موضوع مُغلق
 
LinkBack أدوات الموضوع انواع عرض الموضوع
قديم 07-11-16, 11:59 PM   #1
نـجـم

الصورة الرمزية نـجـم

المكان »  السعوديه
الهوايه »  اكتب الشعر

 الأوسمة و جوائز

Icon N25 مواضيع قديمه نستعيد الذكريات



بسمالله الرحمن الرحيم
نلخص لكم بعض المواضيع القديمه
هذا عند ماكنت مندفع بقوه للمنتدى وكان طموحي اكثر لهذا المنتدى
ولكن شكلي بعض العوايق التي حطمت كل ماكنت اطمح له
في سبيل هذا الصرح الشامخ
وذالك لايخفا الكثير من الاعضاء

وحبيت استعيد لكم بعض ابداعاتي
وهي مواضيع قديمه في هذا المنتدى
ولكن نستعيد لكم الذكريات الماضيه


هذا ابيات وجهتها لمدير المنتدى
من شان الامبراطوره البحر
من شان اجتهادها ومواضيعها الراقيه



من باب التشجيع
الكثير نال الترشيح


يامديرن يديــــــــــــر المنتدى والاداره
باالطيب وافــــــي لعل العمر كله سعادة

بعطيك رمـــــزن لعلك تفهمون الاشاره
والاشاره تــــرى مضمونها عن شهاده

رسموها تــــرى فا المستوى مستشاره
يستاهل الطيب من سوى وبان اجتهاده

ياريس المنتدى تــــــرى ولامن خساره
من بذل شــــــــي طيب يستحق الاشاده

والحقيقه حقيقه تســـــــــــتحق الاماره
ودنا كل طيــــــــــــــــب يبلغونه ماراده

مميزه فــــــي مواضيعه وطرح العباره
انا اشهد ان كل موضوعن وفيه استفاده

اعجل وعجـــــــل وردك لايطول انتظاره
الامبراطوره الـــــــــــي تستحق الشهاده


-------------------------------------------------------------------------------------------------------


هذه القيصدة قلتها بعد ماشفت قصيدة الشاعرة والمبدعه
هند المطيري
راقت لي قصيدتها كثير
ومعانيها ولحنها الشجي
فحاولة اني اجاريه

ونقول انشالله انها موافقه للقصيده
قد يحصل اخطا الاملا صفر عندي

ترى والله مادققتها



هند المطيري

‏ياهيةة قلبي عقب فرقاك مانام
‏من ليلة البارح وقلبي معنَّا ..!

‏ليلي سرى وأنا بهواجيس وأحلام
‏القلب يرجف والضلوع ارجفنَّا .!

‏وبيوت شعري صاحت تقول قدّام
‏في ذاك اكتبيني بما إيتمنَّا .!

‏وطاش القصيد وانفجر كنّْه الغام
‏وكل القصائد جات منّا ومنَّا ..!

‏والحبر قام يفور ببطون الأقلام
‏من فرحته ياهيةة قام إيتغنّا .!

‏يشكي على الدّفتر عذابه من العام
‏واليوم مع جيتك جاء ماتمنَّا..!

‏ينثر غلا ينثر شعر ينثر أحلام .!
‏ينثرك في صدر الورق ورد حنَّا

‏ومع زفة افراحي وترديد الأحلام
‏صاح السؤال اللي على القلب دنَّا

‏مدري نبيع الدمع لعيون الايتام
‏والا نبيعه لجل عين المجنَّا.؟

‏والا يتحدّر سيل ونشوف الإجرام
‏نبكي على ماضي وتالي زمنَّا.!؟

‏وانتةة بيدك اختار إ حروف وارقام
‏أمَّا نعيش بحزن والا انتهنَّا..!



