استودعكم الله الذي لاتضيع ودائعه. ..
أحبكم ....

اعلمًً انً الكتاًًبهً لنً تغيرًً منً واقعيًً

لاًكنيً اسليً بهاً نفسيً

كيً اخففً عنً قلبيً حملً الكتمان.....

هالصوره ليست بمجرد صوره
هالناقه ليست بمجرد ناقه كانت ضحية كرم
الله ياهالصوره يمكن الي يقرا هالكلام يقول مخه فيه خلل بعير مدري ناقه شابكينه بشبك وش الجمال فيها
اليوم الي صورت هالصوره , يوم تُحفه , الله ياذاك اليوم الله المستعان بس
ذاك اليوم الي كان عندنا فيه عرس , المميز في اليوم مب العرس الروحه هذي
ذاك اليوم كنت مواصله , مع إني اليوم ال قبله واصلت نمت 4 ساعات بس وقمت وعليها , ييييع
من قامو الفجر " تولجنا " جدي إلا نروح للنياق معك فرصه , العيال نايمين في البيت يعني هناك مافيه أحد ,
عشعشت هالفكره بروسهن لين ماقتنعن إلا نفر , ركبنا ومشينا ههههه أحلى مافي السالفه مركبينا
انا وخالتي الصغيره في حوض الشاص ههههههههههههه
شعور حلو يلفحك الهوا وأخيس شعور لما تكون في الشارع ولازم تنسدحين
يوم وصلنا للطعوس خلاص تطمنت قلوبنا العيال مادروى وعدت سليمه يوم وصلنا هناك مرينا من عند غرفه حاطينه مدري ليش ...؟!
المهم مطلعه رويسي واقفه ويعني إني عايشه جوي مرينا من عندها إلا واحد توه صاحي رافع راسه
أنا فهيت أدقق في الوجه إلا والله أخوي أصرخ ذيك الصرخه وأطمر وافرش نفسي في الحوض وبغيت اكل هوآ بس أشوى شكله ماصحصح واجد ولا يحسب عمره في حلم ورجع يكمل نومته
وصلنا على خير سلمنا على النياق وودعنا هالابيض إلي راح في ليلتها في الهملالي
ورجعنت في الطريق إلأا والإزعاج تعالو قبل لا يدروون تعالو بنمشي
بس أكثر شئ قارص قلوبنا نلقى العيال قد صحوا وصحصحوا ويشوفنا الخشش , المهم يوم قربنا قالت خالتي , سيارة محمد عند الباب :
أنا هنا بغى يجيني شلل ربعي بغت تحوشني جلطه خالي لآآآ ياربي هذي لا شافنا غير يعلقنا مثل " الولايش " بالحوض وياخذ بنا سردادي مدرداي على هالمسحيه وغير يسرحنا بالغنم إسبوع ويفرك بوجيهنا التراب
لأن وقتها الظاهر جيينهم عند خيمتهم رجال مدري ناس مدري حاطين لهم عامل
يوم قربنا إتضح إن السياره فاضيه وأنا أطمر حتى قبل جدي وقف أتلاحق على عميري
وصلنا حملنا قشنا وقضينا بزارينا إلي ودك والله تحملينهم بالحوض ماشاء الله
وصلنا للمشغل ماشاء الله تبارك الله ماشاء الله ماشاء الله جيش اتوقع العاملات بالمشغل بغو يهجون من الغزو الي صار عليهم
خلصنا وقشونا من الساعه 6 إلي والله لو هو عرس أبوي ما رحت للقاعه من الساعه
مير ياحياة الشقى لا صار العريس منكم وفيكم ومن عيالكم لو يقولون الرجال تروحون للقاعه الساعه 2 الظهر تروحون إيه يبون يقضون اخر لحظات العزوبيه معه
غير كذا مشكله لا من صر السواق الي بيوصلكم إنتي من خواته لا إله إلا اللللللللللللللللله تعالي خذوي هالبزر وقشي عربيتي تعالي خذوي هالكيسه تعالي وروحي وانيت رايحه جايه من السياره للداخل هذي غير الغطوه الي كل شوي طايحه
رحنا وحضرنا وانا قليبي متقطع على 600 إلي راحت خرابيط علي لو إني مزينه نفسي مب ازين , ست ميه ياخي لو تبوني أقلب صبابه ووأصب قهوه للمعازيم لو تبوني أقلب حضانه أجمع الوارعين وتعطوني إيها مو أبرك
كل من شافني تخسرها فيني جالسه مع ريماس الرضيعه الصغير في غرفه جانبيه , والله يانهم تخسروها فيني وبقوه ماحد شافني
بداء العرس وطبعاً مثل كل عرس عندنا لا زم ضروري مستحيل الرجال مايشتكون من الصوت ,
مدري جدران القاعات مافيها عوازل ولا صوت الطقاقه والسمعات يخترق العوازل
سبحان الله رادرات عليهم مب أذاني :/
خلص العرس وانا كل ماشفت احد يمكن يعرفني مسكت لي زاويه أصلأً كل ماشفت إلي عرفوني ولاوقفت قدامهم الحين استحيت على وجهي من جدي ولا كنت صاحيه يوم إني البس ذاك اللبس يييععععع من قلب
أنتهى ذاك اليوم وأنتهت معه علاقتي القويه جداً في بزارينا إلي كل ماشفتهم بالعرس أراكض وراهم أخمخمهم إنتم من ريحتنا إنتم الشئ الوحيد إلي مقدر عزلتي و وتلقينهم أخر شئ جاحدين علي وقالبين هذي
على أغنية بابا نزل معاشه , الله يرحم ايام اول بس
يوم متنيل لكنه كان جميل كان بيصير لي شئ لو مادونته هنا

* /




وَ في عينيّ ../

رسائلٌ مُبعثَرة ..!!

*
`




صوتك اجمل ملذات العمر لو يطول الوقت سمعي ما اكتفى....

تَجْتَاحنِيْ كَـ المَاء،،

لاَ بَارِد وَلاَ سَاخِن عَوَان بِيْن ذَلِكَ كَـ زُلال السَّلْسَبِيْل ،،

فَـ أُغْمِض عَيْنَيَّ وَأَتَلَذَّذُ بِـ مَسْرَاكَ عَلىَ جَسَدِي ،،