جتني عن الديره مراسيل وأخبار
وأزداد شوقي يوم دقو عليه
قالو ترا الديره بها أسيول وأمطار
والبرق يبرق كل صبح وعشيه
والنار مشبوبه وقدرن على النار
وصفر الدلال مجهّزاتن هـنيه
وكل النشاما وأيضاً ضيوف زوار
مستبشرين بخير في كل نيه
باقي وجودك بيننا يأبن الأخيار
تاخذ وتعطي من علومن نقيه
قلت آه يا حظن رماني بالأقدار
وأبعدت عن داري بليا خطيه
لو أعتذر ما به مجالن للاعذار
هجرتها والهجر غصبن عليه
لا تحسبون أني ليا غبت مختار
لكن ظروفي ياجماعه قويه

أنا هنا بين الشعور وبين زيف اللاشعور ..!
مشتت بين الحضور ورغبتي ، بالإنعزال !