نجم نجم
لاوالله الا هاضنـي صوت الانغام
هتز جذع القلـــب منيوم رنا

غروٍ يجر الصوت فاالوقت منظام
جدد تجرون ميته يـــوم غنا

ياطير يلي با السـما رفرف وحام
رحله وهات العلم ثم ردعنا

قله ترى محتار في سـير الاقدام
وده يزورك مير له ماتسنا

ياهيه صبري باح مع طول الأيام
لاتحسبـــني دالهن مرجهنا

الحب ســــــــيفه للمحبين جزام
من غير رمحٍ من عيونه طعنا


يبو خـــدودن كنها بـرق الاظلام
والعود غصن الموز لامن تثنا

ويبونهودٍ تشــــلع الثـوب قدام
ويبو ثمانن بيـــض ماركبنا

ذبحتني مابيــن نـــظـره وسلهام
من نظرتك يبين رمح المطنا

ارحم جريح الحب حنا فا الإسلام
مبغا كلام تقول ماهوب منا

والاعلى الحكم مشه باالا عدام

سود اليالي مظلمات وجفنا
-------------------------------
هذا رديه بيني وبين الشاعر التغلبي
عضو كان معنا في المنتدى


هذا رد ارتجالي وع عجل
التمنا ان يجزي ويروق للقاري
والمعني بهذا

الخيال التغلبي ... الي الشاعر الكبير ابو ساره

الــبــارحــة نومي على الــكــف والكوع
اقـــــــــــالــــــــــــب الجنبين كنّي بملّة
يوم اتذكّر وين نــــــــاســـــي من اربوع
ما غير ابو ســــــــــــــارة على البال للّه
عسى الفرج يآتي على ايديه باسبوع
ويقضي لزوم طــــــــــــال حسمه وحلّه
ويرتـــــــــــــاح هم داج في قلب وضلوع
ويفرح خــــلــــيــــل زان ظــنّــه بــخــلّـه
وان كــــــــــان نهر الطيب يجري بينبوع
فـــــانـــت البحر طيبه على الناس كلّه
يــفــداك عـفن هــمّــتــه راس جـربــوع
مــهــتـــال بالـجـربـوع جـابـــــــــــه يتلّه

من كلمات الخيال التغلبي


رد نجم نجم



يا مرحبا بلي عـلى انت مطبوع

خطن حروف مثل قــوس الاهله



من صاحبن يشكي همومه مفجوع

همن مسببله مع الــــــوقت عله



يشكيلنا من لاعته با الهوى لوع

عقب الغلا والحــب شاف المذله



غرون غريرصغير الســن دلوع

تلعب بقلبه لين غــــــادر محله



وقفت مع الأيام والوصل مقطوع

راحت وسيف الهجر قامت تسله



يتغلبي با اناقشه كــــل موضوع

ممكن احل الـــــوضع والا محله



المشكله بعض المواضيع ممنوع

يصعب علينا الوضع ونجاب خله

----------------------------
هذا مجاره لقصيدة الشاعر المتمرد
عضو كان معنا في المنتدى


السلام عليكم

انا حبيت اجاري هذه القصيده
لن الشاعر إعطاء مجال واسع لمجاراتها
وانا جريتها
بقصيده ارتجاليه
والتمنا انها توافق مع القصيده
واعذروني ايذا حصل تقصير
والقصيده قد يتخللها أخطاء املائيه
واقروها با العاميه
التمنا ان تحوز على اعجاب الجميع
قصيدة الشاعر المتمرد
السلام عليكم
كيفكم ي ال مسك الغلا
انا شايف الشعراء واجد الله يحفظهم
وقلت اسوي قصيده تحدي لتحريك القسم فقط
الباب مفتوح لجميع الشعراء والشاعرات للرد على القصيده
لكن اتمنى ان يكون الرد على نفس الوزن والقافيه وليكون فيها كسور
الي تحداني في االشعر خســـــــــــران
....................ويخضــــــع لسيف ن للطواغيت بتار
سيفن يدك اصـــــــــنام ويحطم اوثان
....................ما ينلثم دامه علـــــــــــى كف مغوار
عندي عصـــــا موسى وخاتم سليمان
....................اســــــــحر بها واعجز بها كل سحٌار
لو يعتـــــزون اليوم با الانس والجان
....................وانا لـــــــحالي للنتصر قبل الاسحار
ماهو غرور النفس لـــــــــكن برهان
....................وان هو غرور يحــــق لي كان بغتار
قد جبت راس غليص من عدة ازمان
....................وقفزت من صغري مسافات واسوار
وبابي من الله ما وقـــــــــف فيه ديان
....................ولا انخلع مره ولا جــــــــــــاه نجار
ولا حان وقت اللحم والحرب لا حان
....................الحرب له فارس وللــــــــــحم جزار
وماني بســـــــاكن حي ما فيه سكان
....................لو كان اهد المـــــلك واخذ لي ايجار
ولا هاظ في صدري من الغيظ بركان
....................يطــــــــــيح من ناره رياجيل واحرار
ماني ضـــــعيف الحال والعقل خربان
....................وافتك حـــــــالي من غريبين الاطوار
يا كثر ما في القلب والصـــــدر مليان
....................شاعر ويســــــــــكني من الجن شعَار
وانا حصـــــــاني في مهماتي حصان
....................ماهو حصــــان اميال واشبار وامتار
ولا دخل قلبي من الضـــــيقه احزان
....................اضحك واسولف عادتي رغم الاكدار
وما يمسك البندق مغــــــــفل وعميان
....................ومتابع مســــــــــــــلسل مهند وغوار
وصـــــــل الله وسلم على نسل عدنان
....................مـــــــــحمد الهادي عدد وبل الامطار
وسلامتكم
اتمنى تنال اعجابكم بشكل عام والشعراء بشكل خاص




