|
{ ...~ إمـِآ حضـﯛر فيـﮧ كل التميـز وإلا بـَلاش من البدآْيـِﮧ حضوريـﮯ !! ...~ قدرك كبير وصحبتك ترفع الراس ..||~ ~||.. فوق الغلا تملك وسام الصداقه من هنا ابداء معكم في خربشاتي وشخابيطي :MonTaseR_31: |
نسطّر جروح الزمن في متاهات ..... ونمشي ب الم في متاهات الجروح ونقول : ليت الزمن يعود ساعات ..... وننهي معاناة .. ابتدت ب غلطه ومزوح |
برموشك السحر بس الموت بسيوفك لـو بوصفك شهر عيا الوقت يـاسعني! لاجيت اوصف حلاتك حرت بوصوفك عين (ن) بها العلم والاخرى تضيعني! |
شذى الورد منور مدونتي :MonTaseR_2: |
اجمــل مـا فـي الإنترنت : "انـه لا أحـد يـراك سـوى الله تعالـى" فهي حرية تعطيك الفرصة للتعرف على : ✓ مدي حسن ســـــــــلوكك ✓ مدى يقظة ضمـــــــــيرك ✓ مدى رقي اخـــــــــلاقك "فلا تجعل الله أهون الناظرين اليك".... “من خاف مقام ربه و نهى النفس عن الهوى فإن الجنة هي آلمأوى “.. تأملوها فقط |
(اذا اردت شيئاً بشدة أطلق سراحـہ فإن عاد اليگ فہو لگ الے الأبد وإن لم يعد فإنـہ لم يگن لگ من البدايہ ) |
الحنـين.. اللي علـى عيني تشوفـه ما عطـاك اكبـر دليل اني فقدتــك ..!! |
قفت بَہ الدنيا وانا خاطري فيهہ ولاعاد لي فالحال من غاب دبرهہ مبطي وانا ادنق اليا مر طاريہ عشان م تنزل من العين عبرهہ..! |
اشكر كل من قيّمني او مرّ على مدونتي جعل عيني ما تبكيكم :31: |
اللهم صبح احبتى بما يسرهم وكف عنهم ما يضرهم ويسر لهم أمورهم وأجمعنا بجنتك صبحكم الله بالخير |
البارحه يوم كلٍ نام .......... مالجلج النوم بعيوني جين ولقيت الحرس قدام .......... وأرجع من الباب مغبوني أصفق بكفي واعض ابهام ........... ابهام يمناي بسنوني من صابه الحب ما ينلام .......... لا صار عاشق ومفتوني حبه بنى في الضمير خيام .......... خلو عشيري وخلوني أبتبعه وفالسلام ختام .......... لو المخاليق يدروني |
تلقى حياتي كلها لذة غرآم مهما سهر طرفي .. أو جارت ظروفي أو عشت أنا الحرمان .. تلقى حياتي كلها لذة غرآم ! |
أطربي يا نفس وسوي ما تبين ما يزيد العمر مدح العباد وذمها لاكسبت طاعه الله وبرالوالدين خل وساع الحناجر تموت بهمها |
شكلي إذا قالوا لي اقرأ المحلات اللي يمين وحنا بنقرأ اللي يسار :20: |
والله اني استحي اسوي فيه بيض مقلي :MonTaseR_94: |
في كل شي قد (( تجوز آلمعآذيـر )) .... آلآ على (( آعرآض الرجآل )) وشرفهآ ~ |
قلبي احساس مثل كف الفقير ياخذ المقسوم له ، (ما يطلبه ) ان زعل ماشال وان سامح كبير بس لامنه ، انخذل ، ( لا تقربه ) صباح الخير:MonTaseR_148: |
جعل النفـوس اللي تحلتَ باﻻخلاق تصبح وتمسـي ما تشوف النكادههَ |
يوجد شخص من البادية اسمه شبيب مشكلته انه متسرع بالكلام واللي بقلبه يطلعه بلسانه ويوم من الايام راح للبر يدور له ناقه ضايعه ومع الحر والشمس ذبحه الجوع والظمأ المهم وصل للبيت اللي بطرف الشعيب ويوم وصلهم لقى راعية البيت تحط اللحم في القدر يوم شاف اللحم زاد جوعه جوع >> الله يستر لا ياكلهم ههههههه وهو يكلمها بيقول البيت فيه رياجيل قال لها اللحم نجح >>وش جاب سيرة اللحم يافضحي فضحاه قايل لكم الجوع هههههه وراعية البيت تضحك ودرت انه جاي من ديره بعيد وقلطته وقالت وحياك الله وراعي البيت بيجي هالحين... تتوقعون تغداء عندهم ولا هج؟؟ >> انا اتوقع ركب موتره وراح يتغداء في اقرب مطعم بخاري هههههههه من الخيال... >> فاضي ومروق :MonTaseR_155: |
