|
ملكتني كلّي وش عآد بآقي مآخذيته .. ❁ [marq] بسم الله الرحمن الرحيم هنــــــا ❁ مدونتي ❁ غرفتــــــي ❁ متـنـفســـي ❁ وطني وغربتي ❁ فرحـــي وحـزني ❁ شهيقي وزفيــري ❁ ♡ملكتني كلي وش عاد باقي ماخذيته ؟! ♡ابيك عطر لا عصف فيني الشوق اشمه ♡يانعــــــــمة النســيان يارححــمـــة الله |
حبيبتي تحفه من النوع الفريد.. لجيت بمدحها اخاف اذمها.. لان المديح بها ينقص ما يزيد.. ولانها خيال وطايش وما همها.. متمرده وبعقل هارون الرشيد.. وفي الزين ما عذرى توقف يمها.. لو قستها مثلا على الجيل الجديد.. تحط حليمه بولند في كمها.. من غيها السادات سواد العبيد.. تحر وتبرك عند ركبة عمها.. ومن غيها لامن تفنت كل حيد.. وده يصير انسان لاجل يلمها.. ومن غيها حتى الدهن عود العتيد.. يسيل في يدها عشان يشمها.. ومن غيها لا من خذت نفس جديد .. تهاوشت الانفاس على فمها.. لبيها ام الفكر ام القصيد.. لبيها من ضحكها لا غمها.. اللي بقوله الله جعله الحظ السعيد.. والله يخليها لابوها وامها.. #سعد_علوش |
كالموت أنت.. أتيتني فجأة.. سرقتني شتتني أذهلتني ملكتني عصفت بأنوثتي و أغويتني فوُلِدتُ فيك و من ضلعيك أنجبتني دللتني.. غنجتني بالعشق سكنتني❤ |
السلآم عليكم :s: اممممممم تشتت ذهني رغبة بالهروب من الواقع احس بطفش و ضغط مدري عشان الاختبارات قربت والفترة اللي راحت كنت متقوقعة على نفسي بس اذاكر واجتهد وادري ربي ماراح يضيع تعبي بس احس خلااااااااص ابي انسى شوي واغير جوي بيمديني الحق ان شاء الله ............................................ 10 دقائق مشيء كفيلة بتغيير مزاجي بعدا بدرس وبرجع للمنتدى ان شاء الله لازم انهي اليوم مقرر العقيدة :x142: |
اتركني احبك مثل ما انا اريد خل اترجم لك عظيم احساسي بين حضنك غافي انا مثل الوليد يله بوس عيني انت وراسي :MonTaseR_137: |
يا حبيبي فيك ظني ما يخيب لو حصل من بيننا صد وجفا شمس حبك في عيوني ما تغيب وفي حنانك يا بعد عمري وفاء فيك معنى الحب يا روحي يطيب صادق شوقك وشوقي صفا لو تروح بعيد من قلبي قريب في غرامك هام قلبي واكتفاء في غيابك مشتعل مثل اللهيب ومن عرفتك شوق قلبي ما طفاء :31: |
رموشها جيش ٍعلى العين حـرّاس تقتل بطرف العين ضني قبيـــــــــله من شافها ينحر على العيد قـــــدّاس والشعر كوفيره معاها تشيــــــــــله طوله من الركبه إلى هامة الـــــراس والصدر امواجه تغطي مسيــــــــــــله يحتاس فيه العقل والقلب محــــــتاس والخصر ما غطاه قصر الفنــــــــــــيله موديله آخر ما وصل من تلبـــــــّــاس وإذا مشى حسيت في المشي ميـــــــله وإذا تمايل ميلته في توجــــــــــــــّاس مسكين قلبي كم تحمـّل عمـــــــــــــيله رغم الجفا والصد والهجر والبــــــاس انا اعترف ما فيه حب ٍ بديـــــــــــــــله مسموح دام انه على عشرتــــي داس عساه يلقى خير والقى مثيـــــــــــــــله |
لقيت الحب شيء اكبر من اني اخذ انفاسي . |
|
|
