العنق يا القارظ . . ما يحتمل ذنبين
ذنب الصداقه . . وذنب ذيك العنيده

الذنب ذنبك ساكت على مابك سنين
ونار الحب . . تاقد بصدرك . وقيده

ياالقارظ ياحب يجري في الشرايين
نجم محزمك . . وانت ايضا عضيده

ابشر بسعدك . مننا يا كامل الزين
نذرا علي لاسعالك عند ذيك الفريده

اسأل الله امرك . . من عندنا يزين
وانشر خبرك في الاذاعه والجريده

يا يحيا . . لا تأخذ كلامي بالقوانين
افهم المعني ترى علومي وكيده

يحيا هو طيب الفال يا نجم ويعين
كانك فعلت الخير يحيا ...... يزيده
وحنا مشينا في نظام ..... وقوانين
وحنا نخاف الله وحنا ....... عبيده
كفو يا بو سلمان وعدك لنا .... دين
رمز الوفاء مثلك جاب ..... الفريدة
الطيب طيبك والمراجل ... عناوين
ياحظ والله من كان يحيا . عضيده
ازبن على يحيا ويسدد ....... الدين
بين له المطلوب ومثله ...... يجيده
وعسى الفرج ياتي يا رب . هالحين
بيدين ربع كل ابوهم .......... بديدة
والا انتحرنا يا عشير ....... الوفيين
اهل العلوم الطيبة ........ والمجيدة

ههههههههههه
والله والنعم باللورد يحيا وبك يا صبي عنيزه ...
انا ماشف شاعر مجنون شعر ومفردات عذبه مثلك ...
انتظر ردي بس اوصل البيت ...

الله يكفينا شر ردك ويكون علينا برد وسلاما ههههههههه
تاصل بالسلامة ان شاء الله .

شكرا لروعة حضوركِ الراقي

شكرا لمرورك هكذا الحال .