أنا جيتك من الفرقى أدور راحتي وياك
تعبت من الفراق اللي طوى روحي وغربالي
أنا متعب من جروحي ومن همي وجيت أنخاك
دخيلك لا تخليني كثر همي طوى حالي
أنا مقدر على غيابك ولا أقدر يوم فيه أنساك
ترى لو غبت عن عيني حشى ماغبت عن بالي
أدور لك عذر وأنسى همومي كلها لرضاك
وأحسك دوم في قربي وأشوفك دايم قبالي
حبيبي مانساني الشوق ولا قلبي نسى ذكراك
تمر أيامي أنا بغيابك وأحس إني أنا لحالي
تعال و شوف وش سوت بي الدنيا بعد فرقاك
أحس الكون من بعدك من إحساس الفرح خالي

اعتيادي على غيابك صعبٌ
‏واعتيادي
‏على حضوركِ أصعب !
‏سامحيني ..
‏إذا تماديتُ في الحلم
‏وألبستكِ الحرير المقصب !
‏أتمنى .. لو كنت بؤبؤ عيني
‏أتراني طلبتُ ما ليس يطلب ؟
‏أخبريني من أنتِ
‏إن شعوري
‏كشعور الذي يطارد أرنب
‏أنت أحلى خرافةٍ في حياتي
‏والذي يتبع الخرافات يتعب .

‏داره اللي في ضلوعي ، ما نزلها
غيره مْن الناس لو قفّت ضعونه

مغريات الوقت و الدنيا و اهلها
ما تسوي شيّ ، في عيني بدونه .

دايم افكر لو خسرتك وش يصير ؟
وقول دايم : جعل قبله وفاتي ..

من قبل اعرفك ماحسبت المخاسير
واليوم شفني ماخسرتك واحاتي

خلاص الحين بس الحين عرفت شلون أمطارك
تصب لكل خلق الله .. و تنسى تروي ترابي !