رد الشاعر نجم

يلي تحدى با الشـــعروانت غلطان
انا ترى فا الشــعر مانـي بمحتار

الشعر حبك وســـبك مربوط بوزان
مهوب دق الطبل مــــع دق الاوتار

الشعر له ضربن كما السيف شامان
مايضرب الا راس مخطــــي وزمار

والشعر وهبه فا المواقف لها شان
والشــــــعر له حشمه وقيمه ومقدار

والشعر له مفهوم فــــــي كل ميدان
والسعر مثل الكيـــــف لازاده بهار

يلي تحدى حـــــــــط معدال ورهان
والاغدابك ريح الأمــــــواج وعصار

الشعر بحرن له با الأمواج فيضان
لو فاض صارت كلها الكوره انهار

كانك غرفت من البحر وانت ضميان
لاتحسب الي غيرك احباله اقصار

انا ورد البحر من شـــــان من شان
اروي ضمائي وجف مـــابرد النار

ماقلتها فاضي ولانــــــــي بطربان
لاشك حرك هاجسي صوت منشار

وانا فـــي بدع القاف ماني ببلشان
بنات فكــــــري يصنعن لي الأفكار

وياهاجسي جبلي من الشرد اسمان
خل الهزيله بينك وبينها اســــــــتار

وحذر يجي فا القاف ميله ونقصان
من شان مايلقط على عين ســــبار

ورد على الغبه وجـــــب كل مرجان
مدام جا فا الشـــــــــعر لجه ومزمار

يهاجسي عطني ترى اليوم عطشان
ماعــــــاد لك عنها تقاعس ومعذار

وصلاة ربــــي عــــــــد ماهل ودان
على نبين وضح الحــــــــــــق بنذار



-------------------------------------------------------
هذا مجاره بيني وبين الشاعر المتمرد
السلام عليكم
اطرح هذي القصيده
وهي قصيده مفيده وفيها فوايد كبيره
وتعالج بعض الامور
بما تحكي عنه
وهاذي دايم تطلب مني في الامسيات
ولها فايده
ونزلتها في عدد من المنتديات
ولها مستمع

والتمنا من شاعرنا الكبير
المتمرد
ان يجاريها لكي تتم الفايده اكبر
ونستفيد من مايجول بداخل شاعرنا الكبير المتمرد
وهو غني عن التعريف
وسبق وطرح قصيده
وقمت بمجاراتها
وعنوانها مجاراه