مســـــاء الخير مدونتي :27::27::27::27::27: 9/3/1438هـ ليلة الخميس في المجلس اسمع اصالة - ذاك الغبي والله مررررره مشتاقة لعماتي وبنات عماتي مفروض هاليوم انا عندهم اشرب قهوة واتبادل ضحكات معهم بس الظروف غير عن كل مرة بصراحة احب اقول شيء خاص فيني بما ان اليوم خميس وجبت طاري عماتي تقريبا قبل 8 او 9 سنوات كنت انسانة انطوائية ما اروح لاهلي اجلس بالبيت على المنتديات والماسنجر حتى لما يكونون عندنا بالبيت بس انزل اسلم وارقى اكمل تواصل مع الناس من خلف الشاشة رغم اني بالمدرسة كنت قيادية واجتماعية بس بالبيت كنت للاسف منطوية وكنت صغيرة في 1 متوسط الى 3 متوسط وانا على هالحالة ولما دخلت الثانوي تغيرت شخصيتي 180 درجة للافضل ولله الحمد هذا من فضل ربي وصرت اجتماعية مع اهلي وجريئة من ناحية الكلام وما اتردد اقول رايي في شيء وادخل مع الكبير والصغير وحده من بنات عماتي بعمري كنت استحي منها >> :ai: جد كان مغمى علي او مدري وش الوضع الموهم صرت اسولف معها والحين اكثر وحده اسولف معها واخش جو هي يالبى :0741: والحمد لله شخصيتي افضل من اي وقت ثاني واهتم للتطوير الذاتي لدرجة اني أأثر على امي في قراراتها وعلى اللي حولي بشكل ايجاببي :MonTaseR_38: وبس خلصت القصة :MonTaseR_194: |
بعض العرب حبه يوردك الجنون ولا يوصف له غلاه احكاك له مايقنعه وصف الغلا لو وش يكون لو كل حرفٍ بالحرير يحاك له الموت جاك وهو تقلبه الضنون ولا لك الا الصبر....وش وداك له ان قلت ضايق..قال : هونها تهون مايدري ان ضيقتك له وبكاك له تقعد تحبه وانت ساكت ومغبون يمكن بيوم يقال له ما اوفاك له وكانك مشكك هو يمون .. او ما يمون تخيّل ان عفت الصبر فرقاك له غلاه من فوق الغلا ماهو بدون وحكاه سمعك يجبرك بارخاك له ودك تحطه فالعيون من العيون وتبسط على رمضى الثرا يمناك له وتظله من الشمس في ظل الجفون ولا يمر اذنه سوا لباك له وتسج من غيره لونهم يذكرون ومنين ما سجت القدم ممشاك له فلو ٍ يميله الترف ميل الغصون غصن ٍ ليان ومكرمه بسقاك له جديله الى اقفى ستر منه المتون كنّي بريحه لالتفت لدعاك له يزها الملابس ..اي لبس ..واي لون وفالليل وجهه لا ظهر قداك له كيك وعسل لكن ماهو في صحون ودعاك من عين الحسود اغطاك له الله لا يعطيه ناس س ينضلون ويستر عليه من النحل لا ياكله الوصف والتعبير في وصفه يخون غير اطلب الله يستجيب ادعاك له وعذال قلبك في محبته يخسون سكينهم عن قطع حبله حاكله ناس ٍ عن اعراض العرب ما يعرضون وحلوقهم دافع البلا متواكله اللي من لحوم الاوادم ياكلون ودايم على نفس الشكل والشاكله يدعيهم الشيطان للذنب ويجون هذا يقطع له وذاك يواكله في سلمهم اولا بالاكل الاقربون واطيبهم اللي صيدته شكواك له من جاك منهم لا تبّين له سنون واضرب يمينه لا بغى يسراك له يا جعلهم فدوة ثر الغض الفتون اللي على الدرب الطويل اخطاك له طيفه الى نام البشر زارك بهون وطيفك الى نام البشر سرّاك له حبه دفان ومقبرة خضر الطعون بين العظام العوج كنكناكله |
بين جفنك وعينك الف معنى ومعنى وش بقاء للقصايد يوم ترخي جفونك انت ياللي بزينك جيتنا تنتزعنا وسع الصدر وارحمني على هون هونك |
تسجيل دخــــــول بعد ماكان راسي مصدع :MonTaseR_197: |
يشهد الله ماكنت انا احبه وماكنت احسب له حساب كنت اعيش ماني بدربه ماكنت انا بحاجة لعتاب صوته وحضنه وعينه ولبه اشياء اعشقها واكره هالغياب :MonTaseR_145: |
|
:x90: بسم الله الرحمن الرحيم باقي اسبوعين على اختباراتي النهائية :MonTaseR_172: جدولي كالتالي : الاحد : فقه وقرآن . الاثنين : اقتصاد وحديث . الثلاثاء : حاسب ودعوة . الاربعاء :نحو وعقيدة . خلصت من دراسة القرآن والادارة والاقتصاد النحو ونصف الفقه والحسبة وباقيلي 3 العقيدة والحاسب و الحديث والله ولي التوفيق . :x90: |
