الله يا انتي البارحه
كنتي حنونه!
شلْتي عن عيني الظلام
وشلْتي عن قلبي ظنونه
كنتي منديل الفرح
حضن الدفا
والنسيم اللي قرا تعويذته
على همّي لين غصنه
صار طري
واكثر ليونه!
كان كلامك..
يروي احساسي عطر
كان يصبّ الماي
في يابس غصونه
وشكثر كنتي حنونه!
وشكثر .. كان ودّي أغفى
بين حروفك
وأنا اشوفك..
من ورا صوتك المليان غيم
ويهلّ في صدري مزونه!
وأتعطّر
وأتشجّر
وكل مساي .. يصير أخضر
وينتثر بعروقي لونه!
كنتي أقرب.. لي منّي
كنت أحسّ
كل ما فيك يا عمري
يحَضنّي
وأنا كنّي..
صرت ربيع
والمطر حالف أبد
ما راح يخونه!
كنت طفلك
وكان ودّي اعترفلك
إني أول مرّه
ما احتاج لغطاي
وإني أقدر
أقضي باقي أيامي
بدونه!
الله يا انتي البارحه
وشكثر كنتي.. حنونه!

ذاتي عدوّي؛ ونفسي حينَ أكبحُها
وفي عيـوني عيـونٌ من مُعـاناتي ،
ٰ
وأنتَ أعلمُ .. يا اللهُ أنَّ دَمي
يجري بحبِّكَ، فانصرني على ذاتي!

مدري هذا رجا نفسي الأخير الخجول
‏وإلا من وحشة عيوني ... ومن خوفها ؟

‏ دمعتي يوم طاحت لك بطيئة نزول
‏ كنها معطية لك .... فرصه تشوفها !

كم واحدٍ يمشي على غير ممشاه
ما جاته الدنيا .. علـى ما تمنى !
ً
يطـرد ورى حظـه .. وحظـه تعداه
وغيره يجي حظه وهـو : ما تعنى

وما أزال أشتاق واوله واحاتي
وقلبي عليك من الحنين متواكل

مع أنك أكبر مشكلة في حياتي
إلا أنك الحل لجميع المشاكل ..