الله يزيل الضيق عن شـاكي الضيق
ويعوّض الضـايق سـرور وسـعاده

ويحـقـق الأحــلام للنـاس تحقيـق
ويـزوّد الصابـر صمـود ، وجـلاده

تبي الصراحة فرحتي تكمل معاك
مشتري قربك وكلك مشتريك

جعل رزقٍ يجي يشبه هطول المطر
وجعل أجرٍ يجي يشبه كبار الجبال

الأماني طير.. لكن مايطير
زحمة الواقـع تحدد له فضاه

ليت .. لكن ليت لو تقدر تصير
كان صارت شي واقع فالحياه

من يقول ان الأمل يحيي فقير!
كم امل متنـا ولاجينا .....مداه.

الموت حظ القلم والمجد للدفتر

حبر القلم غلطتي وايامي اوراقي

الخوف يجتاحني وجه الطريق أسمر

راح اكثر العمر ياخوفي على الباقي

ياجرح رافقتني للناس لاتظهر

وان عشت في نظرتي مامت باعماقي

ياصوت لاتلتحف صمتي ولاتصبر

قل ماتبي واترك الهقوه على الهاقي

والخطوه اللي عن آخر سكتي تقصر

ماهيب من طبع رجليني ولاساقي

مانيب من عاش لايربح ولا يخسر

ولاهو ضرري تكون أفعالي أخلاقي

ثراي ماينشد الغيمه متى تمطر

مادامها في سماي تحن لاغراقي

رح وين ماتشتهي رح قد ماتقدر

أنا اول الناس في قلبك وانا الباقي

يكفيني انك تعذبني وانا اتفجر

قصايدٍ تنتظرها كل عشاقي

وانا قصيدي يجي مختارني مهجر

وأنبت عشانه نخل وسنيني الساقي

وجه أبوي هو اللي ينقال عنه
وجهٍ أتذرى به من شقى يومي ..