ياربي مدري ويش أسوي بــ هالحظ
من وين ماصديت حظي متردي
كل ماوصلت الشمس تجذبني الارض
وكل مابنيت أحلام حظي يهدي
الحزن في عمر مشى الطول والعرض
وأن بمكاني أرسم الحلم وردي
وأخذت حلمي وقلت له عيش بالنبض
لكن زماني وقف النبض عندي

في نفس هالتاريخ من كل الأعوام
تذكروا وش كنت أنـا وأذكرونـي
راح العمر واللي بقى آخـر أيـام
والعلم عنـد الله متـى تدفنونـي
تكسرّ المركب وسط بحر الأحـلام
والعذر من جمهوري لايحترونـي
الموت أشوفه يغرس أبمخي أورام
وش جاب طاري الموت لاتسألوني
ماعاد فيني حيل أوقف على الأقدام
تعبان كلي ذابـل وضـاع لونـي
أصرخ بصمت وداخلي تشهق آلام
تكفون من هذا العـذاب أنقذونـي
ما أعتب على هذا الزمن كله أوهام
المصلحه هي الأهـم وأنشدونـي
الله لا يسامح هذا اليـوم وهالعـام
تجمعـوا عليـه ثـمّ أذبحـونـي

يآقلبـۓ شۈف هآلدنيآ تـξـبت ۈمآبقى بي בـيل آξـشم בـآلي ۈآتصبر ..!!
ۈآقول بآگر جرۈבـي تزيل ۈيجي بآگر بلآ فرבـﮧ يـξـآند قلبي ۈ جرבــﮧ ..!!

ياحايره من خنجرك تاج عمي
يوم أنتهيت من العنا أبتديتي
قومي تعالي اجرحيني وسمي
ماهي غريبه للخفوق ان قسيتي
بلي عروق الليل من بحر دمي
وأسقي سنينً ضاميه لو بغيتي
يما ارتوى من دم الايام كمي
ويما أعطيت من الزمان وخذيتي
اخذي بعد من فايض الصدر لمي
كلي جروحً وأجمعي ماهتويتي
لو أبتسم وقتً بدا العااااام ذمي
ماخانني صدق الغراام ونسيتي

جتني رسالة من صدى خافق الروح
وقريتها بإحساس قلبـي وروحـي



قريتها وانهدّت قصـور وصـروح
وأنا من أول عالياتٍ صروحـي



تشكي تقول القلب يا حمود مجروح
ما تدري انـي غايراتٍ جروحـي



تهلّ دمع وترفع الصـوت بالنـوح
واللي فقـد غاليـه لازم ينوحـي



ما كلّمتني يمكن الصوت مبحـوح
من النوح وإلا ما استطاعت تبوحي



جتني رسالتها بها دموع وجـروح
وانهَد باسباب الرسالـة طموحـي



تقول ياحمود الزمن صار مفضـوح
والشيب فيني لو تشوفـه يلوحـي



يا بؤُ سنيده مالي بالأغراب مصلوح
مادام قلب اللـي نحبـه شحوحـي



ودّي بشوفك دام الأعمار بفسـوح
قبل الرحم يا خوي منـا يروحـي



زلّ الزمان اللي به أفراح ومـزوح
أنخـاك تكفـى لا تظنّـه مزوحـي



وبعد الرسالة صار بالقلب ذابـوح
طار المنام وصار فكري يشوحـي




أقولها ودموع عينـي لهـا فـوح
وسط المحاجر دمع عيني يفوحـي



أجاوب الورقا على عالـي الـدّوح
وأنوح من فرقا الرفيق السموحـي



والله لو إني وسط الأطباق مذبـوح
لأظهر كما خطو الحصان الجموحي



وأقول يا عين المها ما بها شروح
لو تطلبين الروح تفـداك روحـي

هذا حالي اضحك مع الناس واستهبل

بس لاجيت احط راسي بنام هبت احزاني