((من باعنا بقرشين بعناه بتراب))
 

ياللي كحلت العين وخضبت بخضاب
صبرك علينا والفرج صبر ....... ساعة
عسى الله يقضي بامرنا دون الاسباب
والا يجينا بالسبب .......... والشفاعة
نويت اهاجر واترك الدار ..... والداب
وابيعهم بيع البشر ............ للبضاعة
من باعنا بقرشين بعناه ........ بتراب
والله ما يطري على بالي ...... وداعه
الحر ما يصبر على ذل ....... الاقراب
يقلع مع النسناس يطلق ..... اشراعه
له ماكر فوق العوالي ..... والاهضاب
ما دنق يلقط حب عند ...... المجاعة
والرزق من الله ربي ما سكر ... الباب
رزقه وسيع ونحترف وسط .... قاعه
والحظ دايم بين غالب ....... وغلاب
نوب يغيب ونوب ياتيك ....... طاعة
هذي هي الدنيا بها خوف ... وارهاب
وفيها تسيد الرخيص ........ الرعاعة
وفيها تسيد كل هافي ........ وكذاب
وياكثرهم ناس الردى ....... واللكاعة
يالله دخيلك من زمان غدا ...... ناب
يقرض بنا والظلم زاد ......... اتساعه
يانفس فوقي يكفي اعتاب واحساب
ما عاد فيها بينهم لي ......... اطماعة
يانفس فوقي ما بها خيل ... واركاب
فوقي المذلة ما بها لك ......... براعة
يالله مشينا ناوي دار ........ الاحباب
دار الصغير الملتهي ......... بالرضاعة
هو ونستي من بين ربعي والاصحاب
وهو راس مالي بينهم ...... والجماعة
وهو محزمي في ساعة هاب من هاب
يرمس عليهم والخطر في ...... ذراعه
اخترت له خال كما ذيب ........ بغاب
سبع صميدع ما يعيش ....... الخناعة
ولا خاب ضني في صغيري ولا خاب
الله من يوم نكر ............... بشجاعة
وناخذ حقوق عجزت كل ....... طلاب
ولا ضاع حق يطلبونه ......... اسباعه
ولا خاب من دور على طيب الانساب
ولا كل بضاعة بالبضايع ....... بضاعة
يقوله اللي من بلا الوقت .... منصاب
الوايلي يشكي من الوقت ....... لاعه
تمت وصلى الله على كل ... الانجاب
جيش الصحابة والنبي ..... بالشفاعة

القارظ العنزي

عجبنى البيت 16

صح لسانك
يالعنزي
ابدعت

حنيتني يالحنايا ولمتني .. فيه
وجهة نظر لك على قاف كتبناه
لو تدري عن الحنايا وش تعانيه
ما لمتني يا عزيزي في خفاياه

اسعدني يالحبيب الحنايا مرورك الكريم ، ووجهة نظرك الغالية ، وذوقك الراقي .

من ذوقك العذب افلفلون يسعدني مرورك واعجابك .