ياصاحبي وشفيك قلّي عسى خير - منتديات مسك الغلا

~~azOoOoOoz~~ · 05-15-16, 07:40 AM

ياصاحبي وشفيك قلّي عسى خير

-

ياصاحبي وشفيك قلّي عسى خير
تشكي وانا خابرك رمز الشجاعة
ان كان حاديك الزمن والمقادير
الصبر للرجال يعطي مناعة
اسمع وخذ مني نصيحه وتذكير
ذرب الكلام اللي يفيدك سماعه
صوادف الدنيا ورود ومصادير
وافضل كنوز الوقت كنز القناعة
اللي كتبه الله على عبده يصير
صبراً جميل ودبرة الله مطاعه
مادمت من روس الرجال المشاهير
مايرتخي راسٍ شمخ بارتفاعه
بكره تبي تلقى العوض فالمخاسير
تاصل حبال الوصل عقب انقطاعه
العافية تسوى كنوز الدنانير
والرجل دايم نجدته من ذراعه
صكات بقعا لانصنّك طوابير
خلك كما ضلعٍ تقانب سباعه
شامخ شموخاً ماتهزه معاصير
لو هو محاصر بالخطر كل ساعه
صلف الهوا ماشدد طويق والنير
والحر يقدم والرعاعه رعاعه
ساير زمانك وانتبه تعكس السير
وسمح الجناب اللي يراعيك راعه
ربعك حزامك فالليال المعاسير
صدرك عليهم لايضيق اتساعه
قد قالو اللي يحكمون التعابير
ترى يد الله مع يدين الجماعة
حذراك دينك لايجي فيه تقصير
لاضاع دينك ماش غيره طماعه
ابليس لو زيّن دروب المحاذير
أبعد عن اللي مايجوز اتباعه
عقب المنيه ماتفيد المعاذير
واللي يطيع ابليس ماله شفاعه
اشر الرفيق اللي يعينك على الخير
وبيع الردي فالسوق بيع البضاعة
لازم يجي من صاحب السوء تاثير
يدوّر اللي يخشره في ضياعه
اللي يحمل المسك ماينفخ الكير
ومن جالس المقرود ياخذ طباعه
كم من كبيرٍ بالعقل عمره صغير
وكم من كبير ... بعقل سن الرضاعة
لاتستشير الا حكيم التدابير
رجلٍ تفيدك خبرته واطّلاعه
العاقل يشاور هل العرف ويشير
وكلاً على ماقيل حسب اقتناعه
الطيب يبدي فالوجيه المسافير
يبدي كما نوراً توهج شعاعه
يشفيك حراً لانهض كنه الطير
الطيب مزروعٍ بقلبه زراعه
في طلته تلقى السعد والتباشير
واليا نخيته قال سمعاً وطاعه
تلقى الكرامه عند ريف الخطاطير
وتلقى اللكاعه عند راع اللكاعه
مافالبشر مخلوق من غير تقصير
مير القيام يكون بالاستطاعه
واليا ظهر سرك لو يقال في بير
تراه مابه بير من غير قاعه
يبدي ويبدي به من الناس تزوير
حيث ان بعض الناس مثل الاذاعة
يصبح كما جمٍ ملته الغثابير
ويمسي طعام مروّجين الاشاعة
الظلم ظلمه في وجيه المعاثير
مايفلح الظالم ولو طال باعه
يلقى الجزا لو عقب طول المشاوير
سواة ماسوّاه واعظم شناعة
من دعوة المظلوم احذرك تحذير
اليا رفع لله كف الضراعة
يجيب ربه دعوته دون تاخير
وابو قناع يبين خافي قناعه
راع الحسد لو يندفع يمك مغير
عنّز على الله واتركه باندفاعه
كل الصعاب بعون ربي تياسير
من يتكل بالله ومَن كل راعه
قدمت لك عن واقع الحال تقرير
ببيوت شعراً فيه فن وبراعة
صدرتها من صافي الفكر تصدير
وحقوقنا ماهي حقوق الطباعه
وختامها مني تحية وتقدير
شاري خوي الطيب ماعاد باعه

~~غريبه قصةالدمعه~~ · 05-15-16, 08:36 AM

كم من كبيرٍ بالعقل عمره صغير
وكم من كبير ... بعقل سن الرضاعة

يسلمووووو ع هالبيت عجبنني كثير ممكن اسرقه

~~azOoOoOoz~~ · 05-15-16, 08:44 AM

الله يسلمك شكرا
ممكن بس كم تدفع

هههههههه

~~غريبه قصةالدمعه~~ · 05-15-16, 08:53 AM

ههههههههههه ادفع لقيمااااات

**pure** · 05-15-16, 10:25 AM

ابيات مليانه حكم ودروس ، تسلم يدينكك
وصح لسسان قايلهاا ،

يعطيك الف عافففيهُ : $

~~azOoOoOoz~~ · 05-15-16, 07:58 PM

..

الله يسلمك نورت
يعطيك العافيه

المواضيع المتشابهه للموضوع : ياصاحبي وشفيك قلّي عسى خير
الموضوع	كاتب الموضوع	المنتدى	مشاركات	آخر مشاركة
قلّي متى يصحي الضمير ؟	القارظ العنزي	ديوان ومحاورات حصريه لشعر ( شعرائِنا )	8	02-05-16 05:02 PM
قلّي متى يصحي الضمير ** وايضا متى عسى وعسى	الخيال التغلبي	ديوان ومحاورات حصريه لشعر ( شعرائِنا )	6	11-14-15 12:51 PM
شعللتني واشعلت نارك بصدري ** يا شين قلّي من بعثكم هديّة .	الخيال التغلبي	ديوان ومحاورات حصريه لشعر ( شعرائِنا )	0	10-09-15 09:20 PM
وشفيك سآكت منشغل في سبحتك ؟	شموخ أنـسآن	همس القوافي - شعر - قصائد ••	3	02-10-15 12:57 AM

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات بنت	شات سعودي		شات تعب قلبي	شات حبي
شات الخليج	شات مملكة الحب	شات بنت السعودية		شات السعودية	شات دلع السعودية
شات سعودي كام	شات فلة الخليج