والتمنا للجميع الفايده
كما التمنا ان تروق للمستمع

القصيده يمكن يتخلله بعض اخاء الاملا
الاملا عندي ضعيف
اقروها با العاميه


يا الله يلـــــــــــي تعلم بخافي الجاش
انك تبرد همن بوســـــــــط جاشي

لاجيت ابدله منه الافــــــكار تنداش
ينحاس فكرن صــــــــابه الارتباشي

والمشكله من ناقـــل الهرج لاعاش
الي على طرد الـــسواليف عاشي

هاذي طبيعه ل دوم نـــــذل والاش
يالله تبعد كـــــــــــــل نذلن ولاشي

وطالبك يلي تسقي الارض برشاش
يا منزلن كوم البرد والرشـــــــاشي

انك تفرق بيـــــــــــن جماعت الواش
الي مجالســـــــهم تجيب الطفاشي

عاشو على النمه ونذلين وغشاش
ماعندهم ياكـــــــــود نصب ونفاشي

صبرت لين الصبر غلــــق على ماش
والصبر مــــــــــــرن لاتعدا وطاشي

الله على جــــــــــــــون خلا بس الادباش
وشب ناري فيه لـــــو با القشاشي

وبعد عن الي لســــــــوالف بمنقاش
اهل الحد ومعقدين الشـــــــــواشي

الي عروض الناس دايم لها اعراش
لو مالها مصلـــــــــــوح والا معاشي

يالله عليهم عجل بســــــرع قشاش
خله يقش اهل الحسد والغشاشي

والله على الي قلبه ابيض من اشاش
هذاك خلك معه فــــــا الدرب ماشي

لاحاسدك شـــين والاهوب غشاش
لاشايلن نمه والاهـــــــــوب راشي

والا الردي مـــــــاينفعك طير خفاش
الي ضلوعه مـــــــاتحمل هشاشي

مولع الفتنه والاشــــــــــبت انحاش
يفرح ليا شــــــــــبت وفيها نقاشي

مغير بلسانه كــــــــــــذوبن ونفاش
يصنع صواريخن من الـــــي بلاشي

وصلات ربــــــــي عد ماناض رهاش
على نبين مــــــــات والذكر عاشي

نجم نجم هو
\ الشاعر عبدالله الوازعي


رد و مجاراة الشاعر الكبير
ا
المتمرد
هذي مجاراه لخوي نجم
صح الله لسانه ماقصر في قصيدة البدع

وفي الحقيقه انها مكمله لقصيدة نجم وفيها نصايح واجد


الي يخاويله من الناس حشاش
راحت حياته كل ابوها بلاشي
والي يبا منصب على شان يعتاش
والا على شان الصور والفلاشي
شالفايده لامات من بعد ماعاش
في حزتن لفوه وسط القماشي
وابعد عن النمام والذيخ واللاش
ما انته محصل من وراهم ولاشي
وابعد عن الي فا المواقيف ينحاش
ما تامنه يرعى دجاج ومواشي
والي سنونه تشبه الثلج والشاش
يمكن يدور للبلا والهواشي
والي علومه كلها طاش ماطاش
وخر قبل يعديك با الارتعاشي
والي مريض وغرفته غرفة انعاش
زوره دقايق لا يطول النقاشي
والي تشوفه للفتن صار نباش
اوصيك لا تقعد مع اهل النباشي
وخل البخيل الي للاموال حواش
يموت ما ذاق اللحم والعراشي
واذا لقيت المي والزاد وفراش
احسن من الي ما لقاله فراشي
كم واحدن يملك عمارات واحواش
وماخذ حياته كل ابوها تماشي
لكن قلبه صابه الضيق وارعاش
يدفع على شان السعاده وكاشي
والي لسانه للمخاليق رشاش
ما يكفي ذنوبه كبار الخياشي
والي يبيع ويخدع الناس غشاش
الله يصيبه با لعما والطراشي
والي تشوفه في الرياجيل مرتاش
الله يقبح ..........كل رجال راشي
وعداد مافي الارض من خير واحشاش
صلوا على محمد بعد الفراشي


