/
دام حسْنك غير | وعيونك هلاك
لا تلوم الناس لا طاحوا../ عليك!


أنت مثل الحلم في هيّئةْ | ملاك
من يشوفك قال: من قلّبه أبيـك!


طاغي ٍ بالحيـل | معذور بحلاك
لعنبو دارك وش.أللي ماهو فيك؟


الترف واللِيـن مَعْ فتْنةْ حَياك
والدلال أللي رهن اصْبع يديك


من يلوم الناس لا دجّتْ وراك!
(حتى انا !) الله يسترلي عليك (:

"





من كثر ما مرو على قلبي كرام ؟
وقفتهم بين الحقيقه والوهم
ٰ
الا أنت ياللي لك محطات آهتمام
أن لم تكن أنت المهم أنت الاهم



ذآئقة

الجو جميل اليوم

يستاهل احساسك

غيم ورذاذ ناعم

صبي الندى بكاسك

خلي ربيع الارض

رجلينك البيضا

و شال السماء راسك

امتدي طول الكون

امتدي عرض الكون

توزعي صيري

في كل شئ حولك

نبض

و صفا

و عيون

خلي قزح ريشه

و الدنيا كراسك ..

اليوم بأمكانك

تعدين رسم الكون

على هوى جنونك

و فوضاك

وهوجاسك

خلي خيوط الشمس

و اللي انفذت غفله

من بين هذا الغيم

خليها لون ازرق

و خلي السحاب اخضر

و لون المطر اورنج

و ثوب الشجر وردي

و بنفسجي فاتج لون الغصون

و الناس .. ممكن تكون حمرا

ممكن تكون صفرا

ممكن تكون اي لون

اختاري لون ناسك

اليوم انتي الكل

و الكل فيك انتي

اليوم كنه جاي قدك على قياسك

خلي الجنون اللي في داخلك ينطق

صبي البحر في البر

وسمي المواني شيح

خلي نجوم الليل

على الدروب تطيح

و تنبت على الاسفلت

وفوق في السما رشي

ياقوتك و ماسك

و لمي اللي متبعثر

او بعثري اللي تشوفينه متماسك

عيدي الحياة للموت

واغريه بانفاسك

ولا اقولك شئ

ليش ما تجين يمي

نحضن سوى غيمه

نبلل عواطفنا

و ننثر ورود حمراء على شفايفنا

و قلبي يبوس قلبك

كل ما الرذاذ باسك

تعالي و نعتق

جمال هذا الصبح

في كاسي و كاسك

ونشرب طوال اليوم

من ماي نشوتنا

مع هالمطر

و الغيم

و احساسي

و احساسك ..

"



عطيتك لين استحى مني العطا
ولا استحى وجهك ولا قدّر عطاي
خطاي جيتك كلي وهذا الخطأ
الله يسامحني ويغفر لي خطاي

" ذآئقة "




/