|
يا عين هلي صافي الدمع هليـه وإذا انتهى صافيه هاتي سريبـه يا عين شوفي زرع خلك وراعيه شوفي معاويده، وشوفـي قليبـه إن مرني بالدرب ما أقدر أحاكيه مصيبـة يـا ويّ والله مصيبـة اللي يبينا عيت النفـس تبغيـه واللي نبي عجز البخت لا يجيبه |
يسلموووووووووووووووووووو |
يا بوي واوجدي على الصبح مطلاع وجد الطوايا أللي على الما حيامـي داجن و راجن ثم راحن مع القـاع ما قدمهن غير الدرك و المظامـي |
لا والله إلا هوجس القلب واختـب واطني اركب فوق خطو الهجيني يا عيني اللي كن في جفنها شـب تهل دمـعٍ مثـل وبـل الغشينـي يمكن اترك الشوق من كثر ما حب والزوج ما يدخل بحـب الجنينـي يا خال يا مشكاي يا حامي القـب إذا اعتزوا بظهورهن محتسينـي الله على عوصاً تجي بالخبر غب من دار ابويـه خبرتنـي بحينـي |
أحبك كثر ماتبرى جـروحٍ لامسـة يمنـاك أحبك كثر ما يلجـا فقيـر الحـال لسكآتـه أحبك بس لو تعرف وش اللي بالحشا ينخاك وربي لو كشفت اللي بقلبي!!مـت لرضآتـه أنا وشلون ابين لك غـلاك ولهفتـي للقـاك انا وشلون اعبر لك عن اللي بيـن طيآتـه أنا لو قلت لك ببعد وابرحل وانتحي وانساك لسانـي!! واعرفـه لازّل ياشيّنـه بزلاّتـه تعال ارجوك شفني من رحلّت وعبرتي تنعاك تعال وظمني ياحـي ذا الطـاري وظمآتـه تعال وداوني ,,واللي خلقني يالدواء بشفـاك يقولون الجمر طب المريـض بحـر كيآتـه تعال وخل عنك الصد والهجران!! مايزهـاك حلاتك توصل اللـي يـم دارك زاد جيآتـه أنا والليالي وابيات القصايد فـي امـل لقيـاك اقول الشعر والليل الحزيـن يعـدّ نجمآتـه نعزّي نفسنا ننطر تسابق لهفتـك وخطـاك نقول ان الخطى تقصر ولا تسبـق للهفآتـه أماني عاشت بصدري اغاني داخلي تهـواك تموت ان غبت وان رديت عاش الليل وابيآته أنا مقدر على بعدك على صدك على فرقـاك يموت بغيبتك قلبٍ نزف لك حـر حسرآتـه دخيل الصبح في وجهك دخيل الليل لا غطّاك دخيل الرمش لاسيّر علـى خـدك بسجآتـه دخيل الجمر والسكردخيل البلسـم! الفتّـاك دخيل اللي تثنّـى ليـن عذبنـي برقصآتـه أمانه ترحم اللي شاف منّك صدتـك وجفـاك دخيلك تدمـح الزلـه وغلطآتـه وهفوآتـه أحبك من هنا لاخر هنا لاخـر هنـا لهنـاك احبك لعنبو حي الرضيـع وحلـو غفوآتـه ... |
مايليق من الحديث الا جميله ولا يطيب من الفعول الا الجزيله والمواقف تختلف فيها المواقف والكلام يعوض عن كثره قليله هيه يااللي في ثرى لندن لعبتوا احتفلتوا والله اعلم بالحصيله ما دريتواعن جبل دخان وينه وما دريتوا عن رجال فالثويله الرجال اللي على الحد الجنوبي الرجال اللي يشيلون الثقيله جاعلين الروح دون الدين ترخص والوطن دونه هم سيوف صقيله والرجال اللي بعال الجو طاروا يوم طاروا ضيع الخاين دليله بالنهار وبالليالي ما استراحوا خلو الحوثي على نار ومليله والرجال اللي على طول السواحل ما يعرفون التعب والمستحيله فارضين الحظر والهمه قويه ما يجي للخاين المجرم فتيله يوم بعض الناس همه في فريقه همنا كيف الوطن همه نزيله ------------------------- |
| الساعة الآن 04:01 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا