عسى السحاب اللي تثقّل بالأمطار
تنثر على (وادي حنيفة) مطرها
تنثر عليه من المخاييل مدرار
تسقي طلول سهولها مع وعرها
دارٍ لها في ماضي الوقت تذكار
يجيبنا تاريخها عن خبرها
بَنَت لها عزٍّ ملا كل الأقطار
عزٍّ على حكم الشريعة عمرها
يا ما دعت للدين بالسر وجهار
وياما تُلي بأقطارها من سورها
واليوم صارت حسبة أطلال وآثار
تهدّمت حيطانها من حجرها
وقفت فيها حاير الفكر محتار
ذيك القصور النايفة وش دمرها
سبحان من دبّر بكونه له أدوار
مجري العيون الجارية من حجرها
يرفع وياضع.. عالمٍ كل الأسرار
يعلم منافعها ويعلم ضررها
إلى حكم بأمره جرت كل الأقدار
ما ينفع العين البصيرة بصرها
لي لفتةٍ لأهل البصاير والأبصار
تاخذ من صروف الليالي عِبرها

والله الفكره بطططله ليت تتثبت بالقسم

الله يعطيتس العافيه عاقدة :MonTaseR_65:

ياقو قلبك


من قيض دنياي جيـت ادور ظلالـك
وارتاح من عقب ماأشقتني مسافاتـي
هالك وضامي مشاعر والبدن هالـك
يايبس ريق الخفـوق وقـل حيلاتـي
واللي جعلني بلا تفكيـر أسعـى لـك
اني لأحسدك فـي صبـرك بغيباتـي
ياقو قلبك اقـل القـول ؟ وش حالـك
شحّيت وش عاد لوني قلت لك تاتـي
هبّتني اشواق لك وارسيت في جالـك
وبالفعل الأشواق تجري عكس مشهاتي
لو هو بيديني أبـد والله مااعنـا لـك
لكن شوقي فضـح بقلبـي بنظراتـي
جيتك مجمّع حكي من يـوم ترحالـك
وصوّخ اذانك لصوتي واسمع الآتـي:
ماأبـدن سئمتـك ولا ببـدل إبدالـك
به حي قد قال لك سئمت نبضاتـي ؟
نعـم أحبـك ولا علـي بإهمـالـك
وان كان حبك غلط ؟ ياحلو غلطاتـي
هـذا انـا ياحبيبـي بآترضّـا لـك
من يوم قفّيـت وانـا العلـه بذاتـي
قفيت بالحالك ؟ ابدن ماانت بالحالـك
خاوتك فرحـة خفوقـي وإبتساماتـي

تضيق نفسي لين يشره على قلبـي فمـي
وأنا أترجّـا فمنيـات الحلـول المزمعـه

لا يبن أبوي شلون . محتر وأطغي وأحتمي
والوقت لامنّه زمـا راس حضّـي يقمعـه

أن جيتها ف الاصدقا؟ أوووف ياوفرة دمي
كم واحدن خلاّ جميلي على راس أشمعـه

مانيب متحسّف جعل مال جافينـي سمـي
لان أدري المحراب ماهوب مثل الصومعه

تتغثبر الدنيـا ولحظـة.. صفـوّ الأدمـي
اليا سجـد الله وسقّـت دموعـه مدمعـه

وأنا أدمعت عيني وما اكميه عاده منكمـي
بين أنتضام عروق قلبي مسـوّي معممعـه

ياوجد حالي وأنكساري وغيبـي وعدمـي
وجود من جمّع حلاله وضاع اللي أجمعـه

المشكله.؟ ماهيـب نفسـي وزلاّت قدمـي
وماهيب بحّة صوت أحبّه ولاعاد أسمعـه

المشكله؟ لاجات من بين دمّـي والحمـي
مدري من أخلّي ولا أدري من اوقّف معـه

ياقلب...مامرك ...حبيبك. وكلم ..؟
....... أول بخل بالشوف و الحين بالصوت ..





فرصتك ...ياقلبي تعيش... وتعلم .
........إن الهوى والعشق... نزوة وبتموت ..

إجمع سنينك..للفراق ...وتولم ..
........وإضحك عليها ..كل مافاتك الفوت ..

ياسيدي ...والليل غطى وظلم ..
.........وأنا صحيت وفي يدي سبعه كروت..

كتبتها ...لك يوم كنت. أتحلم ..
........في شوفتك والشوق مرمر و ياقوت ..

عليك صبري ..بين الأضلاع علم ..
.....عليك شوقي ...داخل القلب مكبوت ..

وأنا الوحيد اللي .... بقربك تألم ..
......تعطيني السكين وأعطيك أنا التوت ..

أكلمك و العذر...غالي .. وسلم ..
........وإلا الصراحه جد .. مشتاقلك موت ..

أمانتك .....لاضقت .. مني تكلم ...
......وأنا أوعدك ماعاد أسَمِعَك.. هالصوت