أيه احب واعشقه واموت فيه والقصايـد كلهـا تشتاقـلـه القصايـد تبتديـه وتنتهـيـه وكل قـافٍ بالقصيـد يمثلـه صاحبي بين البشر ماله شبيه فالظلوع العوج هذا منزلـه من كثر ماني احبـه وابيـه احسد الي معه حتـى اهلـه لو زعل بعت نفسي مشتريه والله انـه مايهـون زعلـه ان طلبني حاجتٍ ماقلت ليـه نعنبو حي الغـرام ومدهلـه كلبوني لو بغاني بيـن يديـه حالفن لـو ماصلـه مابدلـه الفرايد كلهـا لاقـت عليـه بس ابعرف كيف تقدر تاصله كل تفكيري ابعرف كيف اجيه وكان مقـدر اجيـله مشكلـه ايه احبه واعشقه واموت فيه والقصايـد كلهـا تشتاقله |
مرات ابي قربه ومرات ما ابيه=واحيان ودي ما حصل بيننا ود أشوف موتي في عيونه واخليه=وارجع واظمه واعتذر منه وارد أهيم في بحره واضيع موانيه=وتلعبي امواجه من الجزر للمد أصبر ولو صبري تعدى حراويه=اصبر لاجل حبه ولو عام وازوٌد أسهر على دمعي وتضحك لياليه=واضحك على شانه ودمعي على الخد وش عاد يبغى لاجل حبه وانا اعطيه=وياهل ترى ببقى وانا اعطيه ويصد أحترت في وصله وهجره وطاريه=احترت مدري كيف وضعي تعقد ياليت يرحل بس خوفي اناديه=واقول خذني معك ما ابيك تبعد مرات ابي قربه ومرات ما ابيه=واحيان ودي ما حصل بيننا ود |
اذا البعد مادمى لك خفوق ولا بكاك .. من البعد مدري كيف انا ربي احياني .. لي سنين من لاماك لكن عجزت انساك .. على كثر ماوقتي على الحزن قواني .. تجاوزت في عشقك مدى الحس والادراك وهمشت لاجلك كل من جاء على شاني وعطيتك ثلاث ارباع عمري ولاكفاك ومديت لك حبل من اعماق وجداني جهلت الحياه وما اعرف الا اعشقك واهواك ولا همني لو برق عمري تعداني انا افداك ليه تضيم روحي جعل تفداك وليه بجفاك تخصني وتحداني اذا انه جهل في عشق من قدرك واغلاك تكفيك عيني لو ما عبر لك لساني تحاكيك وتذكرك باللي ما هو يخفاك وتشرح لك همومي وشوقي وحرماني انا العاشق اللي ما تهنى عقب فرقاك وانا النازح اللي له عيونك وطن ثاني |
مالقيت من الكلام إلا الكلام ومالقيت من الصبر إلا السهر ، خلني لـ الليل والقمره و نام مآحضر في موعدك غير القمر . |
لاتعشمني بقربك ثم تغيب مابقى فيني من الفرقا جهد كل من حبيت واخترته حبيب لاتعلق خافقي به .. ابتعد. |
مساء الخير الوقت بطيء رغم اني ما انتظر شيء لي يومين احظر دورة عن بعد من 7وربع الى 10 وربع وصراحة تستهلكني واحس اتعب ولا لي خلق ادرس وانا عندي قاعدة الموازنة وعدم الضغط في الدراسة خصوصا انا خلصت تقريبا معظم الاساسيات يعني شديت حيلي الحمد لله الموازنة تخليني احب الشيء اللي اسويه في كل مرة يعني ما اشيل هم اني ادرس مره ثانية وتخليني احب الدراسة واتحمس اني استزيد وان شاء الله بكرا لي موعد مع المستقبل القريب اما اكون او لا اكون تحديد مصير صرااحة واتمنى اكون من الناس اللي تخدم مجتمعها واكون من الاسماء اللامعة وبس حبيت اشارككم مشاعري :b045: |
ياقو قلبك على الصده ويا صبرك وياوسع صدري على صدك ويا صبري وياطول عمرك بذاكرتي وياكبرك وياشيب عيني بشيب عاد ذا كبري والله لون حمل صبري فوقك ان تبرك والله ولو تعتذر منت بعلى خبري ان ما جبرك الغلا ما اقدر على جبرك ياللي على ارض الوفا ما شبرك بشبري تزعل وترجع وتلقاني على خبرك وانا انكسر لك واجيك ادور لجبري طيفك وذكراك طيلة غيبتك سبرك وشوقي لشوفتك طيلة غيبتك سبري امحق وليف ومحبه والا اقول ابرك حسبي عليك اعشقك وانت اتحفر قبري |