وسلامتكم

----------------------------------------

وهذي قصيده
موجهها لشاعر التغلبي



ياراكبلي عـلى الي يـــــــوم تدبله
كنه يا با ينفجر من قـــو ماطوره

مجهزن يعجب الســــــــواق لاتله
مضمنن مايـــــدق الخط في زوره

نصه على التخلبـي عطه الخبرقله
قله ترى نجم يشك الحال مخطوره

على وليفن يجـر القلــــــــب ويتله
يلعب بقلبي كـما لاعابــــت الكوره

قفا بقلبي وهــــــــو للقلــب محتله

خلا عيونــي تهل الـــدمع مجبوره

أبو عيونن هــدب ســـــود ومضله
فيها سهوم المنايا صـف مصطوره


وبو دليقن عــــــلى الامتــان منهله
وبو نهودن تشيل الثــــوب مزبوره

حبه نشعني وقلبـــــي ناشــــعه كله
وسهر عيوني حسين الون وصوره

ياكثر دمعن عيـــــــون قــامت تهله
اكنها لين فـاضت غصـــب مقهوره

عزالله اني بعدها صـــــــــابني خله
ثارت عليه جــــروحن قبل مقبوره

يتغلبي مابقالـــــــــــي حيلن وحيله
من همن بوسط جوفي صف طابوره



التمنا ان جميع ماطرح ينال اعجابكم

نجم هو الشاعر /
عبدالله الوازعي



 


قديم 07-13-16, 02:27 AM   #2
monster

الصورة الرمزية monster
الجآزي ..

المكان »  كنت ولا زلت .

 الأوسمة و جوائز

افتراضي



-

م شاء الله م شاء الله
مبدعين راقت لي حيل آلقصايد ،
الله لا يضركم ،
دمت عنوآناً للرُقي

ودي لَ روحك


 

قديم 07-13-16, 03:43 AM   #3
نجم ضاوي

الصورة الرمزية نجم ضاوي

المكان »  السعوديه / جده
الهوايه »  الشعر + الطرب والوناسه
خذنـي يقـايـا انسان .. وفاتـه يـوم ميلاده
حنوطه دمعة عيونه واكفانه اسى واحزان
MMS ~

 الأوسمة و جوائز

افتراضي



مواضيع شفتها ووقفت عليها وقرأتها وقمت برد عليها ...
اشكرك على هذه البادره الرائعه منك واشكرك على جمال وعذوبة اختيارك ...
تسلم لي يا الغالي ...


 

قديم 07-14-16, 01:31 PM   #4
عيون تحبك

الصورة الرمزية عيون تحبك

 الأوسمة و جوائز

افتراضي



جدا جميل يعطيك العافية
تعال هناك اخوي نجم انت تعرف


 

قديم 07-14-16, 07:41 PM   #5
بـرد ودفــا

الصورة الرمزية بـرد ودفــا

 الأوسمة و جوائز

افتراضي



الذكريات الجميلة مجلّد ربما لا نهاية له
صحت ألسنتكم على هالعذوب الندّرة

شكري وتقديري لكم


 

قديم 07-15-16, 12:38 AM   #6
إمبراطورة البحر

الصورة الرمزية إمبراطورة البحر

المكان »  في إمبراطوريتي ❤
الهوايه »  إسعاد الآخرين ^-^ ..
اذكروني بدعوة
MMS ~

 الأوسمة و جوائز

افتراضي



ما شاء الله
صح لسانكم على هالقصائد الجزلة
جدا جدا رائعة ويكفي انها تبقى في الذاكرة
وشكرا اخوي على القصيدة الي جت بإسمي
لازلت اتذكرها واحتفظ بها بمدونتي
سعدت كثيرا بها .. الله يسعد قلبك
شكرا على هذه التحفة من القصائد الرائعة
استمتعت كثيرا بتصفحي وقرائتي لعذوبة حروفكم
لا خلا ولا عدم .. بشوق لجديدك

دمت بود



...


 
مواضيع : إمبراطورة البحر



موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه للموضوع : مواضيع قديمه نستعيد الذكريات
الموضوع كاتب الموضوع المنتدى مشاركات آخر مشاركة
ورقه قديمه .. حسين سلطان مواضيع إسلاميه - فقة - أقوال ( نفحات ايمانيه ) •• 8 03-19-17 06:52 PM
قصص قديمه من الذاكره الامبراطوره قسم العام للمواضيع العامه •• 3 07-19-15 08:17 AM
أنا وياك ( خاطره قديمه بقلمي ) .. اللورد يحيا ابداعات أقلام الاعضاء الحصريه ( أقلامُنا ) 8 03-29-13 03:31 PM
صور لافلام كرتون ( قديمه ) اللورد يحيا قسم الصور والرسوم العامه 4 11-10-11 03:21 AM


| أصدقاء منتدى مسك الغلا |


الساعة الآن 11:47 AM.

Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64