ابـ اسألك باللي خلق للذنب غفران الذنوب
( وش يجني اللي باع عمره لأجل عمرٍ ٍ يجهله )

هذي السنين اوراق تتخطّف بقاياها الهبوب
هذي الهبوب اللي تلم اوراق عمري مرحلة

الحلم يا فرحة طفل .. والعمر يا وجه ٍ شحوب​
والعين غيمة من ضما .. والقلب صحرا قاحلة

معي قلب قستْه المواقيف والصدمات
ماعادت طيور الصبح بالحب تعزف له !
.
ياربي واجرني من علوم الردا بالذات
ومن كسرة الخاطر ومن موتت الغفله !
.
خوي الشدايد صامل الراي والوقفات
هذا والله اللي لاتضايقت اهيّف له !
.
وخوي السوالف خذ سوالف وخذ نكبات
هذا والله اللي لا يْعرف لي ولا اعرف له !

‏إيه أنا واقف على ضفّة غيابك
‏إيه أنا منهو نسى ..
‏أو هو نسى بك
‏إيه أنا موعد على حطّت | حنينه
‏خان به ظرفه ؟
‏أو الخاين يِدينه !
‏إيه أنا الـ ( مدري )
‏أو الـ ( ليه )
‏وسنينه
‏إيه أنا ساعةْ يشوفك
‏تنطق عيونه هلابك

الله حسيبك يللي عني تخليت
كدرت حالي عقب ذيك المسره

يعلم بي الله عن هواك ماتغاليت
مكتوب علي اذوق حلوه ومره
عصاني صبري ياحبيبي ومليت
وانا اتنظر شوفتك واتحره

كل ما طريتك قلت آه آه ويا ليت
ليت البخت يجمعني وياك مره
غيرك حشا يا منيتي ماتمنيت
ولا خطر غيرك على البال ذكراه