القاع فرشي / والسحابه عباتي
‏واحلا زهابي .. صبري وذكرياتي

‏( برحل ) وأنا ياكثر ماقلت ابرحل
‏لـ وين .. مدري ؟ المهم من حياتي

كثير يالهجر ومحطاتك كثار
وجروحك المره تجي متسلسله

المشكله ماهي بطول الانتظار
الانتظار بحد ذاته مشكله

‏للذكريات الحلوة اللي تعوّر
‏ولحظاتنا هذي .. قبل لايفوتون
‏،.
‏جيبي التليفون .. وتعالي نصّور
‏بنموت .. واللي بالصور مايموتون !

ياخي اذا كان عندك فكر حاول تكون
راقي بهرجك وخصمك تحترم نظرته

ترى العرب ينظرون اسلوبك ويحكمون
والجاهل .. اسلوبه يخرّب على فكرته

‏لملم شتات المدينة و اقفل أبوابك
‏الليل ما به شغف يسمع مآسينا
‏-
‏تلويحة الهجر ؟ ذكرى تدفن غيابك
‏ليه الفراغات ما تملأ كراسينا ؟
‏-
‏جابك حنين الليالي بس ما جابك
‏دمعٍ ذكرك بغيابك و أنت ناسينا