قبل اسبوع اتصل علي سعود يسأل عني يقول وينك ياحلو ؟ قلت موجود و فاضي وين تبي نروح قال بنروح لجده بشتري قماش ثوب !! قلت يا غبي !! اشتري من هنا اقربلك الرياض ! قال ابغاك تخاويني ... قلت ابشر وفعلا رحنا لجده ام الرخاء والشده لافضل الاقمشة اللي صار انا اشتريت اربع اقمشه وهو ما اعجبه شي محششين ههههههههههههههههههههههههههههههه |
ليس من المهم ان تكون صديقي المهم ان تكون صادقا معي ! |
جامل زمانك لو زمانك تحداك وأصبرعلى مرألليالي وكدرها لا تشكي للناس عن كل ماجاك وسرك حذاري لا يعرفه بشرها حتى تعرف أللي مع ألدرب خاواك وتظهرحقايق ناس تخدع صورها |
غلاك عندي لو نزل في حشا بوش ..........سامح اسامه واعتنق دين الاسلام |
لو أضمن إن كل طيور الكون تهاجرلك كان كتبت في كل ريشه >>> إشتقت لك صبحكم الله بالخير :MonTaseR_205: |
محد يدري عقب عينه من اللي يذكره بالخير ولاني من الخطا معذور لو خانتني ظروفـي انا ماقدر اكون الا انا وان جاز لي التعبيـر باأكون اوفى لكل ذكرى رماها الحظ بدروبي |
ياعشيري ترى ماني عليك متغيـر دام روحي ياروحي باقية في جسدها اباعلملك بالعلم الصحيـح القصيـر هرجة ماتجي في صالحك مااعتمدها لو يقولون عذالـي تـراه أمتطيـر من لقى سلعة جازت لروحه حمدها والله اني عليك أشفق من ام الحوير بأول إ ولادها قدام يجـدل ولدهـا ماتداني تجنب عنه دامـه صغيـر لو يخلونها أهلها سرت به وحدهـا وان درع في قوايمها وطاح متحير وخرت رجلها وإلا رفعت عنه يدها ذي مودتك بالمكشوف وأنت المخير سكر أبوابهـا وإلا تبيـن وزدهـا |
تصبح على قلبي وصوت العصافير وأشيائي اللي عافت الليل بعدك يالله عسى تصبح عيونك على خير ياللي شغلت القلب والعين وحدك صبآح آلخير :31: |
تعطيني أصدق صافي الحب .. وأعطيك قلبٍ { شياطين الحسد** .. ما تغرّه وإن كان قاموا يهرجون |الصعاليك | سَفْه السفيه [ أحسن طريقة تحرّه ] |
أبتسامات :MonTaseR_197: اذا شفت بالفريزر 10 دجاجات بزاوية فإعلم بل تيقن أن هناك ايسكريم او بيبسي مخبأ :MonTaseR_190: إذا أحد عصب عليك يقول شف أنا مأآبي آحلف بس أقسم بالله الحشيش تمآم :MonTaseR_33: من عجائب المرأة السعودية انها تعرف صديقتها وهي متغطية وشلووووون :th_2mo5pow: مافي جملة سعودية تلحس مخك مثل هاذي قوموا نجلس .. تعبنا وحنا قاعدين نمشي – ترجمها للانكليزي :SnipeR93: أخي المسيكين اذا قال لك احد ابشوف وارد لك فاعلم انه قد تم تصريفك! :MonTaseR_93: والله ما يندرى عنك كلمه تقولها أمي إذا ما عندها أدله على كذبتي صدقيني لو مره :28: في اسبانيا تلقى جواله بالانجليزي واللابتوب برضو بالانجليزي اما اذا وقف عند الصراف يختار اللغة العربية الفلوس مافيها لعب :iqf03163: وتبقى قناعة اعيالنا ليش أرتب سريري وأنا برجع أنام عليه؟ ياخي النظافة من الايمان :MonTaseR_166: الطريقة هذه مهب عندنا بتاتاً :MonTaseR_43: لو تتحرك الوالدة شبر من مكانها كلنا نسألها: وين بتروحين؟؟ :MonTaseR_163: في بيتنا تشحن جوالك بكل هدوء و فجأه ترجع بعد خمس دقايق تلقاه مفصول ومشبوك جوال ثاني بداله :wed39: نشوف المحل الثاني ونرجع لك عملية سحب على المحل بطريقه فنيه :o: أكره حركة يسوونها الأهل إذا جو يصحونك من النوم يسكرون المكيف ويفتحون الستارة :th_2mo5pow: |
