يقول منهو يفهم الوقت وبخيص
للي تمنى حاجة ماتخصه
بالك تمنى لو تمنيك برخيص
ترى التمني غصة عقب غصة
ارضى بمقسومك ولو فيه تنقيص
ولو جاك ربع اللي يجي الناس نصه
واسكن بجو ماتجيه القوانيص
وابعد عن المجلاس قرب المنصه
وابعد عن الخفاش والبوم والنيص
وخل الاثر للي بخيص يقصه
وان حدك الحظ الردي تاكل الشيص
وتشرب هماج وتنسدح بالمجصه
اخير من عيشة نعيم بتنغيص
حبل الرجاء بيدين مخلوق قصه
ومن مايقيّس قبل ماينزل الغيص
سود الليالي بالمشاكل تخصه
ويصير بين الناس منبوذ ورخيص
ويصبح كما الخاتم اليا طاح فصه
يقوله اللي شخص الوقت تشخيص
لو تنشده يحكي عن الوقت قصه
وقت ن كما البلوت يحتاج ترصيص
احدن يفوز بجد واحدن برصه
ناصر العتيبي ..~

من بين كل الناس يا سيد الناس
‏انت اللي ترضيني وترضي غروري

.
.

لله در النايمين ..
الساكنين الفارغين من الحنين ..
ما مرهم طاري حبيب ..
ولا قلب من فقده عطيب !
كل المشاعر سالمة ..
ما يكبرون الا من حساب السنين ..
واللي عشق !
يكبر مع جرحه إذا عيا يطيب ..
بإحساس ربي عالمه !