لا تقسـيـن ع الخـافـق الـنـي
قلبي رقيق الحـس وانتـي رقيقـه
لا قلت آه وقلتـي بهمستـك : بـي
اقـول ياجعـل الهمـوم بحريقـه
يافي وانتي من عنا قيضـي الفـي
ولا كل من سموه .. فإسمـه يليقـه
يافي قلبي ضامـيٍ وانتـي الـري
متى على الله قلبي يبل ريقـه .!!!
غلاك يسري داخلي دونمـا ضـيّ
من خبرته ماهوب يغـوي طريقـه
يامهرة تعصا علـى عسفـة الغـي
ياراشده .. ياطاهره .. يـا طليقـه
يامبسمٍ مـاذاق مـن منهلـه حـيّ
ياعود .. يشكي من جليله .. دقيقه
ياوردةٍ نـدا علـى خدهـا المـي
وردة جبـل ماهيـب وردة حديقـه
ياعزوة آخيها ليا قال : انـا إخـي
يابنت ابوها .. يالأصول العريقـه
إشتقت لك واللي هبا قدرك بـذي ؟
اني مأطيق البعـد عنـك مأطيقـه
اشيا كثيره ما أعتبرهـا ولا شـي
اذا زعلتـي او بعـدتـي دقيـقـه
لا تحسبين ان زعلتك عندي شوي !
رضاك عنـدي دون كـل الخليقـه
كلمه وخانتني ولو كـان بيـديّ ؟
ماقلتها والصـدر ماجتـه ضيقـه
قلت إبعدي ثـمٍ بعدتـي وانـا زيّ
غشيم عوم وطب وسـط العميقـه
من قبل أوّرد سالفة : (طعني وعيّ)
رحتي وعينـي بالعبايـر غريقـه

العيد راح وبعده العيد ثاني
وانا برجوا بين موعد وميعاد
البس جديد اليأس بعد الأماني
على تلاشي فرحة العيد معتاد

بوحي

القمر غاب وانت اطفيت نور السروج
.......................قلت يكفيك نور الوجه الاصبح سراج

الدمع لو انه نطق .. عذب الناس
والحب لو أنه خطأ .. ما وصل لك

خلك ثقيل وكل كلامك بمقياس
ماكل من يسمع همومك فزعلك

بعض البشر من حبها .. تقول لا باس
وبعض البشر من حقدها تبتسم لك