اهـيـم بصــــوتك يــــابعــــد روح مغليــــك واروي عـــذاب العشــق من روعـة حروفــــك أحـــبك وأعـــشـق طيبتـــك اللــي تحليـــك واكـتـب على كفــوف الزمــن ندرة وجــــودك |
حيّ الصّباح اللي يساوي ملايين واللي بدونك ما لقى الصّبح لونه |
أمل منكم الاستمتاع بالقصة الجميلة من يمر مدونتي حياكم الله كان يا ما كان كان في قديم الزمان وسالف العصر والاوان كان هناك شخص يدعى علي بن لبدان المهم علي بن لبدان هذا كان كل امنياته في الحياه انه يصير شيخ قبيله لكن ما فيه مقومات وما احد بيعطيه مجال لان الشياخه لها ناس واخرهم علي بن لبدان بعد ما يأس من الشياخه في قبيلته قال يا ولد انا بافصل لي جنبيه زي حقت الشيوخ واكتب عليها الشيخ علي بن لبدان المشكله ما فيه دراهم قام باع الغنم كلها علشان يفصل الجنبيه(الحلم) فصل الجنبيه وكتب عليها: الشيخ علي بن لبدان قاتل ميه ومعتق ميه علشان الشياخه تكون على اصولها المهم طق في الارض بعد ما باع كل شي علشان هذي الجنبيه هائم على وجهه لا فرس ولا حتى حمار ولا قليل ولا كثير ومشى وابعد عن ديرته بعيييييييييييد المهم من كثر التعب جلس تحت شجره ونام خ خ خ خ خ وهو نايم الا ويشوفونه مجموعه رجال جوا قربوا منه وبدون ما يحس طالعوا فيه طالعوا في الجنبيه: الشيخ علي بن لبدان قاتل ميه ومعتق ميه الله يكفينا شره هذا ماهو بسيط هذا مطلوبنا هذا اللي بيحل مشاكلنا المهم صحوه برفق ولين شيخ وقاتل ميه يعني العفاشه ما تنفع معه المهم قام الشيخ علي خير وش فيه (من الخوف طبعا) هم : لالا ابدا بس قلنا تتفضل عندنا هنا يا شيخ علي هو: هاااه الشيخ علي طيب طيب (اول مره يسمعها في حياته) هم : تفضل تفضل المهم راح معهم قهووه وغدوه وريح وقيل عندهم وقالوا له روس القبيله عازمينك الليله على العشاء وطلبناك ان تقول تم قال تم تم المهم اجتمعوا وتشاوروا قبل ما يجي الشيخ المزعوم ويوم جا وتعشى واللي عليه بالخير قالوا له العلم سلامتك حن قبيله ضعوف ما عندنا فارس ولا عندنا شيخ وقطاع الطرق ذبحونا ما يمر يومين الا وهم داخلين عندنا ياخذون اللي يبغون من حلالنا وحن لا حيله ولا بصيره لمعت عيون الشيخ علي من الفرح قالوا له اسمع حن بنحطك شيخ لنا كلنا طبعا الشيخ علي على طول قال انا موافق(حلمه القديم) قالوا بس فيه شروط الشيخ علي يتمتم :انا لله وش شروطه؟ طيب وش شروطكم قالوا فيه ثلاثه اختبارات ان نجحت فيها تاخذ الشياخه وان ما نجحت فما لك عندنا الا ضيافه ثلاثه ايام الشرط الاول اختبار الفروسيه والقتال الشرط الثاني اختبار الشجاعه الشرط الثالث اختبار الذكاء المهم فكر الشيخ علي شوي وهو عارف ان ما فيه ولا شرط ينطبق عليه قال يا ولد خلني استفيد قدر المستطاع على الاقل اذا جاء اختبار الفروسيه اخذ من عندهم فرس واحط رجلي قال لهم انا موافق قالوا اختبار الفروسيه بكره جهز نفسك جاء اليوم الثاني قال انا جاهز قالوا له نبغاك تقاتل قطاع الطرق وترهبهم علشان ما عاد يرجعون لنا قال طيب بس ابغى فرس متعوده على الكر والفر قالوا جاهزه والسلاح جاهز طبعا الرجال عمره ما ركب خيل قال ابغاكم تربطوني على الفرس ربطه ما تنفك ركب الفرس وربطوه ربطة الشر اخذ سلاحه قال وينهم قال في الجهه الشماليه قال طيب وراح يوم ابعد وهو يفرك جهه الجنوب ومشى الا والله ان قطاع الطرق قدامه ويوم تشوفهم الفرس وتقول بسم الله وعليهم والشيخ علي يحاول ينزل يمين شمال يحاول يوقف الفرس ما فيه فايده رايحه لهم رايحه وهو مربوط ربطه شينه وهو يطالع الا شجره قدامه ويوم وصل جنبها وهو يتمسك بها مضبوط لكن الربطه كانت اقوى وهو يقتلع غصن كبيييييير ويوم شافوه قطاع الطرق وبيده الغصن الكبير هذا وطريقته في اقتلاع الغصن خافوا منه وسلوموا واستسلموا قالوا هذا الداهيه عزا الله بيذبحنا كلنا اللي قلع ذاك الغصن وراعي هذا الهجوم الخاطف ما لنا الا نستسلم يوم شافهم الشيخ علي مستسلمين قال يالله يا كلاب واحد منكم يربط البقيه والا والله لاذبحكم ذبح الشاه المهم ربطهم كلهم وسحبهم وراح للقبيله وهم قدامه مربوطين زي الغنم ويوم شافوا القبيله قطاع الطرق مربطين قالوا عزا الله شيخ ولد شيخ ويفكون الرباط اللي مربوط فيه على الفرس ويهنونه ويكرمونه ويريح الشيخ علي وهو يقول في نفسه راحت الفرس ورحت انا فيها جا اختبار الشجاعه قالوا له فيه اسد دايم ياكل حلالنا ونبغاك تقتله قال هاه اسد عدلوا بدلوا قالوا اسد قال طيب اتركوه عليه بس ابغى فرس بس غير الفرس هذي (ما تنفع له يبغى وحده حبيبه ما هي حقت مشاكل) قالوا طب وتخير يا شيخ علي المهم لقي وحده هناك شكلها ضعيفه مالها في المشاكل قال هذي قالوا يا شيخ علي هذي تعبانه ما هي حقت كر وفر وانت بتقابل اسد قال انتوا تعلموني الكر والفر وبعدين من هو اللي بيقابل الاسد انا والا انتوا قالوا خلاص يا شيخ علي انت ادرى المهم اخذ الفرس التعبانه ويوم يبغون يربطونه قال لالالا(خايف من الورطه القديمه) كل معركه ولها طريقه اخذ الفرس الحبيبه هذي وتوكل من وين الاسد هذا اللي يطلع لكم قالوا من الشرق قال طيب خلاص ازهلوه ويوم ابعد وهو يروح غرب مشى وهو يقول: قالوا اسد مجنون انا؟ ومبسوط من الفرس تمشي على اقل من مهلها مشى الرجال الى ان تعب وهو يشوف ذاك الشجره الكبيره قال اريح هنا المهم ربط الفرس وطلع هوه فوق الشجره ونام شويه الا والاسد محضر الله لا يوريكم الشجره هذي بالذات محل ما يتكي الاسد الفرس من يوم ما شمت ريحة الاسد وهي تحط رجولها وتعود لاهلها والشيخ علي نايم في سابع نومه نام الاسد والشيخ علي ينقلب ويطيح على ظهر الاسد وينفر الاسد لكن الشيخ علي من كثر الخوف تمسك مضبوط لانه عارف انه لوطاح انه بيروح فيها ويحاول الاسد يطيحه يحاول لكن الرجال متمسك مسكه خواف يعني متسمر فيه ويحاول الاسد يطيحه يمين شمال ما فيه فايده الرجال مسمر ولا هو ناوي يفكه المهم وبينما الصراع (صراع من اجل البقاء) قائم بين الشيخ علي والاسد القبيله هناك بعد ما رجعت الفرس عرفوا