09-26-16, 01:30 PM
| #1 | ||||||||||||||
  
| 
الا ليت ربي يوم سوى لقيت الناس مامنهم سلامة .. لزوم يلحقك منهم ملامة .. ولا تحسب حلالك لو تبيده .. يبي يحماك من هرج الفدامة .. بذرت الجود في من لا جزاني .. سوى ذم إلا هبت ولامه .. حقود القلب نقال الوشايا .. هذور سهمته نقل النمامة .. إلا من طرى له ماطرى له .. تكلم ما يثمن وش كلامه .. يقوله يزعم أنه مازح به .. وهو ينقض ويفتل في عدامه .. دخيل الله من خطو السملق .. إلى بالهيذوان أطلق لجامه .. ألا ياليت ربي يوم سوى .. عبيده حط للطيب علامة .. على شان الذي بالناس جاهل .. يعرف الحر من برق الجهامة .. لجل بالناس شيطان ملبد .. ولو لوى على راسه عمامة .. يغرك بالسلام والتخفي .. وهو شيح وجثجاث طمامه .. مثل هذا تحذر منه جدا .. ولا تدني مقامك من مقامه .. وبعض الناس في ممشاه رابض .. يختل الناس في قل اهتمامه .. وبعض الناس يبدي لك نصيحة .. ولكن ما تعرف وش مرامه .. وهو ما مقصده نصح ولكن .. يبي يلبسك للحاجة خطامة .. وإلا منه قضى بك مايريده .. أخذ سده وضربك المهامة .. وبعض الناس يوري لك محبة .. وأرق من البريسم في تمامه .. إلا قام يتمسكن بالتلفظ .. تقول أطهر وأصح من الحمامة .. وبعض الناس محمود السجايا .. رقى العليا بعزمه والتزامه .. إلا منه بدى لك فيه لازم .. قضى لازمك ما ثمن حطامه .. كما أنه وافي في كل خصلة .. عريب الجد خاله من عمامه .. أسأل الله يرفع كل خَير .. عن الخذلان لا يهفي مقامه .. قضى نظمي ومالاق بضميري .. حلاة القيل مبداته ختامه .. أقول الناس مشكاهم على الله .. لزوم يلحقك منهم ملامة .. | ||||||||||||||
| |
|
09-26-16, 01:45 PM
| #2 | ||||||||||||
| 
ساري الشوق قصيدة في غايه الجمال والابداع حرف مبهر وذوق انيق سلمت يداك والف شكر لك من الاعماق واصل فانا اتنفس جديدك ودي واعجابي. | ||||||||||||
| |
|
09-26-16, 01:47 PM
| #3 | |||||||||||||
  
| سلمت على روعه طرحك نترقب المزيد من جديدك الرائع دمت ودام لنا روعه مواضيعك لكـ خالص احترامي | |||||||||||||
| |
|
09-26-16, 02:40 PM
| #4 | |||||||||||||||||||||||||||||||||||
|
حياك الله قيثار الحب منورنا بطلتك واسعدتنا بكلماتك الجميلة يكفي لنا وجودك بموضوعنا وردك الرائع ودي لك واحترامي | |||||||||||||||||||||||||||||||||||
| | ||||||||||||||||||||||||||||||||||||
|
09-26-16, 02:41 PM
| #5 | |||||||||||||||||||||||||||||||||||
|
حياك الله شيخ الذوق منورنا بطلتك واسعدتنا بكلماتك الجميلة يكفي لنا وجودك بموضوعنا وردك الرائع ودي لك واحترامي | |||||||||||||||||||||||||||||||||||
| | ||||||||||||||||||||||||||||||||||||
|
09-27-16, 04:49 AM
| #6 | |||||||||||||||
   
| وبعض الناس محمود السجايا .. رقى العليا بعزمه والتزامه .. إلا منه بدى لك فيه لازم .. قضى لازمك ما ثمن حطامه .. ياسلااام ابيات رائعة للشاعر ابراهيم بن زيد المزيد رحمه الله الرائع ساري الشوق دام التألق ودام عطاء نبضك كل الشكر لهذا التميز لك مني كل التقدير وبآنتظار روائع جديدك ودي وعبق وردي  | |||||||||||||||
| |
