل اخذ جائزة النوم لاني نمت من بعد صلاة العشاء للفجر احس فيني طاقه شخصين مو شخص واحد تبارك الرحمن عن احسد نفسي :x30: :نبض: |
| الساعة الآن 06:48 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا