السلام عليكم ..يا اخواني واخواتي اكتب لكم وانا مغبونه ومقهوره احناء عائله انظلمنا ظلم اسأل الله ان يرفع عنا ويبتلي من ابتلانا اعتبروني اخت لكم وادعولي من قلبكم با الشفاء والفرج والنصر احناء عائله مكونه من سبع اشخاص انا الكبيره من يوم انا طفله وانا جميله وممتميزه تعبت في طفولتي تعب لا اله الا الله اول ما دخلت المدرسه كان الكل يناظر فيني وما يفك عيونه مني بعدها صابني خوف من المدرسه وكرهتها وكنت ابكي ما ابي اروح شافني والدي مرره تعبانه كنت تعبانه نفسيا وعندي وساوس مزعجه بدت معي اول ما دخلت المدرسه قال خلاص السنه هاذي ماراح تدرسين السنه الجايه تبدين تدرسين كنت باول ابتدائي الله يرحمك يا احن قلب 😭اول ما قالي هذا الكلام طرت من الفرحه معاد عندي وسواس ولا خوف هدت نفسيتي بعدها بسنه دخلت اولى ابتدائي وكنت مرتاحه ما اخاف ومتفوقه في دراستي يوم دخلت ثاني ابتدائي الله يجيركم انتكست حالتي وصرت ابكي ما ابي المدرسه ورجعت لي الوساوس ولما افتح الكتاب عشان اقرى لمايجي دوري تجيني بكوه قويه واشاهق وانعمي وصرت لما اطلع من المدرسه وارجع للبيت وانا امشي العمال يناظرون فيني بنظرات غريبه وتخوف رغم ان معي مجموعة بنات كنت استغرب انا بذات ليش يناظرون فيني ومره من المرات وانا في الفصل تخيلت العامل الي ناظر فيني امس انه بيركبني في السياره وبيخطفني وابكي واشاهق قامت المعلمه ضمتني وسمت علي وكانت ثاني ابتدائي صعبه علي وما صرت شاطره زي اولى ابتدائي مدري وش جاني سنه ثالث ورابع كانت عاديه وما شيه حياتي ويوم دخلت خامس ابتدائي انتكست حالتي بشكل غريب خوف وسواس وتركت خامس ابتدائي وجلست سنه في البيت بعد سنه رجعت ادرس صف خامس ولا شي فيني كنت طبيعيه وسادسه طبيعيه ما اخاف ولا اوسوس اسفه طولت بس حابه احطكم في السوره بنات طفولتي كلها حزن بكاء وسواس ماتهنيت بطفولتي كملت المتوسط والثنوي وبعد تخرجي من الثانويه العامه كان معدلي زين واقدر ادخل الجامعه بس فيه شي يصدني ويمنعني واحس بضيقه فضيعه الين كرهت التسجيل في الجامعه المهم بعد تخرجي من الثنوي وانا في البيت ابوي وامي واخواني موجودين معي بيتنا ملك حياتنا الما ديه فوق المتوسط وما علينا ديون لا كن انا مو مرتاااحه نفسيا صرت ما احب شكلي اكرهه ولا اشوف شكلي في المرايه جننت اهلي وابوي الله يرحمه شكلي ما فيه شي وجهي جميل بس انا ما اشوف كذا يقولون لي اهلي تعوذي من ابليس وجلست في دوامه ومعانها نفسيه وانا مدلعه عند اهلي بس فيه شي متعبني مو مخليني احب شكلي واشوف النعم الي الله اعطاني اياها اه يا اخواني كانت كل ما تجينا عزيمه احياننا البس واتكشخ وينبهرون اهلي فيني ويسمون علي وانا خلاص مستعده اروح الا يجيني شي يمنعني وارجع ابكي واصيح ما ابي اروح روحو انتو ويستغربون اهلي مني ويخلوني وكل ما جتنا عزيمه او زواج تجيني حاله مو طبيعيه ضيقه صدر وبكاء وكنت انخطب كثير بس ارفض النظره الشرعيه وابكي استمر الحال بي سنوات طويله والى الحين اعاني بعدها والدي طاح فجئه وانقطع عنه النفس وما كنا ندري وش فيه جلس في العنايه ثلاث شهور في غيبوبه وتقاعد من التدريس مبكر بعدها صحي وجلس في التنويم العادي شهر وطلع البيت تغير مو ابوي الاولي صار ما يتنفس الا على اكسجين والدي طاح علينا بعد ما شرى البيت جاء مدير والدي من الدوام وحاول في والدي انه يرجع لتدريس عشان ما ينقص من راتبه كثير لان والدي طلب تقاعد مبكر رفض والدي وقال انا اكره الدوام معاد ابغى ادرس انا كذا مرتاااح عاش ابوي معنا بعد طلوعه من المستشفى 11 سنه كان يروح يصلي في المسجد جميع الفروض رغم الا كسجين والتعب وكانت تجي والدي حاله شهر او شهرين من السنه والدي يمرض مرض مو طبيعي ومن جهلنا ما كنا نعرف وش فيه يرجع من ماعدته حاجه غريبه وتهتز يده ورجله كنا ننادي الا سعاف وياخذ والدي للمستشفى ويعطونه مغضي ومهدئات ويسوون له اشعه وتحاليل ويقولون ما فيه شي ابوكم سليم طول الا11 سنه يعاني ولا ندري الي فيه الا بعد وفاته بقولكم الي جاه بعد وفاته المهم بعد ا11 سنه قبل موت ابوي بشهرين ما كان فيه شي عافيته زينه عزم خالتي وزوجها بعده العزيمه بسبوعين تعب ابوي تعب قوي وديناه
ودينها المستشفى وتنوم في التنويم العادي اسبوع اخر الاسبوع قام ابوي يتوضى الثلث الاخير من الليل عشان يصلي خلص من وضوئه وجاي يصلي الا طاح على ظهره اخوي مسكه على طول يقول ابوي وجهه سود ويصيح اخوي على الاطباء وشالوه طلع القلب متوقف والتنفس انعشوه ودخلوه العنايه المركزه على التنفس الصناعي بعدها باربع ايام افاق والدي من الغيبوبه ويناظر فينا ويبتسم واجي عنده امسك يده واقوله عرفتتي يشد يدي ويهز راسه يعني ايوه بعدها يقول فكو اجهزت التنفس ابي اقوم اتوضى واصلي قلت طيب دخل الدكتور وطلعنا من العنايه زرته بعد يومين الا فكو منه جهاز التنفس وجالس متربع على الكرسي في العنايه بغيت اموت من الفرحه قالي خذوني معكم البيت قلت ابشر واسأ ل الدكتور نبي نطلع الوالد قال لا بيجلس هناء تحت المراقبه وكان يمسكني ويقولي في اذني يا بنتي انا شفت اثنين عند الكرسي يناظرون فيني قلت هاذولا الدكاتره قال لا اشكالهم غريبه كان ودي اجلس معه بس ممنوع وقالو الزياره انتهت وقلبي على ابوي الصباح يتصل الدكتور وقال بعد ما طلعتو من عندي ابوكم طاح على وانتكست حالته وصار في غيبوبه تامه بعدها توفى دماغيا 😭💔 وبعدها باربع ايام مات مات يوم الجمعه اخر ايام التشريق الله يغفرله مات قبل سنتين في نفس اليوم الاول من عزاء والدي ويجون المعزيه جت خالتي العزاء وكان وجهها متغير وجالسه على اعصابها انا واهلي من صدمة موت والدي والناس مو منتبهين لحركات خالتي عمتي اخت ابوي فارسه وفاهمه ما يفوتها شي تقولي عمتي بعد ما انتهى العزاء خالتي في اول يوم العزاء طلعت فوق بسرعه وجلست تنتظرها عمتي الين نزلت قالت عمتي ليش طلعتي فوق تقول وجهها انقلب وحمر قالت طلعت ابغى اعزي الاولاد قالت شوفيهم في الخيمه وهي كان وراها بلاء بعدها خالتي جلست وقت العزاء كله في غرفت امي ما طلعت منها مع حزننا على ابوي والمعزيه مانتبهناء الا بعدين انتهى العزاء وراح الناس وانا قلبي محروق على ابوي صرت اشوف منامات في ابوي وتتكرر بعدها فسرتها والصاعقه ان ابوي كان مسحور طول السنوات الي تعبها ودخوله العنايه المركزه اكثر من مرره وتعبه الي يجي في شهر معين ويوم معين من السنه كان بسبب السحر وتجديد السحر سحر والدي سحر مرض وانتقام وكملت عليه خالتي الخبيثه بعينها جعلها الفقع يوم قلت لكم انه عزم قبل موته بشهرين كانت تقول لنا بعد العزاء ذيك اليوم يوم عزمتونا بحياتي ما شفت ابوكم بهاذي الصحه والعافيه كان متعافي وتقول شكلي عنته وتضحك الله يسلط عليها وتذكرت حاجه اخوي يوم غسل ابوي عشان يدفنونه يقول لاحظت حاجه على معدة ابوي بقعه سوداء غريبه اول مره نشوفها فيه كان سحر والدي مأكول ومشروب وماكنا ندري الا بعد وفاته مغبونه ومقهوره على ابوي وعلى نفسي خالتي هاذي بعد وفات ابوي بشهر جت جلست معنا شهر واسبوع لاحظنا عليها حركات غريبه شفتها في الضلماء تمسح الدرج بخرقه ويوم ولعت النبه ارتبكت وخافت قلت يا بنت تعوذي من ابليس واحسني الظن هاذي خالتي عيانه وحاسده تشوف الشي الحلو فيك ولا تذكر الله خالتي طبعا اخت امي من ابوها طلعت خبيثه وسبحان الله جلوسها عندنا بعد وفاة ابوي هي حتى نكتشف حقيقتها وخبث نفسها مره رحناء انا واختي مشوار وامي جلست في البيت عشان العده خالتي كانت معها تقول امي