ان الشيخ علي تعرض لمكروه وهم ينفرون كلهم ويلحقونه ويجون الا والله الشيخ علي متمسك بظهر الاسد والا سد يحاول يطيحه ويجي واحد من القبيله ويقتل الاسد ويطيح الاسد ويموت والشيخ علي متسمر فيه ويجون عنده الا وهو زعلان مررررررررره زعلان قالوا الحمد لله على السلامه يا شيخ علي قال الله لا يسلمكم قالوا ليش قال من اللي قتل الاسد قام واحد وقال انا قال الله لا يوفقك قالوا لييييييييييييييييييييييييييييييييش؟؟؟؟؟؟؟؟؟؟؟؟؟؟؟؟ قال انا كنت قاعد اروضه ابغاه ركوبه لي وتجي تقتله حسبي الله عليكم المهم اعتذروا منه وتسامحوا منه والرجال يسامحهم وياخذونه ويرجعون على القبيله ويعشونه ويحتفلون به الفارس العظيم مروض الاسود المهم هو يفكر يقول راحت علي الفرس لانه عارف انه ما بينجح في اختبار الذكاء لان ما فيه مجال للحظ في هذا الاختبار جاء موعد الاختبار النهائي اختبار الذكاء المهم جابوا تنكه وحطوا نصها عسل والنص الثاني الله يكرمكم (بعر) وغطوها وقالوا يالله يا شيخ علي تقدر تقول لنا التنكه هذيك وش فيها المهم الرجال قعد يفكر في وضعه لانه عارف انه ما راح يعرف يفكر كيف الكرم اللي كان فيه والامجاد اللي عاشها اليومين اللي راحت مع هذا القبيله اللي نادوه باغلى اسم عنده وهو الشيخ علي فكر فكر وكيف بيكون وضعه بعد ما يروح من عندهم وهو يتكلم مع نفسه وهو يتزفر زفرات من قلبه وبدون ما يحس طلع من لسانه جزء من الشي اللي يفكر فيه قال : اللي اوله عسل اخره( بعر ) كلهم صاحوا صح صح جبتها يا شيخ علي وهم يحتفلون به وهو ما يدري وش السالفه الا بعد ما فتحوا التنكه واخيرا تحقق حلم الشيخ علي واصبح شيخ قبيله وسلامتكم : اتمنى ان تكون القصة ر اقت لكم ونالت إستحسانكم |
بشر عسى اخبارك تغيض المعادين وعسى السعاده ماتفارق شفاتـك جعل الكدر يجفاك من بد المخاليق وعسى الفرح وياك لأخر مطافـك |
جميل أن نعيش سُعداء ،والأجمل أن نتمنىٰ السعادة لِمن نحب 💜🎼 |
سُبْحَانَكَ اللَّهُمَّ وبَحَمْدكَ أشْهدُ أنْ لا إلهَ إلا أنْتَ أَسْتَغْفِرُكَ وأتُوبُ إِلَيْكَ ... |
اسمع صدى صوتك وادورك وين انت؟ واصيح بين الناس سامعك وينك ؟ ردوا علي الناس ..مسكين يا انت اللي سمعته بين نفسك وبينك الصوت هذا مصدره داخلك انت في وسط قلب ساكن نور عينك |
خيلتك وانا جالس بين الناس وحداني تذكرتك وقمت اضحك بس العين زعلانة ..!! راحت تشكي وتقول متى بأشوف خلاني ؟ فجــــأة اذا بالنــاس بدت تســأل ولهــااانـة !! ورى عينـك تصـب الدمـع عسـى ماهو خبـر شيني ..!! تبسمـــت وقــلت : لا جفــووون العيــن تعبـــاااانة ..!! |
أشكرك على التقييم أخ موعود منور المدونه بطلتك وحيآك الله في اي وقت ولكل من يمر منورين |
مايموت الشوق واغصانه نديـه .. ولايموت اسمٍ يهذري به لساني .. يشهد الله كل ماتطـري عليـه .. تسرح افكاري وأعيش بجو ثاني ..! صبحكم الله بالخير :eh_s(21): |
أراهم جميعاً يحيطون بي كلما نظرت لوجه أحدهم أرى وجهَك يطل علي من بريق عيونهم أشتقت أن أراك في محيطي فَ رغم حضورهم إلا أنك أيها الغائب أكملهم حضوراً.! |
| الساعة الآن 07:15 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا