اتعبتنا الحياه ودوختنا الظروف
وآه يانفسي اللي وصلّت حدْها
كانت اتعالج العالم / وكانت تروف
قلت يانفس هدي والحزن هدْها
معنويات منهاره وضيقه وخوف
يوم بانت مواقف / وانكشف سدْها
أثرت فيّ / لين اصبحت ماني شغوف
بس جالس مع الصدمات / واعدْها
مدري هالقلب باسباب الاوادم عيوف
وإلا هالناس صاير منقلب ودْها
كم وقفنا معاهم / والوقوف الوقوف
ليه بعدين كنّك واقفٍ ضدْها !!!
وكم نطّوف لحاجاتٍ واهي ماتطوف
والنوايا النظيفه دايم نمدْها
حملنا زاد : ماعادت تشيل الكتوف
وإنهزامية الأنسان لابدْها
كل طيّب بهالدنيا مصيره يشوف
صدمةٍ ماتخيلها ولاعدْها

مبارك الحجيلان