اول ما طلعت من غرفتي كنت امشي بشويش الا شافتها تنثر عند غرفتي انا واختي حاجه زي البودره وامي ما واجهتها ولا قالت لنا الا بعد ماراحت بعد ما انقلعت خالتي لبيتها جتنا ضيقه في بيتنا مشاكل صرنا نقوم من النوم مفزوعين وبذات انا وخمول وتعب وثقل في الرجلين اخوي حلم في والدي وقال لاخوي فيه سحر مرشوش في السطح وورى ابوي اخوي مكان السحر تذكرت كلام عمتي يوم قالت لي في يوم العزاء وخالتي طلعت فوق حسبي الله عليها وكل مالهم ينفضحون طلع الي مسوي لابوي السحر جدي ابو امي وزوجته حسبي الله عليهم المهم انخطبت بعد وفاة ابوي كثير بس ماتتم وزاد التعب علي وتعطيل في جميع اموري بعدها استمريت على الرقيه وانخطبت ولاول مره في حياتي اطلع النظره الشرعيه اعجبت الرجال وبعد خروجي من عند الرجال جاني تنميل في جهت اليمين من جسمي وصداع وصرت انام مو قادره افتح عيوني ولا ادري وش فيني بعدها كرهت الرجال وحسيت بضيقه وانا في الاول استخرت وكنت مرتاحه له ومبسوطه فجئاه انقلب حالي بعد النظره ويوم رفضته راح كل التعب الي فيني بعدها جلست شهور تعبانه كانت خالتي هاذي تغار مني مره قالت لي بتشوفين عمتك بتقول عنك عانس وسمعت من الناس انه جاكم واحد يخطب ولا عاد رجع جرحني كلامها وايقنت بعدين ان الله كشفها على حقيقتها وما تخبيه في نفسها وهي كذابه عمتي ما قالت هذا الكلام بعدها سبحان الله الا سبوع الي فات قريت سورة البقره ثلاث مرات ورى بعض وشفت رؤيا غريبه عجيبه فسرتها وليتني ما فسرتها طلعت مسحوره سحر تعطيل زواج وتعطيل الانجاب😭حسبي الله من15 سنه مسحوره ولا ادري والحين عمري 29 سنه زواجي معطل دراستي كل شي حتى اهتمامي بنفسي كل شي معطل ومستمره على الرقيه وبعدها اختي شافت فيني منام كني انخطبت والي كان موجود معنا خالاتي واختي كانت مستغربه وش جابهم وكانو في المطبخ ومسكرين النبه وفجئاه خالتي دخلت على الي خطبني مجلس الرجال يعني اني با الغلط طلع سبب تعطيل اموري وزواجي وسبب في موت ابوي بعد قضاء الله هي خالتي وجداني طلعو هم الي ظالمينا طول السنين ومأذينا في حياتنا تتخيلون اقاربك هم الي يأذونك وتوي ادري انهم هم السبب مغبونه مقهوره الظلم هد حيلي سالتكم با الله يا خواتي ان تدعون على خالتي وعلى جداني هم السبب في اذيتي وتعبي طول السنين وطلع الي رشته في البيت سحر قال الشي كل ما دخلتو بيتكم كل ما تجدد السحر شفتو الحقد والحسد الى وين وصل يارب انتقم من خالتي واهلها يارب انهم دمرو والدي ودمروني وعطلو زواجي غيره وحسد اللهم انتقم لي منهم يارب قولولي كيف اتصرف وين اروح سحرنا يتجدد تعبنا من المشاكل وتعطيل الامور والذي رفع السماء بلا عمد انا مسالمين وما اذيناهم في شي وانا طيبين معهم ونعطيهم فلوس ونحسن لهم ابوي رحمه الله مدرس شريعه اسلاميه الكل يحبه ويذكره با الخير بعد موته احناء طيبين ولا اذيناهم ليش يسحرونا ويظلمونا ادري ابتلاء بس قهر قهر خالتي معاد دخلت بيتنا ولا عاد زرناهم لان الشيخ حذرنا منهم قال لا تاكلون من اكلهم ولا تروحون بيتهم بسببهم نعاني حسبي الله ونعم الوكيل على من اذانا في بيتنا وفي اجسادنا دعواتكم واسفه طولت عليكم 😭💔بختصار كل الي انا فيه من حسد وغيرت خالاتي ما يبون احد يمدحني او اتزوج اعاني من يومني طفله الى الحين واكتشفت اني مسحوره في خلال الاسبوعين هاذي اللهم اني مغلوب فنتصر دعواتك لي با الفرج والشفاء والنصر على الظلمه المفسدين 😢💔

الله يعينك ويشفيكم ويصبركم ويبعد عنكم البلاء
الحل هو
دائما اسمعو قران بالبيت
وخلو القران مفتوح بالبيت ولازم يجي شيخ موثوق يقرا في البيت
ان شاء الله افدتك

الله يشفيكي يَ روحي ، انا بأيد مطر الفجر بكلامها
خلي الفتره هي ع طول سورة البقرة شغاله ف بيتكم