ودعتني وتقول ترجع بعـد عـام
واقول مـادري يامظنـة عيونـي

مايندرى يازين عن سـر الأيـام
وعسى العيون تشوف من ودعوني

تلعبنـا الأيـام وتزيـد الأحـلام
وتعـز لقيانـا وتكثـر ظنونـي

وتقول لي قلبك من الوجد مانام
واقول أنا العذال بـك سامحونـي

ليتك جرحت القلب يازين بسهـام
وأبعدتني عن الذي يجرحونـي

لكن سهامك ورد ما يررث الآم
يا ليتني ورد ٍ لجل تشتروني

وتزيد في سومك على كل من سام
على جوانب بيتكـم تزرعونـي

.
‏امك ماغير امك وطن يابن الاجواد
فرصة حياتك * برْها * واغـــــتنمها

في حضنها رحمه وقصه ومـــــيلاد
ويكفيك بالجنه مواطي ' قدمـــــها

.





‏يــــالــعظـيم اللي عـظيـمً شانك وسلـطانك
‏أستمــــع دعواتي ونجــــواي وأقــــبل منّي

‏لا إلــــه الا أنــت يـــارب الســماء سبحــانك
‏أسألك يـارب تغــــفـر لي وتعــــفــو عـــنّـي

‏