ماجبرتك تَبْتَسِم لَهُ لا ولاتضحك مِعاهُ أَنْتِ بِيَدَيْكِ ٱِخْتِياركَ و أَنا ماني لَكّ وَلِي تُدْرِي آنَكَ قَطَعهُ مِنِّي وَما أَتَحَمَّل مِنكَ آه لَيّ مَتَى ياقلبي كَلُمَّة طالِبكَ الحَقّ عَلِيّ ………………………………………. لين شفتك أرتبك واقعد أمشي لك وراه و إنت نبضاتك تزيد وتشتعل في داخلي كلي همي بس رضاك وكل همك بس رضاه و المصيبه بالنهايه ادري إني المبتلي ………………………………………. وأدري أني بكل نبضة منك تعني لي حياة طالبك لا تنبض صير لو مرة خليل هذا يا قلبي أنا عيشني مرة بلاه ياخي ودي كثر ما تشتاق له تتشاق لي |
:s: يشرفني تواجد الجميع في مدونتي ويسعدني تعليقكم في التقييمات على الاشياء اللي تعجبكم دمتم بود :x124: |
آقسىٌ آلألمٌ ،،، أنٌ تبتسمٌ ( لتكذبٌ ) |
*اشتاق لك و انت قدامي علي فكره* يعني تصّور بغيباتك وش أخباري ! |
ركضت بزحمة الدنيا...ادور خاتم الكتاب .. ابنهي قصة الوحدة...احد اطول حكاياتي.. وانا اعرف البشر فيهم...خبيث وطيب ولعاب.. انا مابي احد منهم..يزود من معاناتي.. ابي اعشق مثل غيري.. ابي اهنى ولا ارتاب.. ابي انهي الم خوفي.. وبطرد ظل مأساتي.. ابي اغفى على صدر .. يطمن قلبي المنصاب .. ابي حباً يدفيني.. ويرسم ابتساماتي.. ابي من يمسح دموعي.. اذا ضاقت بي الاسباب.. ابي رأيً يرسيني.. اذا غصت بمتاهاتي.. ابي مما يخليني.. اذا خلوني الأحباب.. ابي اصدق بشر يوفي.. لو رحت لمسافاتي... |
مساء الخير :رجل خجول: شلونكم عساكم بخير بقولكم سر من اسراري انا انسانة اقدر اي شيء ينشرب واعشق الاكواب والكاسات >> شكل امي متوحمة بمواعين ههههههههههه الموهم جد جد اقدر هذي الاشياء . ماعلينا عندي سالفة يالله مرررره تفشل دقت امي علي اليوم قالت حصه بعد شوي بتجي حرمة عطيها غرض :MonTaseR_106: قلت طيب الموهم شوي رن الجرس طلعت عطيتها الغرض ودخلت جأ اخوي فهد بالمتوسط يركض وفتح الباب يبي يشوف الحرمة بعدين ناظرني وهو معصب قلت وش فيك سلامات قال ترا هذي ساحرة :MonTaseR_86::MonTaseR_86: ومعلي صوته انا قمطت هههههههههههه قلت خير وش ساحرة وش ذا الخرابيط قال انها تفتح البيبان بدون مفتاح هههههههههههههههههههههههه مهبلة فيهم هالحرمة هههههههههههههههههههههه بس كان من جده اخوي يتكلم و3 متوسط كبير يعني وش هالخرابيط بس شاف حجابها موب زينا وشكلها توصي احد يفتح الباب اذا وصلت فعيال الحارة يحسبونها ساحرة ياخزياه بس ياااااخزياه وبس والله هذي السالفة واشوفكم على خير بروح اكمل دراسة ماراح تنفعوني لا انتم ولا مدونتي حبيبة قلبي |
سهيت بصفحه كتابي لقيتك باول الاوراق انا لاهي مع كتابي لقيتك كلك اوراقي هلا يا حبي الاول ..هلا يا غايتي مشتاق هقيتك..منت.. في قلبي.. واثرك داخل اعماقي |
- *اعشق تفاصيلك واهيم بملامحك * * * صورتك ياسبحان من هو رسمها تخطي على قلبي وقلبي يسامحك * * *بالضحكه اللي جعلني ماأعدمها |
