وش بجى للنجوم اذا بانت شمسك
يالقارظ ترا نجم كنز في سماك
صونه وبعينك خليه ترا صعب تلجى مثيله

يا نجم ضاوي يا غاتي
وصتني أميرة . بذاتي
تقول الشايب .. يهاتي ......... نجم ما تلقى مثيلة
قلت ابشري . يالاميرة
اعتبري مثلي .. خفيره
واعرف افكاره شريرة ...... لكن من شانك نشيله
نشليه غصب .... عليه
كله لعيون .... النشمية
ليت الوصية .... بجنية ... اهون من ضاوي وحيله
ورطتني ..... بالمصيبة
ورطتني به ....... لبيبة
لولا وصاة ..... النجيبة .... ما لا في ضاوي وقيله
قيله الاول ....... تحول
واصبح للبيض ايتسول
ومن اول والله من اول ..... يرمي الخليل وخليله
واليوم صارن .... يمرنه
لاجل سنه ...... يرحمنه
ويدعن للضاوي . بالجنة .. ويقولن شايب يا حليله
لو شافني يا بو . ضاوي
قدمن لي ....... القهاوي
كني الطير ...... النداوي ........ اشيل الريم بشليله
وان شافني ما اهجرني
ولا قالن هن ....... يبني
ناخذ ونعطي .... يالفني ..... وندعي لك ليلة وليلة
ندعي لك لاجل خبراتك
في هواهن ..... زماناتك ........ ذيك الايام الجميلة
من خبراتك .... استفدنا
بالخارج وايضا .... بلدنا
ولو كانه بالحد .. الادنى ......... عصير والا زنجبيلة

صـحت السنتكم جميعا

راقني طرحكم ومحاوراتكم الشعـريه

تحياتي لكم

؛

اهلا بك السيدة وسن ، نحن كذلك راق لنا مرورك وتقييمك العذب يا عذبة .

جاني خبر وانا في صلاتي
مدحتني . لك اميره بذاتي
والبارحه ما ذقت المباتي ..... هاضت هواجيسي عليه

تقول .. يا القارظ .. نجم
حافظ عليه ... جاك العلم
من كان رفيقه .. ما ظلم ..... روحه يا القارظ .. وفيه

انا اشهد .. انك .. وفيه
يا اميره بذاتي .. ونقيه
حتى القمر .. غاب ضيه ..... من طلت .. اللبه المضيه

يا لبك ... ولب ... قلبك
يحفظك .. للاهل .. ربك
ويسعد لك قلب ن يحبك ..... لولا الحيا اهدي لك هديه

يا القارظ .. افهم القول
حتى كلامك . . لا يطول
دوم .. يذبحك . الفضول ..... تظن .. في نجم ... سيه

هذي شهاده اليوم جاتك
من اميره .. تخص ذاتك
ليتها .. تفيد . . بحياتك ..... تقبلها . وخل روحك رضيه

هنيتك والله .... يا نجم
على الطلعة فوق الرجم
تشوف عربنا ... والعجم .. وتطلع بالقاف وتشيله
وحنا قعدنا في .. سجن
مثل الدجاح ... اليارجن
لا حنا مع هل .... الهجن ............ ولا قيلنا مقيله
ولا حد وصابي صديقه
وحيد ولا لي .... شقيقه
كني اعيش ..... بحريقة ....... والعقل ضيع دليله
دنيانا عيت ........ تعدل
روحي بالغربة ... تبهدل
متى يا نجم ....... تبدل والحالة طاحت من حيله
يا خالي هات النصيحة
هات النصيحة صريحة
تشفي النفوس الجريحة ... وقلب العنا سرى ليله