إي والله انّي آخافك وآمنك وانّي ، احبك .. من اول الدنيا ليا آخرها .. قل للزمن يبتعد لا يبعدك عنّي ، وقل للمشاوير توقف لا نسافرها .. وانقذني ارجوك من تخميني وظنّي ، تعبت اصغّر وساويسي واكبرها .. اجيك مرهق ومتضايق ومتعنّي ، واروح ودموع عيني عنك ساترها .. ودّي اعلمك بـ همومي ولكنّي : اخاف اعلمك فيها .. ما تقدّرها .. وانا حياوي وطبعي من صغر سنّي ، افارق الناس .. قبل اجرح مشاعرها .. آحس باحساس تعبّني وجننّي ، ليت الاحاسيس تتصوّر واصورها .. ودّي تشوف بعيونك كيف تحزنّي ، فكرة : لو تصير ذكرى واتذكّرها .. خذني على قد تفكيري وطمنّي ، واحلف وكثّر من حلوفك وكررها .. احتاجك تكون حاجه ضايعه منّي ، ذخرتها لجل بـ انسى وين ذاخرها ؟ يمكنّي اخاف لا اخذها ويمكنّي : ضيّعتها من يدي عشان ادورها ! |
:th_freezin::MonTaseR_153: جانا البرد ياعيااااااااااااااااال :28: |
يكلمني وانا .. زعلان ويدلعني و يغنجني يقرب فمه .. المليان من اذني ويهمسلي تراني حيل انا .. ندمان ياملي ياكلي وياخلي انا احتاج لك و .. الان ابي منك تلـملــمني تدري وشهو .. الامان حضنك ويدينك على شعري وانفاسك وانا .. بردان تدفيني وتسعدني وتخققني نعنبوك انا بدونك حيل .. ضميان واسمك ياحصه حيل جنني بقلمي اهم شيء واسمك ياحصه حيل جنني :cupidarrow: كتبتها بمناسبة هالبرد اللي لعب فينا يممممممه جا فجأة ويقولون بيصير عندنا سنو :3SR35: وبسوي رجل ثلجي والبسه شال وخشمه جزرة زي الكرتونات وكذا >> مرة متاثرة :MonTaseR_98: |
السلآم عليكم متابعيني >> مره مصدقة :MonTaseR_212: وش اخباركم ان شاء الله بخير اليوم ابي اسولف معكم بس موب الحين بالليل عشان يكون الوضع هدوء ومافيه قروشة :MonTaseR_212: بقولكم طريقة الهوت تشوكليت اللي اعشقه للكوب الواحد 4ملاعق وسط حليب بودرة ملعقة كبيرة شوكلاتة نيسكويك ملعقة صغيرة تشوكليت مر ملعقة صغيرة فانيلا >> :blush-anim-cl: ضماي وسكر هههههههههه محد تذكركم سكر 2ونص "حسب الرغبة " بس الافضل يكون حالي الموهم تحطونهم مع بعض وتخلطونهم مع ماء ساخن وبالعافية . :MonTaseR_31::MonTaseR_114: |
:blushing: مســــــاء الخير حبايبي |
اقتباس:
الله الله صح لسانك لا ع كذا يبي لنا قلم ثاني انا حصه فتاة الدان برود الثلج يعجبني لبست المعطف الابيض لقيت انه مكملني البقيه عليك وطاب صباحك >> اسيرة حرف ياختي انتي تجننين وربي تعليقاتك تعجبني بس كيف معك الشعر يخقق صح ؟:MonTaseR_213: هههههههههههههههه بس وش علاقه المعطف الابيض ولقيتي انه مكلمك >> شلوووووووووووووون ههههههههههههههههههههههههههههههههههه ياختي الله يسعدك والكثييييييييير مروركم وتعليقاتهم احبها وانبسط جد ان فيه ناس تتابعني ياجعلي فدوة :73344: |
مساء الخير :crosscrusher: مدونتي قلب قلبي انتي وعمري رجعت لك بشوووووق :0741: |
ياللي غيابك طال ياللي غيابك طال وبحقي اخطيت هذا شهر ما اشوف للوصل نية هن كانت اسبوعين لكن تماديت في غيبتك كنك تنفذ وصية لعبت باعصابي ولا قلت مليت لا راح اقول باكر مجية عانيت بغيبتك انا حيل عانيت يابغضني للبعد يا رحم حيه عقبك مشاويري من البيت لليت اخاف لا دقيت ماني هنيه الله ياني في غيابك تحريت اثر المفارق صعب ماهو شويه هذا شهر وش عاد لو انك ابطيت والله لتلقى لك هنيا ضحية البارحة مابين يمكن ويا ليت وابليس يتركني ويرجع عليه فكرت لو طول غيابك ولاجيت يعني كذا روحه ومن غير جيه خانتني الدمعة وطاحت وصديت ملعون ابو التفكير يذبح خوية |
| الساعة الآن 11:46 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا